|
اقتباس:
|
اكسبي زوجك بايا طريقة وبعدها رح تعيشي مرتاحه
مااقدر اقلك كيف لسا ماعندي خبرة بس صدقيني اذا كسبتيه رح ترتاحي |
اختي اشوف اغلب مشكلتك يدور حول أخواته وأهله وبيت أهله وو .. الخ
أطلبي حقوقك وأولها السكن واشدد على السكن مستقل لكم فلماذا تنازلتي عنه وهو من حقك أذكر عندما تزوجت ولي أمر زوجتي خالي سألني عن السكن مع أنه يعلم مسبقا أني لن اسكن مع أهلي وهذا من حقهم وحق بنتهم وحقيقة تفاجأت أن هناك من يسكن مع أهله في زمننا هذا لأن هذه الظاهرة كنت اعتقد أنها اندثرت والله يوفقك |
اقتباس:
تبي البنت تتحسر وتندب حظها اهي في اوج ثورانها العصبي مع الحمل والهومونات عندها طالعه نازله وتعبانه ويمكن توسوس وتخاف ويمكن يتهئ لها كل ذي المشاكل... عادة لن تندثر صدقني والسبب غلاء المعيشة والا كانت ستندثر ايام العز الحين يالله الرجال لو جمع وبنى شقه فوق بيت اهله ويكون ملك وبلا اجار ولا 20 او 25 الف تروح بالسنة لأن حرمته واولاده احق بذي الفلوس من غيرهم ... بس الحريم لو بيدهم يبون يعيشون الرجال على الحديده عشان مبدء يقول نتفي ريش طيرك ليولف على غيرك... |
الله يختار لك الخير.. ويسخر لك زوجك.. ويصرف عنك شر أهله.. إلي هم أهلك..
أنعدم أحساس الناس بالأمانة.. يعني هم يتزوجون بس عشان يذلون بنات الناس.. الله ينتقم من كل واحد يأذي امرأة ضعيفة.. |
اقتباس:
وبعد ان ينتهي من بناء شقتة أو ملحقه مثل ماقلت يسوي اللي يبغاه.. المعضلة والمشكلة هنا السكن قبل كل شي والله يوفقها وييسر أمرها. |
اهلين بحاول اخلصه اليوم عشان تقريه
|
انا لي يومين عند هلي وكلمت اخوي واخوي قال حق ماما وهي متضايقه ماتبيني اتطلق وانا مو قادره ارجع له كل مااتذكر اللي صار فيني اتراجع مايهمني شي ابد انا بس ابي ارتاح احس اني حيل تعبت وصاحبتي قالت لي روحي تعالجي بمستشفا نفساني شافت حالتي تعبانه ونحفت حيل وانا مو سعيده معهم مااعتقد انني غلطت يوم قلت بنفصل اخوي يقول لي فكري في اللي بطنك وانا مو متحمله اصبر اكثر وماقدر اتراجع والله انا بس احد يفهمني وخايفه ماما تزعل مني لو اصريت مايهمني اي شي قد مايهمني اني اكون وارجع سعيده والله حتى ماعرف اتكلم صرت مثل المجنونه حتى اتكلم لحالي ومشكورين كلكم بس ياليت ياليت تعطوني حل يريحيني مشكوره ياختي رومنسيه وانتظرك |
اقتباس:
اقتباس:
اقتباس:
اقتباس:
اقتباس:
اول شي اعتذر اذا تأخرت عليكي بس عندي مسؤليات كان لازم اخلصها فوق اني كنت مريضه امس ولا قدرت اركز الحين يا اختي هل تثقفتي في الزواج قبل ان تتزوجي؟؟ سأخبرك بما حدث لك مطولاً و أوضح لك كيف انصدمتي ... عشتي قصة حب وبحكم سنك فأنك تعتقدين ان للحب قيماً وجدانيه بحته وكأن اثنين قد اختيرا لبعض وان الله اراد ان يجمع بينهما ولا يفرق بين تلك الروحين الخالده تحت ظلال الحب...صح احلام وتصورات وتخيلتي حياتك القادمه مع امير احلامك القادم على حصان ابيض ... وهذا ما كان بعقلك.. بحكم مجتمعنا المنغلق وعاداته وجدت الحب من طرف احد اقربائك ... ورسمت كل تلك التصورات .. وظننتي انه يحبكي لأنك انتي ..صح.. يا عزيزتي استيقظي نحن في الواقع سا أسئلك لماذا يتزوج الرجل؟ ولماذا تتزوج المرأة؟ عزيزتي لو احبك قريبك فهو قد رأى فيكي شئ اثارة واعجبه فقط لا غير.. والرجال تتزوج لأنهم بحاجه لزوجة يفرغون معها طاقاتهم الجنسيه ... حين يتأخر الرجل بالزواج فهو اكثر عرضه للأدمان .. وللتدخين وللجوء الى الحرام كي يفرغ طاقاته الجنسية التي جبله الله عليها .. ولهذا يقول لك زوجك ذلك الكلام... والله ياعزيزتي الحب موجود وله اوجه واشكال مختلفه ولكن عليكي قبل ان تحبي التفكير الف مره وضعي قناعة بنفسك ان الرجل ان احب امراه اكثر الجماع معها وهذا امر طبيعي 100% وان ارتاح معها فلن يريد غيرها... بإختصار المرأة تحب بقلبها وعاطفتها.. والرجل يحب بشهوته وغريزته.. اوكيه فهمتي هاذي النقطه .. طيب باقي نقطة اقتباس:
يا حياتي ^^ مو شرط يمكن يحبك بس مو شرط ان ينفذ لك كل الطلبات ... والحين انتي حامل تبين تقولين لي مثلاً انه ما يشتري لك الأكل اللي تتوحمين بيه او العطور التي تحبينها او ايش ما كان وحمك ... شوفي لازم تنظرين للأمر من كل الزوايا اهو كيف وضعه المادي... لو وضعه المادي تمام ومستقر ما اظن انه بيسكنك بغرفة بحمام مشترك ..صح .. وانتي رضيتي بالوضع... اهو يعطيك 300 بالشهر من راتبه وهذا يدل على انه ما نساكي ويبي يبري ذمته وتراها حلوه منه انه يحطها لك بالفراش لأنه ما يبي يحسسك انك تشحتينه او يحرجك ... ترا احمدي ربك انه يعطيكي فلوس بيدك والمفروض لا تقولين لأحد والله متزوجات مالها من زوجها الا اللي يجيبه بالبيت والملابس الي تشتريها يوم ينزل معها السوق ومالها عنده مصروف ... كثير بيوت بذي الطريقه ... ايش برايك افضل ... ومبين على زوجك انه عاقل ... ومدبر حاولي ان تتعرفي على طريقة التفاهم والتعامل معه.. اقتباس:
اعتقد الحين عرفتي! اهم شي كيف تتعاملين مع زوجك ويا حلوه لازم تبينين لزوجك انه تزوج مره بكل معنى الكلمة مو وحده تبي احد يدلعها و يتغاضى عن اخطائها ... يعني يبيك ترحيه بكل النواحي .. يبغى يرتاح فدوري راحته .. في السرير ... في مواعيد اكله ... في تجهيز غرفته ملابسه .. في كل شي .. ((بكمل وارسلك بعد شوي)) |
عدنا^^
السلام عليكم كثرت العزايم من يوم ما بغيت اكتبلك الردود ^^ يا اخيه مشكلك كثيرهوالوسواس الذي تعيشينه صعب نوعاً ما لكن بأمكانك ان تتجاهليه سأعلق لك على بعض الأمور وسأكون حازمه ببعضها معكي اقتباس:
اقتباس:
ولو كنتي لا تتنصتي وهم كانت اصواتهم عاليه الحل بكل بساطه هو تطرقي بابهم وتقولي: لهم لو سمحتوا انتم اصواتكم عاليه وانا ما اقدر انام بس اسمع ايش تقولون ممكن توطون صوتكم اشوي.. اما استغلال الأمر لمعرفة ما يتحدثون به فهذا خطاء بحد ذاته ولعلمك ان الشئ الذي ادخلك للوسواس والظنون هو هذا الأستراق للسمع ... ولما انتي مهتمه بما يقولون م ن (مع نفسهم) ان كانوا يغتابكوا فعليهم الأثم وان كانوا يمدحوك فعليهم الأجر ... وانتي ما راح تقفلين افواه البنات بالقوه محد يقدر على كذا ... فطنشي وكبري راسك عشان لا تبعي دماغك باللي تسمعيه اقتباس:
طيب انا عندي تعليق على كلمة خلها الكلمة تدل على انك انتي اللي طلبتي انك تروحين بيت اهلك وزوجك رفض ... انتي تعرفين ان له الحق يمنعك عنهم شرعاً... وكمان لزم تتفقي معاه على زياراة اهلك صدقيني الأسبوعيه كفايه ... كثرة زيارات الأهل ممكن تخرب البيوت لأن اخوات معظم البنات الله يهديهن يعبون راس اختهم المتزوجة و اوقات تشكي البنت لأمها عن حياتها والأم بطبيعتها تنقهر على بنتها وتبدى المشاكل ... تعرفين انا اعرف وحده من صديقاتي في هذي الفترة القريبه امها وابوها بالمحكمه الأم رافعه قضية طلاق والأب رافع قضية خلع ومتهاوشين والأب ضرب الأم والبنات وكسر قزاز ابواب البيت ... تعرفين ليش؟؟.. اختها المتزوجة بأمريكا جت مع زوجها زيارة اهي بس تشتكي من زوجها على امور تافهه ما يساعدني كلش يخليه علي حتى عربية النونو مو راضي يطلعها من السيارة وطبعاً الأم زعلت وبغوا يراجعوا الولد الأب جا ينصح بنته والأم وقفت بوجهه وانت مثل زوج بنتك وكلكم زي بعض وووو والأب حاول يسكتهم ما قدر .. والبنت قامت صفة مع امها يتهمون الرجال مع انه ماله دخل بالمشكلة اساساً ... وهنا في قاعده نفسية تقول ... اذا زاد الضغط على الفرد وكانت كل الأطراف ترفض الإنصات اليه يولد الأنفجار وهذا ما حدث ... وهم الآن بالبيت كل واحد ينتظر معاملته عند الشرطه والبنت بعد ما سوت الزوبعة ببيت اهلها رجعت لأمريكا مع زوجها .... من الخطاء ان تحكي لأهلك عن مشاكلك الزوجية خاصةً والدتك... اقتباس:
برايك اهو ليش ضدك لأنه يسمع الشكوى منك بس واهله صدقيني ما يشتكون وبطبيعة الرجال انه ما يحب يسمع لطرف اللي يكثر عليه الكلام ولو وقف في صفك وشاف التناقض بالمواقف عن اللي قلتيه صدقيني بتاكليها براسك.. اقتباس:
اقتباس:
يا بنت انتي شفتي بعينك ولا تقولي لي انا تسمعت لكلام البنات ... يمكن اللي عندك تهيؤات ..انا ما احاول ابرر موقفهم بس كلامك يدل على انك ما ودك تتنازلي لأحد ... و نفسك تمنعك انك تساعدي ببيت الناس ((اللي هم اهلك)) ..صح.. شوفي انتي الحين مسؤوله عن رجال ...فهمتي ... ولازم تكوني وحده من علية فلان الفلاني وزوجة ولد فلان ابن فلان فهمتي قصدي ... انتي وحده من العيله مثل مالكي لهم ... وحماتك هيا خالتك ومبين بكلامك ان ماكان في مشاكل معاها من قبل الزواج ... الرسول صلى الله عليه وسلم قال ان الخالة امٌ ثانية ... والله مردها تحن عليك.. بكلمة طيبه ونفس رضيه وخلك حنونه .. المره الشاطره تكسب اللي حولها ... انتي بذي الطريقه تنفريهم منك ... اقتباس:
أعرف وش تبين تبين بيت لوحدك تسكنين فيه ...صح... يا ذكيه اقتباس:
انا مارح ادخل معاك بمناوشات البنات والحريم لأنها حكاية لم ولن تنتهي... مين البادي ومين المخطئ مايهم ... انتي يبغالك تتعلمي كيف تطنشي وتكبري راسك.. ولو زوجك ما قالها انا اقلك اياها بتسكنون ببيت لحالكم ان ما كان اليوم بكره ان ما كان بكره بعده ان ماكنت السنه اللي بعدها الله يعلم .. بس حتطلعون من البيت .... اهم شي لاتطلعي منه بمشاكل ... والشي الثاني حطي ببالك ان عايلتك حتكبر والغرفه ما راح تكفيكم ... صح.. شوي شوي لملمي عيلتك حببي زوجك بأسرته عشان اول ما تجيه قرشين يتوسع ويوسع مسكنه فهمتي ... وحافظي على علاقتك بحماتك خالتك وحماكي زوجها هم اهم شي والبنات اذن طين واذن عجين لو هم طيبات مع نفسهم ولو هم شريرات مثل ما تقولين برضوا مع نفسهم ... بس بصراحه ... اقتباس:
شوفي الناس في العاده تزلب مين ...؟؟ جاوبيني .. راعي المشاكل .. او الفتن ... هو اللي الناس ما تعطيه وجه في اللي يقوله ... انا ما تهمك .. بس انتي بأستراقك للسمع ودخولك للوسواس فتحتي باب للشيطان عليكي عشان يعمل الفتن والمشاكل بينكم .. وشوفي ليش في زواجات الأهل المشاكل اكثر و تكون غير لأن الأهل كل طرف عارف اسرار الثاني .. فاكسبي اهلك ((مو اهل زوجك)) .. انتوا عايله وخالتك بمقام امك المفروض تكونو مترابطين اكثر... هذا كل اللي عندي الله يستر عليكي ويوفقك.. |
| الساعة الآن 08:11 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©