|
اتصلي على اخته وخبريها قولي ابيه والمرض مايفرقنا او ارسلي له مسسسج ..
|
أشكر كل اللي ردوا علي أو دعوا لي
الله يسعدكم دنيا وآخره ,, ولا يريكم مكروه ويخليلكم غاليكم كان في بالي أرد عليكم واحد واحد بس خلاص ما عاد فيه فايده سافر وتركني .. الله يصبرني بس أدعوا لي .. حاسه بضيقه وهم الله أعلم فيها |
الله يسعدك يااارب
واذا كاان فيه خييير لك يجعله من نصيبك انتي كنز الله يحفظك يااارب صدقيني ممكن خيرااا من ربك!!! انتي استخيري وربي يحلهااااا ان شاااء الله |
الله يكتب الخير
|
: ليتك شفتي الشيخ العرفي الآن بقناة بدايـه ! قال انه من الأفضل ان الشخص لما يدعي يتمنى شيء لايحدد مثلا لايقول يارب ترزقني فلان ابن فلان زوج لي .! او لا يقول تيسرلي الوظيفه في المكان الفلاني ! لأنه انتي ماتدرين وي الخير لك ! وذكر قصة شخص خطب فتاه .. وعقد قرانه بها .. بعد فتره بسيطه جدا البنت ارادت الأنفصال بدون سبب مقنع فقط لم ترتاح له .. واصرت على موقفها وتطلقت منه وبعد شهرين تزوجت بشخص ثاني مع ان الأول كان متعلق فيها عاطفيا وكان يتمناها زوجه له لكن الله لم يكتبها له . المهم تزوجت البنت وبعد فتره بسيطه اصيبت بمرض السرطان في ثديها وتم استئصال الثدي .. وبعد فتره اصيبت مره اخرى وتم استئصال الثدي وايضا اصابها مرض بالدماغ وبعدها اصيبت بالعمى وبعد 9 شهور فقط من زواجها توفت !!!!!! وعلق الشيخ ان الشاب لايعرف ماهو الخير له مع انه كان يتمناها بس بعد مامرت هالسالفه عرف ان كل شيئ نصيب وارزاق وان ماصرف الله عنه شي الا وهو شر ! ومقدر له الخير !! خليك اكبر من هالوساوس .! وتوكلي على الله .. ولاتقنطي من رحمة الله .. بأذن الله ربي يرزقك افضل واحسن منه ! ماتدرين وين الخير فيه .. : |
دانتيل معليش شدني كلامك بخصوص هالنقطة بالذات ( التحديد بالدعاء )
وكنت مره محتارة فيها خاصةً وأني مقدمة على وظيفة دخلت فيها مقابلة وانتهيت وانتظر النتيجة حالياً والله اني ادعي واحدد بالدعاء اقول يارب تيسر لي الوظيفة اللي أتمناها وتبارك لي فيها وتجعل فيها الخير لي في الدنيا والآخرة .. لأني أساساً استخرت قبل لااقدم ومرتاحة لها فـ ليش مااحدد عشان أجزم بالدعاء ؟ ودي اعرف هل فيه تعدي بالدعاء ؟ ( أعتذر من صاحبة الموضوع عن الخروج عن مساره ) |
الله ييسر امرك ويفرج همك ويكتبلك الخير ياااااااااااااااااااااارب يسر امري وامر اختي لاتخليني عاجلا غير اجل وتعطينا خير مانتمنى انت يبدك ملكوت السموات والارض وانت ارحم الراحمين يااااارب |
أسأل الله تعالى أن يفرج همك و يبعد عنك الحزن
الزمي الدعاء و قراءة القرآن الكريم ... فهما كفيلين بتخفيف آلامك |
اقتباس:
ايه فيها تعدي على كلام الشيخ العريفي .. وانتي ماتدرين وين الخير فيه ! بشكل ماتتخيلين شدني كلام الشيخ العريفي الله يجزاه من خيري الدنيا والآخره .. انا بعد مقدمه على وظيفه اقصد وظائف وكلها استخير الله فيها واصير موقنه ان الله بختار لي الخير وين ماكان ! بالظبط زي الزواج .! لما كان يتقدملي شخص ومايصير نصيب كنت ماأزعل لاني استخرت الله مع ان تكون مواصفاته كويسه بس اعرف ان الله كاتبلي الخير مع غيره .. كذا اول شي نكون مؤمنين بالقضاء والقدر وغير كذا نتعود على القناعه .. عشان كذا يااااااقلبي انتي بس ادعي اذا في هالوظيفه خير لك الله يكتبها لك واذا شر الله يصرفها عنك ودائما ادعي ان الله يرزقك بالوظيفه الي تسر قلبك وخاطرك وتغنيك عن الحاجه لغير الله .. وبكذا ربي ييسرلك الخير ياغلاي انا بموضوع بنت ناس كني قريت لك رد انك تدعين الله يرزقك شخص تتتمنينه زوج لك اتوقع انتي اذا ماخاب ظني ! لازم ياااحياتي .. انه تشيلين هالفكره من راسك وتدعين ان الله يرزقك الزوج الصالح وين ماكان بقولك شي مع اني طوولت ..... انا كنت اتمنى من كل قلبي اتزوج من نفس قبيلتي وياما دعيت .. بس بعدين صرت ادعي ان الله يرزقني الزوج الصالح .. الهين اللين الديَن الغني التقي الكريم .. واخر شي زي ماتعرفين انخطبت بس لناس والله ماكنت افكر اتزوج منهم مو من قبيلتي ابـدا ! بس مرتاحه لهم كثير ... ماحد يدري وين الخير فيه يمكن ربي لو رزقني شخص من قبيلتي اعيش معاه بهم وضيف ونكد ! احسن شي الشخص مايتعدى بالدعاء وانما يطلب الخير وبس .. اتمنى اني افدتك لو بالقليل ... ومابي منك غير دعووووه تشرح صدري بظهر الغيب وتتيسر اموري على خير .. : |
| الساعة الآن 12:58 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©