|
اوافق كلام قمر وان كنت تبي مستشار اسري والله الاخوان في واعي التابعه لجمعية التوعيه والتاهيل الاجتماعي مايقصرون وكل شي بالسر بس تتصل تفتح ملف دون ذكر اسماء وراح يعطونك خطوات تمشي عليها(ابحث بقوقل تلقى رقمهم) وانا شخصيا" اراجع معاهم بالتلفون ويعطوني مواعيد بين فتره وفتره لمتابعت المستجدات بس اقولك من عندي ابدا" ماراح تستغني عن هالمنتدى الله يخليهم لنا |
اقتباس:
كلامك جميل يااستاذ عبدالعزيز وبماانك وقفت على بعض الحالات هل كانت المسألة مجرد وحام أم مسألة سوء أدب وتصرف يعني مثلاً ترد لك المصروف وترمي عليك بعض الكلمات |
اقتباس:
ماطلبت انو احد يتدخل لكن على طاري تجهيزات البيبي هي رافضة حتى واجباتي من مصروف وتسديد للفواتير فمابالك بالامور الاخرى شيء محيرررر وحام مع سوء أدب وسوء تصرف وإلقاء بعض الكلمات الإستفزازية وعدم تقديري كزوج بنظرك ومن خلال مشاكلك مع زوجك تتوقعين تتحسن الامور وتعود المياه لمجاريها وش نصيحتك الوافيه لانني في ازمة مع اخلاق زوجتي وعنادها مع انه ليس بيننا مشاكل كبيره تذكر |
اقتباس:
المسألة وحام لأنها متصورة عن الحمل والولادة أنه شئ يسير ، ولكن الواقع صدمها ، ولذلك هي تندب حظها وتكره الساعة اللي عرفت الزواج فيه ، بسبب هالموقف عموماً بعض النساء من الحالة والتوتر والألم اللي تمر فيها يمكن تطلب الطلاق ، وممكن أنت تستغرب من هالطلب وتقارنه بحالها قبل ، وما تصدق ما لك إلا الصبر والتحمل حتى لو تلفظت عليك بألفاظ سيئة أو ردت المصروف ، لأن هالفعل منها مو من ذاتها ولكن بسبب حالها أهم شئ تواصل معها ولاتنقطع عنها وراسلها رسائل بالجوال أو الإيميل تعبر عن شوقك و أنك متألم كثير لتعبها وحاس فيها وما تستغني عنها ، و بإذن الله راح تذكر كلامي وهي راح تستحي منك بعد الولادة وتطلب مسامحتك لكل عمل سئ قابلتك به المرأة ما تستغني عن زوجها وهي تحبه ، ولكن بعض الظروف يفضل فيها الإبتعاد قليلاً لترميم الحالة النفسية وتجديد النشاط |
اخي والله بصراحة موضوعك يزعل يعني انا مستغربة من زوجتك اغلب او بالاصح كل الحريم يتوحمون بس اعتقادي اللي تبي تضلل على بيتها وزوجها تتحمل وتجي على نفسها انا في حملي من اول شهر لاخر شهر وانا كنت كارهة زوجي بس عمري مافكرت اطلب الطلاق صح كنت كارهه منه اي شيئ بس كنت اتحمل لاني عارفة انه يحبني بس اني افضل مصرة على رايي ابي الطلاق هذا موحال حالك يحزن انت تبي رضاها وهي موعلى بالها رضاك اذن والحل موكل اللي حملوا تركوا بيوتهم صراحة انامستغربة من حالها يعني المفروض تكون انت غاية رضاها حتى لو كانت كارهاك موفي بيبي بالطريق وبيت مفتوح ولا هي لعبة بس ابي اتزوج واحمل وخلاص لازم يكون في تحمل للمسؤلية هذا اول حمل لها كيف الحمل التاني وين بتروح اخي لازم حل خليك صارم شوي وطنشها ولاعاد تتكلم معاها وتحسسها انك طالب رضاها حسسها انها اخرهمك يمكن تجي بهالطريقة وتخاف على بيتها لاتجي على نفسك زيادة خلاص اعتقد انت عملت اللي عليك وتحملت حاول انك توصلها انك خلاص ماعاد تجي تشوفها او انها تعرف عنك شي الابعد ماتولدوانا مااعتقد انه لو داعي تجلس عند اهلها طول فترة الحمل النفاس ممكن واذا حبت ترجع لبيتك الله يحيها وانت اصبر واعيد عليك اخي خليك حازم في قرارك علشان حتى لوكانت بتدلع عليك تعرف انك وصلت معاك حدها فيروح الدلع والله يعينك
|
لاحـول ولاقوة الا بالله !! مو داخل تفكيري ان الي تسـويه زوجتك وحاااااااااااااام !! فيـه شي !! واهلها يتسترون وهي معنـده ماعليها لا بأهلها ولافيـك !! اقـولك شي !! اعرس وانا اختــــــــــك ... وريح مخك والي ببطن زوجتك مرده ومصيـره لك ! عاجلا ام اجلا .. وخلها هي لين يطيح الي براسها .. وتـروق المدام وتذكر ان لها بيت وزوج ! وش هالحكي ! حشـا مبزره وربي ماحشمت هالرجال ! والي جايين .. وكبير العائله ! واخـوهـا الي فهمت انه اخس منها!! اجل يردك ثاني مره لكبير العائله ومايهتم بالمووووضوع !! الصـراحه ... وقسماب الله يااااااااااااااااااااااااااااااااااااااصبرك مااشاءالله ~ وربي لونك اخـوي لأخبطبلك من امس .. ولا اشـوف هالهم الي اشوفه .. بسالفتك .. الله بحق هاليـوم الفضيل يفرجها عليك من اوسع ابـوابه ويرزقك بالزوجه الي تسـر قلبك وخاطرك وتبرد عليك دنيا وآخره .. |
ما هي المشاكل التي قست قلبها لهذه الدرجة ؟؟
انا عندي نصيحة لك يا أخي خربها جرب تتقل شوي عطيها مصروف و بس لا تحاول تكلمها و لا تتواسط عند احد من اجل الرجوع يمكن لما تشوفك مو سائل عنها تسأل عنك هذا طبع ابن آدم |
كلام دانتيل مره عين العقل ياخي ريح نفسك انا ماقد سمعت بمثل وحام زوجتك نصيحه طنشها ولا تكلمها ابد واذا ولدت لا تمر عليها رح شف ولدك وبس أثقل ترا الثقل صنعه ولا تعبرهم ابد من كبيرهم الى صغبرهم حتى أمها وأبوها خلهم ينهبلون اذا شافوك جاي تشوف ولدك وما مريت على بنتهم وبصراحه هي ما تستاهلك ...
بصراحه ملينا وأحنا نقولك في البدايه كلم، ارسل ،هدايا، خلاص وقت هذا كله راح لا تكلمهم نصيحه يا أخي خذ بالنصيحه هذي ولا تتردد . وش وش راح يصير وصدقني من باعك بيعه وبعد ولادتها صر رح شف ولدك فقط ولا تسأل عنها هي أهانتك الى قبل يعني بصراحه ما شاالله عليك مدري كيف متحمل (اعتذر اذا كان أسلوبي قوي شوي بس من جد زوجتك رافعه ضغطي وانا ترددت كثير اني ارد على موضوعك لأني اشوف انه طال بزياده على غير سنع الأعضاء من زمان وهم يقولولك خلها لا تكلمها لا ترسلها ألين ما تولد أسفها بس أنت علشانك تحبها ماسمعت الكلام وانت الحين قاعد تدفع ضريبته...الله يعينك حبيت اطلع مافي داخلي لأني من جد مرتفع ضغطي منها بكيفك مولازم تاخذ بحكيي..بس انا عندي قاعده حلوه ((((من باعك بيعه))))اتمنى لك التوفيق.. |
اقتباس:
بصراحه صعبه زوجتك بالمرررررررررررررررررررررررررررررررررررررررررررررر ررررررررررره وماتوصل لهذي الدرجه من الوحم ابدا فرق بين قلة الادب وبين الوحم وبين الكره وبين الوحم من الاخير زوجتك 99,99% مو راجعه هذا اللي باين من تصرفاتها لكن نرجع نقول سبحان الله يمكن انها حاله جديده من الوحم وجت براسك!!!!!!!!!! واذا على مشكلتي مع زوجي فهي مختلفه تماما عنك ولا اقدر اقيسها بك انت وزوجتك العجيبه هذي يمكن بس اقدر افيدك من ناحيه وحده.. هي ان زوجي هو اللي غلط علي..وهو اللي جا يتسامح وبذل كل مابوسعه عشان ارجع له (قعدت سنه ونص زعلانه عليه عند اهلي)ورجعت بعد ما تأكدت انه لن يعود ابدالما كان عليه لكن سمعتها من اخصائي نفسي او استشاري يجي في قناة ابو ظبي نسيت اسمه ان الرجل البذيء لا يعاش معه ولو كان انجح الرجال عمليا واجتماعيا والله انه قالها حتى بقرف قال اذا مايحترمك يا زوجته ولا يقدرك ولا يحشمك ولسانه بذيء لا تعيشين معه وانا اقول لك المرأه البذيئه لا يعاش معها اقتباس:
صراحه كلامك قوي وخاطري اقوله ولكن الشيخه حامل يمكن سبحان الله حملها ووحمها ماقد مر ع البشريه خلونا نصبر لبعد ما تولد بأسبوع واحد ... والله لو هي حامل بفيل بتكون خفت بعد اسبوع خلونا نصبر لبعد ماتولد بأسبوع ونحكم عندي كم سؤال مهمين ياليت ترد عليهم ليه ماخليت الحريم يتدخلون مو كل القبيله .. امك واختك الكبيره او خالتك او عمتك وحده منهم والحكيمه جدا منهم + امك كم لكم مفترقين؟ كم باقي لها على ولادتها؟ هل بيتك يوسع زوجتين؟ هل ماديا مقتدر على زوجتين؟ لابد من اجابات ثم للحديث تتمه صراحه انت ومظلوم الحب وولهااان مدري وش مصبركم على بلاويكم هذا وانا حرمه واقول هالكلام واعي تماما ما اقول.. لكن لابد من التروي قبل نحكم والله المستعان واولا واخرا انت ادرى بظروفك لكن رجاء رد على تساؤلاتي |
اقتباس:
أخي مش ملاحظ إنك متسرع شوي, يعني بعد الجلسة بيوم رجعت.. ولهذا أتراها نافرة منك لأنك بتلح كثير, وهي لسه ما إرتاحت.. أنت عملت اللي عليك خلاص.. لا تتصل نهائ, طنش يا أخي ما دام جريك وراها ما جاب فايدة... إبتعد شهر شهرين أو أكثر, ممكن النفوس تهدى.. أدعو الله الأحد الصمد أن يجمع بينكما عاجلا غير آجل يا رب... |
| الساعة الآن 12:06 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©