|
استخير قبل تقرر
الله يكتب لك اللي فيه الخير |
ممكن ترد عليه وتقول انك فاتحت اهلك بالموضوع وقالوا لك انهم خطبوا لك بنت عمك في غيابك
وانهم اعطوا الناس كلمه ومستحيل يرجعوا فيها وانك مو حاب تسوي مشاكل بين العائله واتمنى ان تصلي استخاره وبإذن الله خير |
السلام عليكم اخي الفاضل اول شيء استخير يمكن تكون لك فيها خير ويمكن تكون شخصيتها قوية مثل ماتقول ويمكن الهدايا الا تجبلها هيا عندها احلى من اي هدية بس اذا ماكان لك رغبة بالزواج بسيطة وانت قلتها بكلامك ثاني شي انا طول عمري افكر ارتبط ببنت شخصيتها قوية وتكون اقل مني في المستوى المادي
عشان اسعدها وابسطها وامشيها واصرف عليها بلي اقدر عليه وتكون سعيدة معاي لان في هذه الحالة بيكون اسعادها بسيط علي وممكن بهدية بسيطه تفرح وتنبسط ممكن تقولو هدا الكلام بطريقة لطيفة انك خايف ماتقدر تسعدها لانو مستواك مو من مستواها ويمكن ماتقدر بنتك تتقبل انو اذا قررت اروح اعيش عند اهلي تجي معايا ترا موضوع بالمرة سهل تقدر بأي اسلوب تصرفة بأدب لف ودور عليه بالكلام |
استخير وتوكل على الله واخطبها
|
صباااااااح الخير ع اااااااالجميع انا بصراحه احترمك لان لو واحد غيرك كان قال ان هذه فرصه العمر اللي ما تتفوت وبتزوجها ان حبيتها كان بها وان ما حبيتها اطلع من الموضوع بملغ محترم ,,,, اما بالنسبه لان المدير عرض عليك موضوع الزواج من بنته فهو اكيد شاف فيك صفات صعب تكون موجودة في هذا الوقت انا اشوف انك تفكر في الموضوع زين ما زين يعني هذا زواج مو لعبه ... انا اقول لك شي : ان في شخص كبير في عيلتنا يوم كان شاب مثلك تعرض لنفس موقفك (بس الفرق ان البنت اللي انعرضت عليه كان عندها جاه وسلطان وليس مال ) ورفض لانه كان يبي بنت عمه .. بس اللحين يقول انه نادم ..! لانه لو تزوجها كان اللحين هو وضعه افضل ... لانه المال والسلطة مكملان لبعضهم وطبعا معروف ان يد وحده ما تصفق فانت فكر ووشوف اما بالنسبه لموضوع الفرق الماادي فهو شي لايستهان به ولازم تفكر ااكثر من مرة فيه بس لاتتوقع انك لو تزوجت بنت فقيره راااح تسعدها وتكون فارس احلامها لان شفنا كثير تزوجوا بنات اقل منهم ماديا بس لااسف تاكل وتنكر ولابين في عينها شي ابد ولا تعترف بفضله عليها حاضر او غايب وهذه ياخي انا شفتها بعيني ما حد قال لي واللي شاف مو مثل اللي سمع المهم انها تكون جيده ومعدنها اصيل وتشيل الجميل مو تنكره يقولون دايم ان البنت الفقيره لو تزوجت غني عمرها ,,,,,,,,,,,ما تكتفي والغنيه لو تزوجت فقير تقتنع بحاله وترضى بعيشته البسيطة يقولون ما ادري بس اتوقع ان الحب والقبول يساعد الفتاه ع تقبل وضع زوجها والحياه معه فالنهايه انت اعطي نفسك فرصه تشوفها وتجلس معها وتتكلم عشان تقدر تحدد اشلون بتكون شخصيتها فترة ملكه طويله شويه ........يصير لو ما تفاهمتوا يكون الانفصال اسهل ولا ترفض رفض مطلق شوف وبعدين قرر بناء ع شخصيتها مو ع وضعها المادي لانه ليس مقياس واستخير كثير وصلي وادعي ربنا يسهل لك الخير واكثر من الاستغفار وربنا يوفقك ويكتب لك الخير بشرنا عنك وش الي يحصل معك |
السلام عليكم
اشكر كل من علق على موضوع واشكركم على ابداء نصائحكم انا استخرت وتوكلت وسويت الي علي الاخوان الي قالو شوف البنت ,, انا صراحه ما ابيها ولا مقتنع اني اتزوج من خارج بلدي ولا مقتنع اتزوج من ها البلد با الذات لان عاداتهم غير عنا وتقاليدهم غير عنا وثالث شي مستوى البنت مو من مستواي مو يعني هذا اني انا فقير وما عندي شي ,, لا با العكس انا حاليا ً مرتاح ما ديا ً وعندي خير والحمد لله وعلى قولة احد الاعضاء ( حلات الثوب رقعته منه وفيه ) لكن احب البساطه والشغلات البسيطه واصحابي اغلبهم من الفئة البسيطه ارتاح انا مع الناس البسيطه بعكس الناس الي متربيين على الفلوس اغلبهم يكون فيهم طبع الكبر وانا اكره ما عندي الكبر المهم انا رحت للرجال وكلنمته ,, جبت له كيكه مميزة وسعرها غالي شوية المهم لانو هو يحب الحلويات فا جبت له شي يحبه جيت له بوقت فراغ وحبيته في راسه وعطيه الهدية وقلت له تفضل يا طويل العمر هذه الهدية ,, قال لي يعني نقول مبر وك ,, قلت له للاسف اجابتك خطئ وخسرت فلان بن فلان الي هو انا :d قال لي افا ليش بس قلت له اسمع يا طويل العمر انت لك مكانه بقلبي ولك معزة خاصة ,, بس انت طلبت مني شي خاص وهذا الشي اعذرني ماراح اجاملك فيه لانه خاص فيني فمن حقي اعطي رايي با الموضوع قلت له اول شي احب اقولك انو طلبك هذا خربط مخي واحرجني وبهدل بي وخلاني اجلس افكر وايد لانه جاي من انسان عزيز فا الرد كان صعب ومحرج با النسبه لي ولك وانا فكرت واتخذت قراري ,, ولي اسبابي الخاصة الي تخليني ارفض عرض ذهبي مثل هذا فأنت مدير لك قرارتك وكلمتك وحده وانا انسان لي قرارتي وكلمتي الخاصة ,, صحيح انك لك افضال علي وانك شخصية قوية وكل الناس تبي تتقرب منك ,, بس الي يعتمد على الناس راح يتعب بحياته والي يتعمد على رب الناس بيعيش مرتاح فأنا زواجي خاص فيني وابي اتزوج عن قناعة ,, لذلك انا ارفض طلبك وبأبتسامه خفيفه قلت له وغير مسموح بأقناعي طالع فيني بنظرة فيها لئم قال لي انت مفصول من الشركة قلت له عادي هذه شركتك والمال مالك ولك حرية التصرف جلست شوية وقال لي ايش تطالع قوم دور لك شغل ثاني انا قمت ,, وطلعت من المكتب ورحت على البيت ,, طبعا ً لانو الدوام انتهى ثاني يوم ما رحت على الشغل ,, وجلست وحسيت بضيقة شوية بس في وقت نهاية الدوام جاني للبيت بنفسه ,, وجاب لي كيكة ودخل وحب على راسي بس انا ما خليته وبعدين قال لي تعجبني صراحتك وجلس يمدح ويقول كلام كله مدح فيني وقال لي لو قررت تتزوج كلمني عشان مصاريف عرسك كلها علي وماطلع الا لما حلفني انو مصاريف عرسي كلها عليه والله صراحه حسيت اني اهنته واني خسرت انسان عظيم ,, وجلست افكر والوم نفسي مدري احس القصه كأنها فلم او مسلسل احس بضيقة واني محرج من هذا الرجال بصراحه ,, هو شخصية قوية وانسان خبرة في الحياة فكيف اجي انا واحط راسي براسه وارفض القرب منه مع انو كل الناس تبي قربه ورضاه لكن بنفس الوقت لايمكن اني اتراجع عن قراري لاني اتخذته عن قناعه بس مدري احس ضميري يئنبني احس نفسي مغرور او متكبر ,, اقول في نفسي من تكون انت عشان تقارن نفسك بها الرجال يلا هذه الدنيا كل يوم نتعلم منها ادعو لي يا اخوان با الزوجة الصالحه الي يسر قلبي برؤيتها ويسر قلبها برؤياي مشكورين اخواني على الردود ومشكورة ادارة الموقع على هذا المنتدى المميزه ^_^ |
والوظيفه راحت؟
موقفك لا غبار عليه ابد بس الوظيفه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
إذا البنت أعجبتك كإنسانة بعيدا عن أهلها وأبوها فصارحها بمخاوفك وتوكل على الله
|
اخى الكريم خذ نصيحة منى
الرجال نيتوا صافية ويريد ان يستر على ابنته فاختارك انت لانك اخلاقك حميدة وشاب طاهر وملتزم فى الصلاة وملتزم فى عملك ومخلص وامين كل هذه الصفات جعلت منك انسان يعجب منه رؤساء عملك فانت لاتخجل ووافق على زواجك من ابنت مديرك فى العمل وتوكل على الله وان شاء الله يجمعكم على خير لانوا مديرك من الاخر طمعان فيك ويريد ان يستر على بنته ويزوجها شاب صالح طاهر مثلك اخى الكريم توكل على الله وا ن شاء الله |
انا اشوف تسوي معاها مقابله.. تشوفها تشوف اسلوبها بالحديث.. هالشي راح يفيدك ويفيدها واذا ماصار نصيب مارتحت قول له عادي.. مافيها شي.. ويمكن هي بعد ماتعجبها..
|
| الساعة الآن 10:34 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©