ضررررررروي التنظيم بالنوم شو كيف بتسمحلوهم ينامو بالهاطريقه
غلط كبير .... اطفال هدول زي العجينه بتشكلوهم زي مابدكم بهالعمر اذا كبرو على هالمنوال ما راح تقدرو تعودوهم على نوم صحي ... انا عندي بنت وولد بنت 4 سنوات وولد سنه و5شهور وينامو لوحدهم بس تصير الساعه 7 ونص اليل ينامو لوحدهم ويضلو للصبح يصحو الساعه 8 وابني بنام بالنهار 2_3 ساعات والبنت لا تفضل تلعب ما ترغب بالنوم نهارا
عودت ابني من عمر 6 شهور عالنوم بدري وبنتي معه يعني كنت اطفي الضو وافرش وانام جمبهم لحد ما ينعسو اولها عانيت لانه البنت كانت تنام متأخر عال10 بالليل قبل ما يكون عندي الولد

.......لكن ا((لغييرة والتحفيز بفوائد النوم)) .......((وقرآت القصص للاطفال))......... هيه بتخليهم ينامو واجزوهم ((اذا كانو يفهمو للهدايا باعطائهم هديه)) لو اول مرتين 3 لحد ما يصير ينام بدري وما تخلوهم ينامو بالنهار اذا كانو 3_4 سنين فما فوق الهوهم باللعب شربوهم قبل موعد النوم المطلوب ((بمغلي اليانسون هو اكيد برخي الاعصاب وبينعس ))او عشوهم (( شوربه فيها بصل وخضار البصل بينعس كمان (طبعا مطبوخ مو نيء )...(( لاتنيموهم بالنهار ابدا)) لحد ما بتعودو عالنوم البدري والله مرة على مرة حيتعودو
اتكلم من تجربتي ....... بعدين يا اخواتي لازم يكون عندك وقت خاص لكي ولزوجك او بالعكس من خلال تنويم الاطفال بدري وتشوفو نفسكم شوي مو تنامو معهم وتصحو معهم لازم يكون في مجال حتى توخدو راحتكم لانه نومه الابناء مع اهلهم شيء متعب وما في راحه للام ولا حتى انها تقعد وتتكلم مع زوجها او تزبط نفسها وتتلبس يعني من هلامور
نيموا اولادكم بدري وحياتكم بتنقلب للاحسن الكم ولهم خاصه انه النوم مفيد لهم كمان .....
ارجو انكم تستفيدو من نصايحي من بعد تجربه ..

السلام عليكم
كيفك اختي سندريلا حبيب
انا معاناتي مع بنتي حتى اذا ما نامت في النهار ما بتنام بدري في الليل واذا نامت بتنام ساعتين وبعدين بتصحى بحس انها اول ما تسمع صوت ابوها بتفيئ بحس صوت ابوها كالمنبه حاولت معاها كتير وما بتنام قبل الساعة 3 واذا بكرت بتنام الساعة1.
جد بدي حل معاها لانك زي ما حكيتي سهرها بنعكس بشكل سلبي علي انا وابوها زي ما حكيتي ما منقدر نقعد مع بعض لحتى نحكي حتى
اذا عندك طرق اخرى تفيديني فيها بكون ممنوتك

انا عندي توئم ينامو 6 مساء ويصحوا 6 صبح لاني ما بنيمهم في النهار وبنت يا اخي لا تنيمهم في النهار

يس مشكلتي تعويدهم علا الحمام ارجو النصيحه

والله عنجد مشكلة بعاني منها الكل .. انا عندي بنتي عمرها سنه و 7 شهور بتنام و بتنيمنا على كيفها ... و مو لاقية حل معها نهائيا .. جربت أصحيها من بكير الساعه 9 الصبح بتنام الساعه 2 الظهر للساعه 4 العصر و بعدها بالليل ما بترضى تنام قبل 2 المسا ...

طيب لو جربت أصحيها 8 الصبح و انيمها ساعه الظهر و اخليها تنام بكير على 8 المسا متل ما قالت الأخت نورين .. اوقات بكون عندنا مشاوير بعد 8 المسا شو اعمل بهالحاله لازم أخدها معي لانه ما عندي خدامة او حد يظل يعتني فيها و يراقبها
والمشكلة الثانية اذا صحيت بكير على 8 الصبح مفروض علي أصحى معها طيب انا ما بطلعلي أرتاح وعندي بيبي بصحينا كل ساعتن و ثلاث ؟؟ !!

ياريت حد يفيدنا أكتر .. و يعطيكم العافية