|
اقتباس:
مؤهله الدراسي معه الثانوي بس عنده شهادات أخرى .. بس انا ماقدرت احبه .. لاني ماتقبلت شكله :( |
السمار أصلي
أو من الشمس والعمل ؟ أو عائلتهم كذا ترى كثير من البنات يحبون السمار :) وكلها قناعات شخصية صدقيني مع معاملته الطيبة والابتسامة راح تحبينه حتى شكله وسماره راح يكون جميل الله يعينك هذا شيء راجع لك , ومسألة القبول والارتياح لا بد منها لكن نصيحتي لا تستعجلي لا تستعجلي فتندمي الله يوفقك ويكتب لك الي فيه خير |
خلاص وافقي وتوكلي على الله ...
واريد اقولك شي .... الرجل يختلف عن المرأة .... يعني الرجل يقع الحب في قلبه من اول نظرة ... اما المرأة لا .... يمكن تقبل بس ..... اما الحب يأتي من (( المواقف )) لان الرجل بصري .. والمرأة سمعي ... اتمنى تكوني فهمتيني ..... والف الف مبروووووووك |
لكل شيء إذا ماتم نقصان فلا يغر بطيب العيش إنسان
إختي .. الأن ما شاء الله تبارك الله .. تدين و خلق .. وإبتسامة جميلة .. وتعامل طيب .. لماذا تنظرين إلى نصف الكأس الفارغ .... كوني قنوعة .. فغيرك تتمنى نصف رجل .. يؤنس وحشتها .. ويعيرها إهتماما .. و تنجب منه البنين .. وأنت تقولين خطيبي أسمر .. عجيب !! و متى كانت سمرة الرجل عيبا .. فغالبا ما يكون الاسمر جلدا شجاعا .. رجل بحق .... إذا لم تحمدي الله على هذا النعمة ليلا نهارا .. فأخشى ان تفلتِ منك .. وحينها تعضين أصابع الندم .. في وقت لا ينفع الندم ؛ |
والله انا مش حقلك غير الي بفكر فيه انا كصبية ولسة ما تزوجت لما يتقدملي واحد على دين وخلق راح ارضى فيه وما راح يهمني شكله صدقا بحكيش شعارات صدقيني مافي اهم من الدين والخلق وهما الي بملو عليكي حياتك وبعطوكي سعادة ما الها تمن صدقيني توكلي عالله وبما انك قبل استختري وكنتي مرتاحة كملي على بركة الله وشيلي من داخلك احاسيسك هادا الشيطان ما بحب تكوني سعيدة توكلي عالله وربنا يسعدك يارب ......
|
اقتباس:
الحمد لله لقيت أحد حس فيييني .. شوفي ياقلبي هو طوله متوسط يعني 168 وجهه فيه ملح بس سماره طاغي عليه .. وجهه يغلب عليه السماحه .. يعني الاستقامه .. مقصر ثوبه .. هآدئ .. حيوي مرره .. لدرجه اني انا ابتدى بمصافحته .. أكثر شي يريحني فيه ابتسامته ..[/QUOTE] يوه ياملحه ويهبل ملح الوجه البتسامه يوه ما لقيتي غير العذروب اسمار السماحه والاستقامه وهدوه وحيويته وبتسامته ماغفرن له عندك عن سماره افا حبيبتي عل وصفك له الرجال مافيه كلام اما اسمار تراه من الشموس شاب العزوبي مايمسك البيت يمكن راعي طلعات وكشتات يعني الرجال لاعبه فيه الشمس هههههه توكلي عل الله وشوفيه بعد الزواج اذا ترك حرقة الشموس وشلون يصير الله يتمم عليكم وبرفاء والبنون والبنات والرجال مايعيبه سماره يعيبه الفعاله؟ ؟؟والمشكله ان ماضيع البنات ودمرهن غير الاحلام اليقضه طول ماهي جالسه وهي تحلم لا وحلام فوق الخيال ويمكن مستحيله جالسه تفصل زوج المستقبل ومكملته والكامل الله ويجي راكب سياره اخر موديل هههه كان بنات اول احلامهن يجي ركب حصان ابيض :::الحين لا سياره اخر موديل وسيم طويل وتمناء مثل جمال يوسف عليه السلام مثقف وغني يغرقها في الدنياء قصر وخدم وحشم وذهب طلعات سفرات ودين خلته اخر شئ دين نص ونص عل شان ما يكون متشدد تروح نص امنياتها يعني البنيه ما خلت شئ الا ورسمته في خيالها الواسع اللي يمكن هو سبب تعاستها بس جالس عند الباب تنظره متى يضغط زر جرس الباب علشان تقول الحقو واحد عند الباب وهي مطرفه يديها تبي تبصم بالعشر وقت انتظاره جاها خطاطيب والابو او الاخو رايح جاي عليه وهي لالالالالا مابيه هذا فيه وهذا مافيه طيب الله يرحم والديك منين يجيبون اللي في خيالك اذا كان نطاق المعارف مافيه الا صفتين ثلاث دين والحال ميسور مثقف بس وسامه مافيه او وسيم بس غير مثقف والحال ميسور او مثقف والماديه فل بس غير وسيم او وسيم وماده بس السمعه ولا بد يعني الكمال لله الواحد صدق بالله منين يدبرولك قولي لا تقولين يحطون اعلان بالجريده اهم شئ يجي اللي راسمته في خيالي هذا مستحيل والله ما كل امرئ تمنى حققه واحلام هذي هي المصيبه ترسم لنامن خيال واسع لاحدود لها ولاحقيقه في الواقع ارضو في ما كتب الله لكن وتنازلن عن كل شئ يمكن الغناء عنه الا الدين كلا مهما طغى جماله وماله الغناعه كنز لا يفنى |
يا اختي السمار الآن نصف الجمال فما بالك برجل متدين صاحب اخلاق عاليه محترم غير هذا انتي ارتحتي له بس المشكله با السمار هذا موسبب يخليك تخسرين انسان بهذي الصفات توكلي على الله وصدقيني الحب يجي بعد الزوج لان الله يجعل بين الزوجين الموده والرحمه والالفه الله يوفقك ويرزقك بالذريه الصالحه
|
تعرفي انا زوجي ماكنت متقبلته نهائي وماشفته الا بليلة الزواج وش تقولي في حالي
بس خلاص حطيت ببالي اني احبه واتجاهل كل شئ ثاني كان هادئ وحببني فيه اكثر تعامله غطى على كل شئ فيه وكل مره يجذبني له اكثر وانا ماقصرت فيه بديت اتخن فيه واوكل الين تخن كان نحيف واسمر ومع التخن بانت الملامح واحلو الرجال وصار ابيض هههههههه وهوه بالاصح دخل الحب الحقيقي لقلبي يعني ماصرت اشوف الشئ اللي كنت اشوفه قبل اختي المعامله الحسنه والخلق الحسسن اهم شئ في نظري غير عن الدين وهالشئ متوفر عندك ادعي دايما اللهم حببني فيه وحببه فيا وسخرني له وسخره لي اللهم اجعله سكنا لي واجعلني سكنا له واجعل بيننا مودة ورحمه والف مبروك مقدما بكره راح تجري له لما بس تسمعي صوت سيارته جا للبيت الله يسعدكم ويحرسكم من العين |
لم افهم عبارة مس الشرف في المطلقة قبل الدخول ؟
ممكن تشرحين ننتظر تعليقك انتي واختك العليميه |
http://ecx.images-amazon.com/images/...500_AA300_.jpg
شفتي الغسول هذا ...... يفتح البشرة بشكل ماتتصورينه .... ويناسب الشباب 100% يرغى مع الموية على الوجه ويدلك لمدة 3 دقائق وبعدها يشطف بالماء .... اخوي طلع مع زملائه للبر وظلو هناك 15 يوم وجانا وجهه اسود .. واشتريت له الغسول هذا ... فتح وجهه اكثر من اول .... حطيه مع الهدايا اذا جيتي تهدينه ..... |
| الساعة الآن 07:00 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©