منتدى عالم الأسرة والمجتمع - متردد في خطبتها لهذه الاسباب

جزاكم الله خير اخواني واخواتي جميعا ولا اخفيكم سرا بان حيرتي ازدات اكثر بعد ردودكم !! واكثر كلام اثر فيني من بعد اخونا معدن الرجوله هو كلام اختنا little dreams سبحان الله نفس الكلام اللي سمعته من انسانه عزيزه على قلبي وهي خالتي قبل كم يوم قالتلي نفس الكلام (( الا الزواج لازم اقتناع 100% والا راح تلوم نفسك طول العمر وبعدين ليه انت حاط نفسك بموقع الفتاة اللي ماعندها خيار اخر انت عندك خيارات كثيره لا تحددها وتحصرها بشخص معين))

يمكن انا اللي شدني للبنت مو بس التزامها الديني وحرصها على الصيام مثلا كل خميس واثنين تيمنا بكلام الرسول صلى الله عليه وسلم فاظفر بذات الدين تربت يداك ولكن كلام اللي قريبين منها انها متحمله مسؤولية البيت وغيره!! دايما افكر اقول اكيد انسانه ملتزمه وعقلها كبير راح تريحني من كثير امور بالحياة! كأن اعيد صياغة حياتها من جديد بحيث تتناسب معي مثلا او تغيير بعض افكارها لو كانت طفوليه ( اذا كانت وحده اصغر سنا مثلا)! هذي هي الامور اللي تخليني انشد لهذه الفتاة او اعجب بها! الا انه موضوع الشكل بصراحه يقلقني حتى اني وريت (شوفت) الصوره لاخواتي ولامي ونزلوا ( بتشديد الزين) كثير من قيمة البنت الشكليه وانه شكلها جدا عادي حتى انه وحده منهم قالت (( ياربي وش الله حادك؟ وش جارين عليك؟ واذا اعجبت باخلاقها ودينها وعقلها! هذا مو كافي وممكن انك تحصل وحده ثانيه فيها نفس المواصفات وشكلها اكثر قبول)).

ملاحظه : احس الصوره ظالمه البنت واحسها هي اجمل من كذا !
توضيح : ترى ماعندنا شوفه شرعيه ( على اساس مانخوض في هالنقطه لان هذا امر منتهين منه)
واللي يقول خل اهلك يشوفونها المشكله اهلي ماهم موجودين في المملكه وصعب اني اجيب والدتي وهي مريضه
علشان تشوفلي عروس.

اخيرا : اخوي رجل حكيم شكرا لك على هالملاحظه واللي سمعتها من اكثر من شخص وانت ما شاء الله تاكدها هنا.

دمتم بحفظ الله