|
الموجود في البيت امي
وبنت اخوي تدرس بثانوي وعندها خير لان ابوها وامها واختها توفو بحادث ووارثه واثنين من اخواني ولله الحمد ما عليهم واحد معيد في الكليه وواحد كاتب عدل والحمد لله مو محتاجين ... الله لا يوفقها لا دنيا ولا اخره الله يفضح الي خذهم عاجل غير اجل |
اصفقيها على وجهها تطلعه لك <<<<<<<<<<<< متعقد من الشغالات
الله يكون في عونك اختي |
أختي هند ، اعذريني مجرد نصيحة كانت
أخوي فهد هي مو حيوان ، و لا عبد استعبدناه .. حتى لو كانت حرمية و سرقت الفلوس .. ماحد له حق بصفقها على وجهها .. شرع الله واضح جدا و اللي ما نرضاه على نفسنا لا نرضاه على غيرنا و هم في الأخير جايين من دولة و ما يعرفوا الحلال من الحرام .. عزيزتي هند .. أنا ما قلت كذا إلا لإنه حصلت لنا في عيلتنا حالات كثيرة زي كذا و في الأخير الفلوس تطلع بمكان ماحد يتوقعه و صارت لنا حالة بالفعل ، إنه الشغالة سرقت .. لكن اللي اعرفه عنهم إنهم يسرقوا أشياء بطريقة ذكية ماحد ينتبه لها مو يفضحوا حالهم .. مثلا تكونوا في يوم عازمين ضيوف ، فتقوم تسرق هي علشان ماحد يشك فيها و زي كذا .. و الله يعينكم .. |
الله يعوض عليك
|
السلام عليكم
اختي هند رعاك الله الشغالات ماينفع معهم المواجهة المفروض كتمتم على السالفة وفتشتوا من دون ماتدري راح اقول لك على تجربة مرت علينا مثل تجربتك قبل سنة ونصف تقريبا جبنا شغالة اندونيسية بعد ماقعدت عندنا فترة حوالي 3 او 4 اشهر بدينا نفقد اغراض ونقود بس ماكانت النقود كثيرة ونقول اكيد صارفينها وماندري وين المهم بعد فترة اختي عندها مبلغ كبير ( 25000خمسة وعشرين الف ريال سعودي) ماراحت للبنك تودعه فحاطته بدرج وقافلته بالمفتاح على ماتروح توديه بس كل يوم تقول بكرا واخرته شوي المهم درج المكتب اللي حاطه الفلوس فيه عباره عن درج يقفل لكن فوقه درج يسحب اختي ما انتبهت ان الدرج اللي فوقه لما تسحبينه بالكامل يصير اللي تحته مكشوف (بدون سقف) الشغاله كثيرة حركة بالبيت وتحب تكتشف كل صغيرة وكبيرة فعارفه هالشي زين في يوم من الايام جت اختي فتحت الدرج ومالقت من المبلغ الا حوالي 3 الاف ريال والباقي مختفي الصراحة احنا من جبنا الشغالة ما ارتحنا لها وكل ماتسوي مصيبة تنكر وتسوي نفسها مظلومة وتصيح وحالة فاختي خبرتنا وخبرت الوالدة والحمدلله ربي الهمنا الحكمة في التصرف سكتنا وماحسسناها ولا بشي خفنا تروح تحرقهم والا ترميهم والا اي شي>> بس عشان تثبت انها بريئة (اكيد ماراح يحرقون قلبها لانهم مو لها بالاساس ) المهم وديناها عند اختي الكبيرة في مدينة قريبة لنا مرة على اساس عندها عزيمة وبتساعدها وطبعا فاجأناها وهي كانت بالمطبخ>> نزلنا لها عبايتها وقلنا لها يالله بسرعة ع السيارة مافي وقت وماخليناها تطلع فوق ابد ورحت معاها انا عند اختي الكبيرة واهلي اخذوا راحتهم بالتفتيش وصلنا بيت اختي واهلي مالقوا شي ابد هناك عند اختي مسكتها بالمطبخ وقفلت الباب وكلمتها بشكل ودي وفهمتها ان المبلغ مرررة كبير وانو ان كان عندها تقول لي وين وانا بستر عليها وراح احميها من اي اذى هي خايفة منه وطبعا انكرت وقعدت تحلف وتسوي نفسها بريئة وانها متحسرة عشاننا على مصيبتنا وقعدت تقول يمكن فلان او علان من (اخواني وخواتي) وياحرام ومن ذا الحكي ولما هددتها قعدت تصيح لدرجت فقدت الامل انو يكون عندها ولما خلاص ماعاد فيه حيلة ماجيتها فيها وهي مصرة على كلامها وتفتح اختي الكبيرة علي باب المطبخ وتبشرني انه لقوا مبلغ 22 الف ريال وعليها زيادة (اللي كل شوي نفقدهم) بغرفة الشغالة رابطتهم بكيس مخمل و راميتهم ورى دولابها ومعاهم اغراض فاقدينها .. وفيه اغراض(ذهب) فاقدينها لليوم مالقيناها مع انو ماطولت وسفرناها وطبعا بعد ما انكشفت وواجهناها انا واختي لازالت عينها قوية وانكرت وقعدت تصيح وتقول انتم تتبلون علي ومن ذا الكلام حسبي الله ونعم الوكيل بعض الشغالات مدري كيف مسلمات وهذي بلاويهن الله يكفينا شرهن بس الصراحة الجنسية اللي ذكرت تظل اكثر الجنسيات بلاوي ومصايب من سرقة الى الجنس الى السحر لذا قررنا مانجيب منهم ابد وربي لايحوجنا لهم وفيه جنسيات افضل بكثيير وعندهم قيم واخلاق ولله الحمد ويارب يكشف لكم الحقيقة عاجلا غير اجل واعتذر عن الاطالة |
الله يعينكم أختي الحبيبه ..بس حاولوا إنتم ماتتركوها تسافر إلآبعد تفتيش دقيق
هادي هي مشاكل الشغلات الله يهديهم بس كانت عندي شغاله يدها طويله ..ولما فتشتها كنت الآقي عندها فلوسنا ...ولما أخوفها بالله وإنو دا مال حرام مايجوز تأخذو وكنت أقلها لو بتأكلي عيالك حرام راح يصيبهم المرض وممكن يموتوا ..فكانت تبكي وتخاف وتعترف بالسرقه وترد الفلوس ..بس كانت مبالغ بسيطه ..بس تحط ريال على ريال وتطلع حسبه الله المستعان |
الله المستعان خلوها على الله
والله ضاقت صدورنا بما فيه الكفايه وخاصه ان الشغاله راعيه تفتيش تفتش بكل شيئ صغيره وكبير كما قلتي اختي المتفائله وياليتنا سوينا نفس طريقتكم لكن حنا جن جنونا واسمعتنا واحنا نتكلم فما فيه مفر المشكله ياعالم ياناس اختى مسكينه مضغوطه حدها ورواعي الفلوس يطالبونها فيهم والي يقهر سألنا شيخ اذا فيه مجال ناخذ من راتبها قال ما يجوز لازم نشوفها بعينا الله يعوضنا ويخرجهم منها ويفضحها يارب ... |
الزوجة تأتي بالشغاله لكي تقوم لها بأعمال البيت وإذا حدث أي شيء صغير فالمتهمة الأولى هي "الشغالة" .. إذن لماذا تأتي بها إلى بيتكِ من الأساس ولماذا لاتتحملين المسؤولية بنفسكِ قبل أن تتهميها لاحقاً ولو ليس هناك أدله ..
الظلم ظلمات يوم القيامة .. وأنا أتفق جملة وتفصيلاً مع أختي روح الطير .. كيف نحن البشر قساة غلاظ إذا كان الأمر بعيد عنا وإذا أتهمنا غير ولو كان ظلماً .. فلتتقي الله كاتبة الموضوع ولاتتهم الشغالة إلا حين يكون هناك دليل مادي .. وحتى وإن سرقت الشغالة بنفسها فتظل من أدخلت هذه الشغاله للبيت هي المخطئه الأولى .. وهناك إحتمالات عديدة بأن يكون هناك أي فرد من المنزل قام بسرقة المال .. وكان من المفترض أن يكون المال في مكان آمن جداً لايصل إليه إلا صاحبه وعن طريق مفتاح .. لاتظلموا الشغالة واتقوا الله .. أتقوا الله .. يجب عليكم التثبت بشكل كامل .. |
| الساعة الآن 06:07 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©