|
اقتباس:
ولى يهمك شكلها تحب النوم كثييير ولى خايفه تعودك على هلعاده وتدلعك بعدين تبتلش لان العاده تصير مثل الواجب ربي يسعدك اخوي وان شاءالله تكون مو مقصره في واجباتها تحياتي |
اقتباس:
وعافيك يارب ههههه صدق من قال عننا ياحبنا للسوالف تحياتي |
اقتباس:
والله زوجتك مروقه تتزين لك علصبح ولسه صاحيه من النوم خايف على بطنك :17: صحيح الطريق الى قلب الرجل معدته تحياتي |
ما عندك أحد ما رح أظلمها خليني أقول وابااااااااااااااااااااااااااااااااااااااااااااااا ااااااااااااااااالغ جداً وأقول هيا كلها سنة متفرقة من أصل 15 سنة زواج اللي شعرت فيها بهذا الشعور .
لا تصحى قبلى ولا تقوم لما أرجع وهي نايمة ولا ألقى فطور في الصباح ولا غداء في الظهر ولا عشاء في الليل وكله من المطاعم ولا تجهز ملابسي ولا تشيل مني الأغراض أذا جبت شيئ معاي للبيت ، حالتنا في البيت مثل العزبة لكن الحق يقال عزبة نظيفة ومرتبة هذا أقصى اهتماماتها . لكن في مواضيع الأكل نأكل بغير ترتيب يعني لو جبت شيئ من المطعم مثلا البيك مثلا ، رح نأكله من نفس صحونه اللي أخذناها من البيك وإذا جبت كبسة ممكن نحطها في صحن واحد أما السلطات التابعة من علبها مباشرة. أقول الله يخلف علينا بس . شكل القضية منتهية منتهية ..... الله يجيب الخير |
أنا اواصل سهر حتى الفجر لأن زوجي ضروري يصلي الفجر بدوامه أو بعد الصلاة مباشره يكون بالصفه حق عمله قبل الصلاة أصحيه وأجهز له حليب زنجبيل أوكافي ويتوضأ ويلبس ويجلس يشرب الحليب وأجلس أقرقر عليه بالسوالف حتى يأذن وقرب الإقامه أستودعه الله وأفتح له الباب ويروح يا إنه يصلي بالطريق أو يصلي في مسجد عمله ومقر عمله قريب من البيت بعد مايروح أصحي عيالي يروحوا يصلوا بالمسجد وأنا أصلي وأضبط لهم فطور وأجهزهم للمدرسة وبعد مايروحوا أحط راسي إلين الظهر
وأصحى أجهز الغداء وزوجي أحيانا يجيب فطور الصباح ويجي يزعجني وأنا نايمه يصحيني علشان نفطر سوى أضطر أصحى مجامله له علشان لوماصحيت يزعل وماعاد يفطر أقوم من نومي غصب عني ونفطر مع بعض ويرجع دوامه وأنا أواصل نومي وأحيانا يسون قطه هو وأصحابه ويشترون فطور ويفطرون مع بعض وكذا دواليك وأنا ماكنت أسهر من أول إلا يوم عرفت هالمنتدى الطيب أحب أتصفحه بوقت هدؤ فما ألقى غيرباليل زوجي وعيالي ينامو ا وأنا أستلمه وما أفكه إلا قرب صلاة الفجرحتى دائما لمايصحى زوجي يسألني مانمت باليل صح أقوله ماجاني نوم يقول بلاك والله من ذا المنتدى مطير عقلك ونومك لاتنسين نوم اليل أحسن وأفضل لجسمك من نوم النهار ويستلمني نصايح حتى أنا أجيب له سالفه وأغير عليه سالفته وأنسيه الموضوع بس ياويلي لوقلت آه اليوم راسي أحسه مصدع يقول أكيد من قل النوم أنت ماتنامين باليل بس بطلت أقوله راسي خلاص حبه فيفا دول وينتهي الألم حتى أرتاح من نصايحه عموما قرقرت عليك واجد مشكوره أختي على موضوعك الطيب. |
بالنسبة لي أنا باقي ماتزوجت يعني عزوبي ما عمري أفطرت في البيت من يوم توظفت بس بعجبني ردود الأخوان والأخوات ومنكم نستفيد بس أسأل الله العظيم أن يحفظكم ويخلي كل زوج وزوجته لبعض يارب ودعواتكم لي ,,,,,
|
افاااا اجل انا الوحيده هنا اللي أكون نايمه ويا قليبي زوجي ما اقوم معه هههههههه
بصرااحه ايه اصحي معه دااااااايم واجهز له الفطوور بس بس بس زوجي من النوع اذا صحى الصبح تكون النفسيه عنده دمااار ويحط حرة الدوام فيني يعني احيانا يتمشكل معاي الصبح ويدور علي اي شيء ليش الساندوتش كيذا؟ ليش الشاهي كيذا ؟ ليش سويتي لي بيض؟ ليش ما حطيتي لي طحينيه ؟ واخر شيء يقوول انتي اللحين ليش صاحيه؟؟؟ ليش ماتنامين طبعا مليــــــــــــت وصرت اناااااااااااااااااااااام خاصه لأنه جا يوم وقالي ترى ما احب افطر في البيت احب افطر مع ربعي لأنهم يسوون قطيه وكل يوم الفطور على واحد من المطعم اما في حالة صحى للدوام وصحيت غصب عني اكيد اقوم معاه واودعه عند الباب والحمد لله ما اقصر معاه لا في الغداء ولا العشاء ولا نظافة البيت ولا استقباله وفي النهاية ترا النووووووووم حلوووووو |
اقتباس:
وشكلك بتدخل الجنه من ورا صبرك عليها ربي يعوضك خير يارب بس اتمنى تكتب مشكلتك في موضوع لان من اول ماقريتلك مشاركه صار عندي فضول ليش هي كذا ؟؟ تحياتي |
اقتباس:
اه منك يابنت الحكمي بصراحه الله يعينه على قرقرتك من الصبح هههههههه امزح بس احسك تسولفي كثير من مشاركاتك بس رأيك سديد الله يخليكم لبعض والعفو خيتو انتي الآطيب:17: تحياتي |
اقتباس:
تحياتي |
| الساعة الآن 06:34 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©