|
اقتباس:
هداكِ الله يا روعة! 60 ألف في سفرة؟!! شخصياً أنا ضد السفر بالسيارة .. لم أجربه وليس عندي استعداد لذلك .. ويكفي أنني أستثقل المسافة بين مكان إقامتي ومكان إقامة أهلي ومدتها حوالي ساعتين تقريباً .. فكيف بالسفر لعشر أو عشرين ساعة! ولكن يا عزيزتي .. إن كان السفر جواً سيكلف لهذه الدرجة فأقول الحمدلله أن زوجكِ على الأقل يسافر بكم براً :) ... وحتى لو كان وضع زوجكِ المادي ممتاز ـ تبارك الرحمن ـ ولكن بصراحة 60 ألف كثير على رحلة سياحية. طيب سأقول لكِ شيئاً ربما يريحيكِ قليلاً. أنا أيضاً زوجي وضعه المادي ممتاز ولله الحمد .. بالإضافة إلى أن أسرتنا قليلة العدد (أنا وهو وطفلين) .. ورغم ذلك عندما نرغب في السفر فإن أول خيار يذهب إليه هو شركات الطيران الاقتصادية مثل شركة طيران العربية .. وحتى عندما سافرنا للعمرة مؤخراً فإننا سافرنا على طيران ناس (وهي أول مرة نجربها وستكون آخر مرة إن شاء الله لأن كراسي الطائرة ضيقة جداً :)) ما أقصده أن الموضوع ليس بخلاً يا عزيزتي .. بقدر ما هو تدبير واقتصاد .. وما دمتم تستطيعون الحصول على نفس المتعة بكلفة أقل فلمَ لا! بعدين خلينا حقّانيين يا روعة .. يعني لو زوجي وزوجكِ صرفا 60 ألف في رحلة سياحية فهل سيظل وضعهما المادي ممتازاً؟!! ;) |
وهل لا يوجد أية وسيلة للترفية إلا السفر
وانت تقولين بنفسك كم تكلفة السفر و أثرها على زوجك (حتى لو وضعه المالي ممتاز) هذا المبلغ قد يفتح به مشروع أو يذخرة لأبنائكم في المستقبل خاصة أنكم ما شاء الله لديكم 6 من الأولاد فعلا الكثير من النساء في الخليج تفكيرهم قاصر!!!!!!! الا تستطيعين الاستفادة من وقتك والترفيه عن نفسك إلا بالسفر؟؟؟ |
ما اعرف كيف اتعامل مع شخص بخيل ويدقق
بالمصاريف زيادة عن اللزوم .. ولكن بالدرجة الاولى انصحك بالدعاء بان الله يهديه ويسخره لك ضروري هالشي لان كل شي بارادة ربي ولازم بكل امر نستعين بالله .. وانتي من جهة ثانية جاريه ووضحي له ان السفرة بس خمس ايام او اسبوع وراح تسكنون شقق لانها ارخص وما راح تتسوقون وراح تكون لكم ميزانية صرف محدودة يوميا ولو تخلون الاطفال وتسافرون لحالكم احسن واوفر لكم من ناحية المصاريف هذي افكار .. اسلوب تقديم هالافكار مهم .. ركزي معي هنا .. تكلمي معه بالبداية بشكل غير مباشر .. قولي له مثلا زميلتي فلانة سافرت بالوقت الفلاني للدولة الفلانية وما كلفت عليهم غير كذا وانهم اخذو شقق حلوة ونظيفة مو غالية .. ومررة انبسطو .. قولي انا حبيت فكرتها انهم اخذو شقق لانها اوفر بالمصاريف . وبعد فترة قولي زميلتي فلانة سافرت المكان الفلاني وتعبو عليها عيالها مو متعودين على الجو .. انا شخصيا اشوف ان الاطفال ما ينفعون بالسفر وسفر الزوجين مع بعض لحالهم فيه تجديد للمشاعر بينهم هذا غير انه اوفر لهم من ناحية الميزانية وان شاء الله يكون لنا انا وانت سفرة لحالنا مع بعض .. وش رايك عزيزي ؟ اذا وافق فانتي تقريبا قربتي من الهدف وطبعا معاملتك لازم تكون احسن واحلا عشان يتقبل منك الكلام .. وبنفس الوقت من خلال الكلام الي فوق توضحين له انك تحاسبين على فلوسه وماتحبين تضيعينها وان شاء الله ربي يهديه ويسخره لك .. |
ماشاء الله تبارك الله على الأقل يسافر فيك ما عنده مانع وبصراحه اشوف تركيا افضل مليون مره من شرق آسيا على كثر ما يمدحون شرق آسيا لكن اشوف المدح مبالغ فيه... كرري زيارتك على تركيا واحجزوا من هناك كم يوم على اي دوله اوروبيه قريبه على سبيل التجربه بس لأن زوجك ممكن تعجبه اوروبا بعد كذا وبدون ما تقولي له يحجزلك :) كذلك حاولي تقنعيه بالسفر ولو ما رضى وفري من مصروفك وقولي هذي قيمة التذاكر وانتم ماشاء الله عائله كبيره اكيد راح تكلفكم التذاكر وطبيعي زوجك يتحسف... المهم اختي لا تشوفي وش ناقصك واقنعي بما انتٍ فيه غيرك حتى سفر مو حاصل له. |
اقتباس:
نورتي أكيد الطياره حلوه ..أتذكر إني آخرمره سافرت من جده للمدينه بالطياره ويادوبك نصف ساعه ونزلت تاني حسيت إني ماشبعت من الطياره وتاني أنا نفسي أسافر بالطياره لأني أحب أركب طياره ونفسي في طياره لمسافه بعيده ..وكمان نفسي أغيرجو غير المدن القريبه من المملكه ياقمر إنتي قصدك 1400 مو 400 والله لو 400 يابلاش ..وربي أطلع مع العيله كل شهر:d آآه بس أدعي لي أطلع لو مره بحياتي دمتي بود |
حبيبتي روعه .. اكيد السفـــر له متعه وفائده ... انا وزوجي وأهلي يسمونا (( عايله بن بطوطه )) ههههههه ما خلينا مكان ما رحناه الحمد لله .. في وضعك حبيبتي حاولي تختارين بلد ما يكلفكم كثير وتلقين فيه الطبيعه الساحره وفرصة التسوق بسعر رخيص والاكل المتوفر بأرخص الاسعار ولذيذ .. وسكــن راااائع وما يكلف كثير ..وشعب حبوب يخليكم ترجعون للبلاد مرات ومرات ..واختاري طيران اسعار التذاكر عنده مناسبه ...يعني لو تحول المبلغ من 60 ألف إلى 30 أو 25 ألف .. يمكن يوافق ... زوجك مو بخيل حبيبتي ... هو بس حريص .. لانه يتعب لجمع المال لكم وللعيال علشان في وقت الضيق لا سمح الله ما تحتاجون لأي حد ... حاولي حبيبتي تخططين لرحلات بريه او بحريه في البلاد .. مع بعض الافكار المبتكره للتسليه ...والله يسعدكم ويهنيكم ويحقق امنياتك كلها يارب ... ربي يحفظكم |
هلا اختي روعه
انا فكرتي لك انك مثلا تقولي تذكرتي وتذكر 2 من الاولاد علي والباقي عليك وراح نقتصد في المصاريف ل ابعد درجه ومن ها الكلااااام وان شاء الله يقتنع لان هذا بالنسبه لك حلم [gdwl]انا بقولك تجربه صاحبتي سافرت مره للبنان وبعد كم سنه سافرت لماليزيا [/gdwl] تدرين والله تندمت اشد اندم انها سافرت لماليزيا تقول لبنان ارتحت فيه نفسيا لكن ماليزيا ماارتحت ابدا ومتندمه انها راحت لان زوجها اذا جلس قال صرفنا اربعين الف تخييلي وهي بس وبنتها جلسوا عشره ايام بس كانوا يسكنون بااحسن الفنادق وترفيه بس تقول ابدا ماارتحت عاااد انتي ورغبتك اذا تشوفين انه حلم حاااولي تحققينه وموفقه ياقلبي |
اقتباس:
بس بالله إيش هي دول الجوار اللي بنسافرلنا كل سنه مافي غيربالشمال الأردن وسوريا وتركيا بالشرق دول الخليج ..بالجنوب اليمن .بالغرب مصر ومين قال السياره أكتر أماناً والله كلهم زي بعض ..بس السياره متعبه والمسافات الطويله تكسرالظهر تحيتي لك |
اقتباس:
تعرفي لما نسافر بالسياره طبعاً مايكون السفر متواصل ...يعني زوجي من الناس اللي ماشاء الله يحب يريح شويه في دي المدينه ..وشويه في مدينه تانيه والله شكلي بأشيل الفكره من رأسي لأني أستخرت الله وزوجي برضو ماهو مقتنع..ويقولي بدل مانضيع فلوسنا نبني لنا فيلا ... نورتي عيوني موضوعي ومشكوره على مرورك |
اقتباس:
الخلابه عسى ربي لايحرمنا من الجنه يارب وكمان التعرف على أرض الله الواسعه وزوجي بيحاول يقنعني ويقولي بدل مانسافر نبني لنا بيت بإذن الله يكون لنا ولأولادنا والله يجيب الخير |
| الساعة الآن 01:00 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©