|
اقتباس:
آسفه أن لم أكتب موضوعي بشكل مرتب قصتي الأولى هي مشكلتي الآن والقصه الثانيه ماهي إلا فضفضه عن ماضي يراودني وابني المعاق هو ابني الثالث شكراً لك |
اختي هو كان هكذا بالخطبة ولا كان رومانسي ويتكلم ويدلعك وتغير بعد الزواج
يمكن لما ربي رزقك بطفلك الاخير واهملتي كل شي خلاص تعود وصار بارد |
اقتباس:
هو كان كذا من البدايه وحاول معه كثيييييييير وللأسف يرجع كما كان أشكر لك مرورك |
الجديد في موضوعي دار بيننا نقاش طويل وكنت تعبانه نفسياً وطلبت منه يوديني عند اهلي على اساس زياره ورحت ولا رجعت قعدت عندهم 15 يوم وهو أبد ماسأل عني بس اتصل وعرف إني ببقى عند اهلي صار يجيب الاولاد بعد المدرسه عندي ويآخذهم بالليل ولا نطق ولا حرف معي جيت بيوم في الصباح وأخذت كل ملابسي وكل اغراضي كنت ناويه بجد إني أقرصه قرصه ماينساها وأيضاً مانطق ولا كلمه فقط فتح الموضوع مع اخوي وقاله أخوي كل اللي ابيه وهو حلف له إنه يحبني ويبيني ويحاول يرضيني لكن ظروفه صعبه و وضعه الصحي مآثر عليه وحجج كثيره كلها واهيه لأنه من زمااااااااااااااااااااان وهو على الحال وبقى الوضع كما هو لغاية ماصار منظري قدام اهلي صعب اوصفه وكأنه بايعني ولا تكلم معاي ولا حتى طلبني يتكلم معي لو يبي الصلح المهم دخلت بيوم عليه المجلس وأنا ناويه شرررررر لكن مجرد شافني انقلب لإنسان مشتاق وهيمان وكأنه ذبح عمره وأنا بعيده عنه وصار يتأسف ويوعدني بأيام ما أنساها هالكلام دار بيني وبينه بس وحلف لي ع المصحف يتغير ويغير معاملته لي ورجعت له لي يومين و الحمد لله كل شئ تمام وقال لي كلام كثيررررررررر بعمري كله ماسمعته منه أرتحت وبرد خاطري لكني ما ادري وش فيني أنربط لساني وأنا اللي صرت ما أتكلم وأجلس ساكته مع إني صافي قلبي عليه بس ما ادري ليه هالسكوت ! انا مستغربه من نفسي والله أدعوا لي الله يخليكم انا تايهه بمشاعري ونفسيتي متذبذبه |
حبيبتي تعرفين وين الغلط ... انك غير مقتنعه بزوجك ومو مستعدة تتقبلينه بشخصيته وبطبعه .. طبيعي عزيزتي ... اذا زوجك يشوفك تطلبين منه أشياء مو من طبعه يسويها وبطريقتك وتحنين عليه .. بيحس انك تبين تجردينه من ذاته وشخصيته ... فيأخذ دور المدافع وينكر أي تغيير تطلبينه منه ... كل انسان له شخصيته وطبعه ... والطبع مستحيل يتغير ... استغلي نقاط ضعف زوجك ... تقربي منه علشان تعرفين طريقة تفكيره ... نحن ما نقدر نشكل الناس على هوانا ... ونرفض ان يفعل الناس بنا ذلك ... عندك مشاعر ورغبة في الحضن والحب مالذي تنتظرينه ... احضنيه واغرقيه بالحب طلعي اللي بخاطرك كله معه فهو حلالك ... لا تنتظرين المبادرة منه ... وعن المدح والاطراء ... اتمنى ان تتعلمي وتتثقفي من ناحية الفرق بين طبيعة الرجل وطبيعة المرأة ... فالرجل لا يعبر مثل المرأة ولا يعرف الطريقة للتعبير ... اذا زوجك ما تكلم لا يعني انه ما يشوف وما يسمع .. حاولي تغيرين نفسك حبيبتي ولا تنشغلين بتغيير زوجك .. اختاري السوالف الحلوه وسولفي مع زوجك .. خليك مبتسمة دائما ولا تكثرين من الشكاوي والنكد ... ركزي على تصرفاتك اكثر ... اذا كلمك كيف تردين عليه ؟ اذا حدثك عن موضوع يجذبه كيف تكون ردة فعلك يعني منصته بملل ولا مشيه الحال معاه ؟ اذا جاب غرض للبيت كيف تتعاملين معاه ؟ اذا تصحينه من النوم كيف تكون طريقتك وهل تبدأين بالشكوى والتذمر ؟ لما تجهزين له مفاجأة معينه هل تمنين عليه بها ؟ يعني دققي على هذه الامور الي بنظرنا بسيطه ولكنها كفيلة بتغيير الزوج مليون درجة ... سعادة الحياة الزوجية ليست بالرومانسيه ... بل بالمعاملة الاطيب من الطيبة بذاتها ... بالاحترام وتقبل الآخر والقناعه .. واهم شيء بالخوف من الله والتقرب منه بالقول والفعل ... الله يفرج همك يالغاليه ... ويسعدك ويحفظك ويهنيك دنيا وآخره ... |
| الساعة الآن 06:39 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©