هالشي يختلف من شخص لاخر
لان كل انسان اسلوبه يختلف
مو شرط يكون الاعتذار فقط بهذه الطريقة
عن نفسي اقول انا اسفه واعتذر بعد النقاش طبعا
ربي يوفقك

والله يا أختي الغاليه بحر العطاء بالنسبه لي أنا وأبو العيال الحمدالله ما عمره قد حصل بيننا خلاف كبير وكايد ولاكن مثل ماتعرفي إن الحياة الزوجيه ككل لابد وإن يتخللها بعض الخلافات بين الزوجين وحنا تحصل بيننا أحيانا بعض البهارات مثل مايقولوا بس بهارات هنديه مو باكستانيه الهنديه يمكن أخف من الباكستانيه لأنها باردة شويه الهنديه وتمشي الأمور نتراعل شوي والله مايتعدى زعلنا حتى ثلاث ساعات إلا وقد تراضينا ومثل ماتعرفي أحيانا الرجل مايحب يعتذر بشكل مباشر بس أنا أنتظر زوجي يقول لي قومي ضبطي قهوه أو شاي أو يطلب مني أسوي له أي شئ أنا أقول له لا ماني بقايمه ولا أنا بخادمتك حتى تقول آسف وتعتذر لي أقولها بطريقة مز ح وأنا أضحك يقوم يضحك على طريقتي و يبوس راسي ويقول آسف و يعتذر وخلاص يطيح الحطب من ذاك الساع بعدها يقول والله إني ما أرتحت وحنا متزاعلين وبالذات أنا لو كنت متضايقه واجد و طنشته أشوفه يرو ح غرفة النوم يتسدح فيها شويه و يطلع يروح المجلس يجلس شوي و بعدها يلبس ثوبه وشماغه ويسوي نفسه طالع من البيت ينزل يجلس بسيارته بالشار ع شوي بس على مين يلعبها أنا عارفه أسلوبه زين بعدين يطلع للبيت مرة ثانيه ويغير ملابسه ويجلس بالصاله مع العيال يلعب معاهم شويه
حتى يطفش وأشوفه يجي للغرفه إللي أنا جالسة فيها يجلس فيها وأنا مطنشه أما ألعب بالجوال أو أقلب بالتلفزيون وأشرب شاي ومطنشه بس
لو كنت شايله بخاطري منه أقوم وأتركه لحاله أرو ح المطبخ أو غرفة نومي وأجلس فيها وحينها يحس بنفسه إن هاذي المرة يختلف زعلي عليه يجي يعتذر ويتأسف وتنتهي السالفه بالنسبه لزوجي لو أنا زعلته أعتذر منه والهدية شوية مساج ودلة قهوه ويرضى والحمدالله والشكر الله لايجيب الزعل بين زوجين يارب وربنا يوفق كل زوجين في حياتهم يارب .
ولك الشكر على هالموضوع الطيب وأسأل الله بأن يجعلك لعين زوجك نظر ولقلبه نبض ولأذنه طرب ولحياته سعاده وتكوني حبيبته طول العمر ومدى الدهر اللهم آمين .

أعتذر منك أختي الكريمه لأني خبطت بين معرفك ومعرف أخت لنا في المنتدى معرفها بحر العطاء وأنتي جوهرة العطاء وحسبتها هيه صاحبة الموضوع و أنا ما أنتبهت للمعرف إنه خطأ إلا متأخره وما أمداني أعدله فأكرر لك أسفي وإعتذاري ياغاليتي .

وفقك الله واسعدك ورزقك الذرية الصالحة وفعلا فلكل انسان اسلوبه

شكرا لمرورك واستفدت كثيرا للمداخله الهادفة وشكرا للدعاء الجميل ان شاء الله يكون لي ولبحر العطااء:d
وتداخل الاسماء بيننا صدفة
حفظك الله واسعدك وكيف حاال ابنتك الآن ان شاء الله بخير وعافية:30:

انا ولا عمري اعتذرت هو دايما يعتذر لاني ولا مره قصرت معاه بشي بس لو اغلط مستحيل اعتذر عشان مايتعود على الزعل وتصير عاده

ليس مهما التركيز على إسلوب الإعتذار
ولكن الأهم أن يكون الإسلوب مقبولاً من الطرف الآخر