|
اقتباس:
كيف اهو بخيل انا بقولك البيت يقرقع ماجاب طلبات وقلت له وماطاع يجيب ومن امثلة السحبة يطلع يصلي الظهر ويتغدى ويسحب علي ولا كان بوة كائن حي ينتظرة وان تكرم وفكر فيني جاب لي اكل بس مايكل معي طيب انا ماتزوجت اكل لحالي واعيش لحالي هاي ماهي عيشة انا مااقولك ان طلعاته طكثيرة لا وربي بس حتى لو كان موجود مايجلس معاي حياته دش واكل ونوم وبس قسم بالله مليت من هالعيشة |
ياختي انتبهي من اخلاقه وبعدين كيف انتي لسا بكر ولك شهر متزوجه وكيف مايجلس معك المشكله الاكبر من الاكل والبخل الان هي كيف لسا عرسان ومايقعد معك ومايتحمم وانتي لسا بكر شي غريب صراحه انتي تلبسي له تحاولي تغريه اوتثيريه اتمنى تجاوبيني لاني رجعت قرأت مشكلتك وانتبهت لبعض النقاط
|
اختي كيف يصلي وما يتحمم الاثنين بعاد البعد اللي يصلي لازم يكون نضيف النظافة من الايمان
ححاولي تفهميه هالشي يعني والله مستغربة يصلي و ما هو نضيف كيف اقنعيني الحمدلله يصلي ما قلنا شي و النظافة اهم شي اوقف عند ربي طاهرة نضيفة و خاشعة حاولي تنصحيه بالنظافة حاولي تتجملي معه ولو اراد لمسك سايريه ان تستحمي معه عل وعسى ينجذب للماء وحلاوة الماء و يبدا في التحمم |
انتي حاولي معاه وحظري له الفوطه والدش وقولي له تحمم يمكن يزعل بيقولك ليه وش شايفتني بس قولي له
لا اكيد تعبان وحر وجاي من برى اكيد ودك دش يعني باسلوب حلو واشتريله عطر او مجموعه للاستحمام وحطيها له ومشكلة البخل يمكن عاده انتي ادرى يعني طلبتي منه هالشي وقالك لك والاكل ليش ياكل بروحه انتي قولي له نفسي ناكل سوا طبعا لك الحق انك تحسي ان زوجك يشارك بكل شي لكن حاولي بكل الطرق انك تعوديه يمكن هو متعود على حياة العزوبيه ويبيله وقت وانتي زوجك على ما تعوديه واذا قلتي انا خلاص طفشت من هالعيشه وانتي ما سويتي شي ما راح تغيرين شي ابد وبستمر على هالوضع وهو يشوف انه صح اصبري وان شاءالله تزين الامور وربي يوفقك ويفرجها عليكم |
ما أدري هل في أحد في هذا الزمن يوصونه على نظافته !
|
الله يفرج همك حاولي تاخذين حبوب منع الحمل الى ان يتعدل
الله يصلحه بس بصراحه الا النظافة كيف يتحملون ريحته في العمل بعدن انتو ما سالتوا عن سبب طلاقه |
اقتباس:
وعلى موضوع اني بكر صراحة انا فيني خجل مافيه ملح و كملتها اني مااتحمل قربة ولا لمسته وكل هذا يعود الى عدم نظافتة صراحة اجامل شوي بس خلاص مو بيدي مااقدر اكمل معه ماارفض بس ينقلب وجهي وهو عاد يفهمها الله يجزاه خير من ناحية اللبس والكشخة ما يحتاج عروس ما قصرت لكن سالفة الاغراء والاثارة والله ما احب التميلح واستحي مااقدر يمكن انا ماحبيته بس مااكرهه يعني عادي طيب لو طلبت الانفصال هل هذا الشيء صح لاني خايفة اتصبر لا الرجال ينتصلح وانا اتوهق بطفل عاد كذا ماعاد تنحل انت وش رايك وربي تعبت من كثر ماافكر لاني صراحة فاقدة فيه الامل انه يتعدل |
بالنسبه للنظافه انتي حني عليها ... وكل ما جاء يبي ينام قولي له تروش ... بس بدلع ...
وحاولي انه يعتني بنظافته الشخصيه ... اما بالنسبه لبخله ... جربيه بشيء يشتريه لك بس مو غالي عاد ... واذا كان بخيل ... قولي له بكل لغات العالم .. انت بخيل , جعص . ضرس , ... الخ ... الا البخل ما ينطاااااااااااااااااااااااااااااااااااق وشوفي اذا بيبرر لك او يتغير .. البخل مو الصبر حله ابد |
بصراحة أختي الله يكون بعونك
المشكلة اللي انتي فيها ليست بسيطة و لازمها جلسة مع زوجك زوجك لازم يعرف انه ريحته طالعة و انك غير قادرة على تحمل هذا الشيء قد لا ينفع معه حل إن كان يكره الاستحمام و الطبع غلب التطبع لكن ربما بتغير اذا اقتنع انه من حقوقك تجاهه كزوجة أعرف قريبة لي تشتكي من رائحة زوجها و عدم استحمامه و معها حق صراحة لما يجي زوجها إلى العزايم كل الناس لا تطيق رائحته خصوصاً في الصيف و المصيبة انه أولاده ورثوا نفس الشي مشكلة الرجل انه يكره الماء بشكل عام عمره ما سبح لا ببحر و لا بمسبح لأنه بالمختصر لا يحب الماء تخيلي!! زوجته اشتكت و اشتكت حتى ملت الشكوى و لم يتغير حتى الآن (مع انه صار جد) !! الغريب انك لم تكتشفي موضوع النظافه و البخل خلال الخطوبة و لكن يظهر ان خطبتكم كانت تقليدية او انك لم تتعرفي عليه حتى يوم الزفاف ؟؟ المهم أن عليكِ الآن المصارحة و بدونها لن تنحل أي مشكلة وصلي له الفكرة بالتلميح و ان لم ينفع فالتصريح و ان لم ينفع صارحيه مرة ثانية ... و مرة ثالثة...و رابعة .. اهتمام زوجك بنظافته من أبسط حقوقك الزوجية .. فلا تستكي عنه و اقتراح الأخت سهى بأنك تستخدمي حبوب منع الحمل جيد لكن بإذنه طبعاً في بداية زواجكم حتى تستقر مشاعرك تجاهه طالبيه بالمكوث معك و موضوع الصرف و البخل أنتِ لا زلتِ في الدرب الآمن الآن و لازم تحلي أمورك من أول الزواج لا تتركي شي لبعدين و حتى لو زعل منك قوي قلبك و صارحيه مشكلة البخل مشكلة كبيرة و ستعانين منها الكثير فاليعلم زوجك واجباته الزوجية تجاهك من الآن هذا الرابط مفيد لكِ أطلعي زوجك عليه الحقوق المتبادلة والمشتركة بين الزوجين |
اقتباس:
الله يصلحه بس لمحت له انا مااحب اجرح في خلق الله وادري لو قلت له على بلاطة بياخذ موقف لانه مو معترف ان ريحتة لاتطاق الله يعين بس لاتنسوني من دعواتكم |
| الساعة الآن 10:09 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©