| عيون فتانه |
25-11-2009 06:20 PM |
اقتباس:
المشاركة الأصلية كتبت بواسطة شبيه السيل
(المشاركة 2290176)
بالنسبة لي مو صفة هي صفات كثيرة
لكن الحمد لله غيرت اشياء كثيرة جدا .. قبل خمس سنوات تقريبا كان اغلب وقتي برى البيت وكانت عندي هواية الدراجات النارية وكنت تقريبا ما احسب حساب احد الا " ابوي وامي " لكن ما كنت احترم غيرهم لكن الحمد لله تركت الهواية هذي بسبة واحد من اعز اصدقائي توفى في حادث الله يغفر له ومن بعدها وحتى الان احب الجلسة في البيت ونادرا ما اطلع الا لغرض معين وتحسن اسلوبي مع الناس.
الصفة السيئة الثانية هي الصراحة او بمعنى آخر الوقاحة .. فأنا شخص أقول رايي بكل وضوح وهذا الشي محبب الناس فيني ومزعل الناس مني ولا افرق بين امرأة أو رجل طفل او بالغ ,, وعندي قاعدة في حياتي انه لازم تكون صريح مع نفسك وصريح مع الناس الشي اللي تبغى تسويه سوه والشي اللي بيضايقك وينكد عليك ليش تسويه ؟! شخص ما اعجبني او ما ارتاح في السوالف معاه ليش اجلس معاه ؟! ابتعد وان سأل أكثر من مرة اقوله عيوبه وانا اكثر شخص احب الناس تقولي عيوبي ... فالصفة هذي مأثرة فيني كثير واتمنى اني اخفف منها ولو شوي حاولت بس ما قدرت اصبر ساعة بعدين اخربها
|
اخي شبيه السيل الحمدلله اللي تركت هالهواية المخيفه وبالنسبة للصراحه حاول انك تغلب عليها اذا كانت صراحه جارحه لان انه اعاني من هاذي الصراحه من احد الاشخاص القريبين يعني شاقولك صراحه لدرجة الوقاحه وجان زين احد ياخذ رايها هي تبدي رايهابدون محد يسألها
وشكرا على مرورك |
