|
انتي مصدقه انه بيتزوجك
انااا اصغر منك عمرري 18 سنه واكبر منك عقل اجل اروح اكون علاقه مع واحد ما اعرفه والله مستحييييييييل يتزوجك ماخذك عشان شهوته وبس |
انتي اخطئتي
لكن اكذبي عليه وقؤلي رديناه واذا تقدم لك كان بها واذا لا لم يتقدم فؤافقي علئ الي خاطبك الان وانسي الاؤل النذل ........ وانصحك لاتأخذينه لاني احس بتموتين غيره وشك وانتي معه !!! احسه يلعب فيك . |
أختي انتي فيكي خير ولهذا والله أعلم وفقك ربي لطرح مشكلتك هنا بين اخوة وأخوات لايريدون سوى المساعدة ومن واقع خبرة
لذا أسمعي كلامهم وبدون تردد ماعدا الاخت التي أيدتك (والتي هي في خطر مثلك) يكفي العمر اللي ضاع وترى عقلية الرجال غير عقلية النساء ، وأنا من منطلق إني رجل اقول لك وبالفم المليان وبأعلى صوت ترى الرجال مخادع ومن الدرجة الاولى. قد نعذرك في السابق بأنك لاتفهمين في عالم الرجال ، ولكن بعد ماسمعتيه منا ليس لك عذر. انا عارف أنك ستتألمين ولكنها هذه الحقيقة المرة ، وألم أخف من ألم والحمد لله أنك لحقتي على نفسك. وعلى فكرة ترى من اول ماتقبل الفتاة أنها تكلم الرجل بطريق غير شرعي ولو مكالمة واحدة سوف يضع عليها هذا الرجل علامة اكس كبيرة وانها غير صالحة للزواج. والله الموفق أيه صح قبل لاأنسى أتركيه فوراً من غير ماتختبريه أو تأنبيه ، لأن ابليس سوف يمده بخطط دفاعية وملتوية ، وإن تكلم هدديه بالهيئة واقفلي السماعة فوراً ، والغيه من الماسنجر وغيره هذا إن حبيتي تعيشي حياة كريمة وأبداً لاتخافي من الهيئة لأنهم رجال وفاهمين المشكلة وسوف يسترون عليكي ، وأتركي التفكير في حكاية ليش عمل كذا وأنا أيش سويت عشان يصير لي كذا |
السلام عليكم ورحمة الله
اشكركم من كل قلبي انكم شاركتوني في مشكلتي وحاولتو تساعدوني وربي يجزاكم خير الجزاء عني اللي نصحني بالابتعاد واللي نصحني ان اصدقه انا بين هذي وهذا مو عشان قلة ثقه فيه لا انا اثق فيه واحسه صادق معاي ماعندي احساس انه يكذب وصديقتي تقول انتبهي تعيشين الحلم صدق وبعدين تنصدمين ويجيك شيء بعقلك ادري ان تعلقي فيه غلط لان ماافي شيء يجمعناً اللي يقول لو يحبك كان اخطبك قبل لا يروح شلون الولد يجي يخطبني وهو كان عاطل لا شهاد ولا وظيفه توظف فتره براتب زهيد كذا بس يغير جو ثم قرار يدرس بر اصلن لو يتقدم اهلي بيرفضون ان لا شهاد ولا وظيفه كان حلمه انه لا درس برا اهلي راح يوفقون هو يدرس برا وانا ممكن اقنع اهلي فيه عشان ادرس معه وضعه الاسري مايسمح ان يكلم اهله من قبل عني لانه امه وابوه منفصلين يعني كلام امه من جهه وابوه من جهه ثانيه ابوه له بيته وعياله وزوجته الجديده وامه بمنطقه ثانيه عنهم انا الحين وصلت لمرحله تعبت فيها جدا جدا جدا انا مقتنعه فيه وابيه هذي مو مشكلتي وانا محتاره بالشخص المتقدم لي مشكلتي تعبت انتظره تعبت من اهلي ليه ترفضين الرجل هذا احتواني كثيررر حسيت معه باشياء ماقد حسيتها مع احد ثاني لكن وربي انا على قرب من الله وزهقت من الحرام ابي شيء يجمعني فيه بالحلال وربي ماادري متى اموت وربي يحاسبني بصلاتي اقول شلون اصلي وشلون ادعي وانا على معصيه ادعي بربي اذا فيه خير قربه لي واذا فيه شر بعده عني كل مابعدته احسه يقرب وربي يهئي شيء عشان يكون نصيبي انا اثق بربي كثير لله الحمد وادعيه كثير واستغفر كثير واللي في جيبي مو لي مااحب اتكلم عن نفسي لكن اتصدق شهرين شيء اساسي وعلى ايتام فيني خير احس فيني خير ولاني ادري انا اللي عليه حرام اتمنى يكون بالحلال انا ماقد قابلته او انفرد فيني صحيح صوري عنده وصوره عندي وشافني كثير كام مجرد اني اسكر المحادثه ادعي على نفسي باللي سويته انا مو خايفه منه لان حنا اهله وخواته اعرفهم وهالشيء اللي خلاني اصدق انه صادق لاني اعرفهم ويعرفونا عز المعرفه يمكن هالشيء اللي خلاني اتعلق فيه اكثر انه يعرف كل شيء عنا ماابي اتكلم عن نفسي انا واثقه من نفسي اجتماعيه جدا جدا احب اكون العلاقات ممكن تحطوني في مكان وامشي فيه وبكل سهوله شكلياً لله الحمد جدا جدا مقبوله وجذابه ويروني جميله جداً لكن هالشيء يسعد البنت كثير ويخليها تثق بنفسها كثير يعني لا رحت مكان او احد قالي لي ماشاءالله انتي كامله والكامل الله احس بالنقص لان اثناء ولدتي صار سحب بايدي وهالشيء ابد ابد مايبين الا اللي يدقق فيها ومن قريب فاحس في نفص فيني وهالشيء الصراحه ساعات يصير عقبه قدامي فكل اللي يتقدمو لي ماحبيتهم لاني كنت احبه وكنت خايفه انو لا قالت امي انو بنتنا كذا انحرج او انصدم من ردت فعلهم علما للمره المليون ماتبين ولا تاثر علي وعايشه حياتي طبيعيه اللهم اني مااقدر اجعل كفي الى السما حدي في لف يدي حينما تصافح احد وحاولت اني ادرب نفسي انها ماتوضح فالشخص اللي احبه يدري عني ويبيني مثل ماانا كان يقو انتي مو ناقصك شيء ابيك مثل ماانتي فيمكن علقني فيه اكثر ساعات افكر اصارح امي لانها تقدر احسها راح تفهمني لكن لو خذلني ولا جا وصرت في دائرة شك من قبل اهلي هو يرفض ويقول لا تقولين لامك ايش ممكن يصير وضعك بداية علاقتي فيه كان ولد عمه يدؤي عني لكن مو تفاصيل لكن بعد ماقال ابيك وبتزوجك قال لولد عمه اني قطعة علاقتي بالبنت عشان لا جا يخطبني لا يعرف ولد عمه اني هي عشان مااحد يجرحني بالكلام .......... كل مكالمه يقوا ابيك مو كلام الله يرحم اهلك ابيك انا اللي تعبني ردو فعله البارده انا اصيح وهو هادي يحول يسكتني يقول انا مرتاح لانك انتي بتردين وبعده انا باجي لا تشيلي هم انا لي فتره بعده عنه صار كل شيء قليل احاول ابتعد اكثر قدر ممكن يكلمني اليوم ويقول هاا شصار قلت ولا شيء امي ماردت عليهم عاد بدا بالاحلام وقام يقول ويقول وانا اقول خلاص اسكت لا تقول شيء لو رفضته امك متى بتجي وشلون بتكلم امي وامي ماراح تشك رفضتي ذا وجا ذا وقبلتي فيه قال لا عاادي قولي ارتحت له وامي راح تكلم اول ثم تجيكم هنا انصدمت منه خاايفه من جد ......... اللي يقول خلي امه تكلم الحين او تجي هو خايف انو اهلي يردونه خصوصاً انو طالب وهذاك يعني صفاته احسن فايبيني ارد ويكلم يعني .... وانا زي اي بنت ابي اعيش حياتي استقر اكون اسره ليه احرم نفسي هالشيء الزواج صار صعب هالايام خصوصاً انا مااطلع كثير يعني لو اتخرج من الجامعه باجلس لا احد يدري عنا ولا شيء لا اله الا انت سبحانك اني كنت من الظالمين |
سبحان الله كلامك كله اللي كتبته فوق مجرد عاطفة بدون عقل وبصيرة <<<< واسمحلي اشد عليك بالكلام لأني أريد مصلحتك وأنت مثل اختي الصغرى ... ومشكلتك ما قرأت ردي السابق جيداً لأنه يختلف عن ردود غيري، من ناحية النقاط التي تطرقتها !!!! لكن على عقلك غشاوة ،،،، لدرجة انك كتبت عنوان موضوعك بكل عفوية وتلقائية وبدون تنتبهي لما كتبت ؟!!! (هل أرفض المتقدم لخطبتي من أجله؟) نعم رفضت من هم في مصلحتك ويحقق حلمك بالأسرة وقرار شخصي لك كل ذلك من أجله فقط ؟!!!! وتجاهلت نفسك تماماً وعلقت مصيرك بمصيره ؟!!!!!! أختي الكريمة من عادتي اني إذا كتبت في موضوع يخص علاقة غير شرعية لفتاة أني احذرها من تحريم هذه العلاقة ؟!!! لكن هنا سأعيد ما كتبته في ردي السابق والذي الأسف لم تنتبهي له ولا لعواقبه ،،،،، اعيد وأكرر لك ليش تربطين نفسك بشخص ليش جاهز للزواج ،،،، ليش تجلسين تنتظرينه وترفضين نصيبك ممن يتقدم لك ،،،، بأي حق ترفضين وبأي حق تربطين نفسك به؟!!!! ،،، هل لمجرد قال الله يرحم اهلك ابيك ،،،،،، خلاص ملكت نفسك له ؟!!!!! بأي حق ؟!!!! ما بينكم شيء رسمي فليش تتعلقين فيه ؟!! المرأة الحرة العاقلة تقبل بمن يتقدم لها علناً ويكون مستعد ويعطيها قيمتها وقيمة لأهلها بجديته في التقدم لها ،،،، أنت الآن جالس تضعفي نصيبك تماماً ، وخاصة مع رفضك للخطاب والمتقدمين للزواج منك ؟!!! أما هو شاب إذا ما لقى نصيبه ، بيلقى غيرك وكثير ،،،،،، وأنت بيفوت عليك قطار الزواج بسبب تعلقك به ؟!!!! مشكلة الكثير من الفتيات انه تدخل بعلاقات وتدخل بنفق مظلم ،،،، ثم ترى إجباراً أنه لازم تتزوج منه حديثنا هنا ليس عن مصداقيته أم كذبه ،،،، فحتى لو صار صادقاً ،،،، فما له حق يربطك أو يثنيك عن الزواج لأن ما فيه بينكم شيء رسمي أبداً حتى تعطيه كلمة ووعد لفظي او ضمني بالزواج منه ؟!!!!! أختي وحده من قريباتي صار كلام بين اهلها وبعض أقربائها بشأن انها تكون لولدهم !!!! لكن ولدهم يحتاج لوقت حتى يكمل دراسته ويلقى وظيفة إلخ !!! وافقوا أهلها مبدئياً ،،، ومع مرور الوقت يتقدم الخطاب لكن يرجعون لأنها لأنها محجوزة لأنها هل برأيك وضعها طبيعي وكانوا عادلين معها بأن يربطوا مصيرها بشاب ، لم يستعد بعد للزواج ،،، !!! ويحرموها ممن مستعد لخطبتها في فترة الإنتظار ،،،، هل ترين ذلك من العدل بها ؟؟؟؟ أم هو استصغار لها وتقليل لها ؟؟؟؟ وكل ذلك من أجل الشاب ؟!!!!!! فما بالك أنت مع غريب ؟!!!!!!!!!!! اقتباس:
وتردين الخطاب ومعلق مصيرك بيد غيرك ؟!!!! أين عقلك ؟!!! عزوبي:29: بس:d رجل:30: |
اقتباس:
بالخيال طبعا ! والله مازيـد على كلام اخـوي عزوبي ~ ولا ازيد على كلامي الي بالرد السابق وقعدت ساعه اكتبه .. بس انتي فيك قناعه من داخلك ان هو صادق !! وانه يبيك ويبي يتزوجك ! مالي غير اقولك الله يلهمك الرشد والسداد .. وان يظهر لك الله مايخفيه هذا الشاب .. وان ترين خبثه قبل ان تقعي فيه وان يستر عليك الله .. وانتبهي : الله يمهل ولايهمل .. |
خلاص قوليله انك رفضتي الخاطب وشوفي ايش بيسوي؟
|
شوفي حبيبتي
قوليله يلا رفضت اللي جا كذب طبعا وشوفي وش يسوي؟؟ استخيري قبل كل شي استخييييييييييييييري الله ومصيرك تعرفين من الكاذب من الصادق بس انتبهي لنفسك |
اقتباس:
معقولة أنها تصدقك وانت مالك معها إلا ردين وتكذب اللي جالس معها سنين على الحلوة والمرة !!! الله يهديك ياخوي عزوبي. اقتباس:
أو (طبعاً على حسب حالة الضحية وطريقة تفكيرها) : ليش رفضتيه ، ياريتك قبلتي به بدل ماتتعبي من انتظاري ، أنا القتل أهون علي من انك تتزوجي غيري ولكن مادام انه سوف يسعدك ساتحمل الموت عشان خاطر عيونك. وسلامتكم. ترى لما نقول انه مخادع موشرط انه من يوم ماكلمك كان مخادع 100% ولكن استمراره في تعليقك بهذه الطريقة كل السنين على الفاضي لهو اكبر دليل انه لايخاف الله فيكي ، تعرفي لو أنا مكانه والله ماأرضاها عليكي انك تتعلقي فيا كل هذه السنين ، وبكرة سوف تسمعي انه تزوج غيرك (هذا إن لم يكن تزوج الآن). واخيراً احمد الله أني لم أقرأ هذه المشاركات قبل زواجي ، لأني والله لم اكن اعتقد أن البنات من السهل جدا جدا جدا الضحك عليهم ، شفت بعيني كم واحد ومنهم قريبي يضحكون على البنات بس ماكنت اتوقع انهم بهذه واسمحوا لي على اللفظ انهن بهذه السذاجة ! ولعله من المفيد ان اعرف هذه المعلومة الآن كي أستغلها في كسب حب زوجتي لي وتعلقها بي . والله يوفقك اختي لما فيه الخير لكي في الدنيا والآخرة. |
8 8 8 صدقت ! وازيـد على كلامك قصه حصلت لأحد زميلاتي : والله وتالله اني اعرف وحده لها 7 سنوات تحب شخص ويحبها .. 7 سنوات ماتشك ولابشي حنون وكريم وطيب وشهم ومرح واخلاق ويبكي ليل نهار لو فارقها !! بعد 7 سنوات وش اكتشفت !! اقسم بالله شي يخلي العقل بالكف !! بعد 7 سنوات وكان يوهمها الزواج والحب وكل شي ! اكتشفت انه اسمه غير اسمه وان اهله غير اهله وان حياته كذب بكذب وان 7 سنوات انبنت على الكذب يشهد الله علي اني ماكذبت ولا الفت بهالقصه طلع اسمه غيييييييييييييييييير عن الي تعرفه 7 سنوات مو بس اسمه الأول .... لا اسمه واسم ابوه وقبيلته وعمره غير ... كذب عليها بالعمر وطلع اصغر منها !! وطلع اهله غير الي وصفهم .. صار عنده اهل واخوات وهو من قبل بس كان هو واخوه مافي غيرهم طلعوا 6 غيرهم .. وكان يزور بطاقات الأحوال عشان يخليها تصدق بس هي سبحان الله قلب المؤمن دليله كانت حاسه ان فيه شي خطأ يعني هذا الي كان عايش قصة حب ومسـوي الحبيب الحنون الي دمعته عند طرف عينه والي ماقدر يفارقها ولا لحظه طلع كذااااااااااااااااااااااااااااااااب .. تراها نفس حالتك كانت تقول : اذا شفت وحده تشتكي من حبيبها اقول الحمد لله انا حبيبي طيب وحنون ويحبني وبنتزوج ايه صح قالت لي مره انه عيشها قصة حب وزواج واطفال نفس الي عشتيه ! لو تذكرين ردي الي بالصفحه الأولى لما قلت لك انا حفظت تمااااااااما كل سيناريوهات الحب ! وعرفت تسلسلها وعرفت وش يقول ووش تقول ! من كثر مااقرى هالقصص ومن الي عشت قصصهم وانا احاول اني اصحيهم من الغفله بس هم مارضوا لين طاح الفاس بالراس !! الله المستعاااااان وتقول : كان يقولها بتزوجك ونعيش بالمكان الفلاني وبسويلك زواج مادري كيف واطفالنا فلان وفلان !! يعني خلاص غررررررررررقت بالحب لين بكت على 7 سنوات ضاع عمرها فيه .. بكت على خياااانته تدرين اكثر شي جننها وشو ؟! تقول كان في بداخلي يحسسني انه يكذب علي بخصوص حقيقته واسمه .. ومره كان ماسك خط مسافر لأهله ودار بينا نقاش بخصوص هالموضوع تدرين وش قال ! قال الله لايوصلني لأهلي سالم لو انا كذبت عليك !!!!!!!!!!!!!!!!!!!!!!!!!!!!!!!!!!!!!! هذا وين خوفه من الله ؟! تقول بعد مارجعت شريط حياتي معاه عرفت اني اكبر مغفللللللللله وساااااااااااذجه ! صدقته وصدقت كذبه .. تقول ان تقدملي شاب من عائله طيبه ورفضته بدون سبب بس متأمله ان يخطبني حبيبي ويفي بوعوده !! والآن هي تندب حظها .. ولكن تشكر الله عزوجل ان الله الهمها الرشد واكتشفت خياانته كذبه ! وتركته غير مأسووووفا عليه ! بعد هالشي وش راح تقولين ! واشهد الله على مااقول ان كل ماذكرت صحيح وليس نسج من الخيال .! |
| الساعة الآن 04:24 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©