والله يا اختي لو انا مكانك افضل الانفصال وبكل سرور

هالرجال ما منه رجا

يكفي انه ما ستر على بيته وكل اسراركم بره البيت

غير انه كان يضربج

اقول فكي نفسج وريحيها ترى الدنيا قصيرة ماله داعي نعيشها بكدر

وحتى لو لا قدر الله ربنا ما كتب لج نصيب مع غيره اهون من هالعيشة اللي معيشج اياها

الله يكون بعونج

والله انك صادقه وقال يحبني ويموت فيني ولو مارجعت مادري ايش بيسوي بعمره ويوعدني يتغير وترى يقول الدف مو ضرب وصح الوحده ماتنكر اكيد في اشياء حلوه بس هذا الطبع لايعاشر مشكوره اخت موهوبه والله يسعدك

الحين سواياه هذي كلها وتقولين في بداية كلامك طيب..ويحبني اي طيبه هذي..والا انتي فاهمه الطيبه بمعنى ثاني..

واساس كيف بتعيشون مع بعض وانتوا صار بينكم محاكم وكلام ماله اول ولااخر..

وانا اقول دام مامعك اطفال...احسن من ان يكون معك اطفال.ويكونون ضحية طلاق..خصوصا انه مو اول مره يوعدك انه يتغير ويبكي ويحلف..وفي الاخير كله كذب..

وان قررتي تعطينه فرصه وترجعين انتبهي من مسالة الحمل.الين تتاكدين انه تغير.عشان لاتتورطين بطفل

ولاتناقشينه في شي مختلفين فيه حتى لاتعرضين نفسك للضرب..او الاهانه..يعني هو مو معقوله يجي يضرب من دون سبب يمكن انتي تنرفزين..بس برضه المفروض مايضرب ويتفل ويطردك..من البيت

حياتي الله يفرج همك...
بس تدرين اذا زوجي ضربني اضربه والله ما استحمل , انقلب وحش ...

ههههه أنا صرت مؤخرآماأتحمل بس لاحظت إن الإحترام أنمحى الله يعين وبس

من قالك هالمعلومه...هو قالك؟؟؟

ان الي تطلب الطلاق لاتشم رائحة الجنه...مااعتقد لو كان صحيح ماكان في قضايا خلع في المحاكم..

وصحيح ان الطلاق ابغض الحلال لكن..الله حلله لان النفس ماتتحمل فوق طاقتها..ولان فيه ازواج وزوجات مايتعاشرون ابد..