هوني عليك
وانت مابدك نقولك شي حابه تطلعي الي عندك عشان ترتاحي وفعلا مجردكتابتك اكيد ريحت وخففت شوي عنك
واذاهو مايقدراوبالاحرى مايبغى السفر ماراح يسافر واقولك على شي اللحين انفلونزاالخنازير اناالصراحه اخاف اطلع من بيتي مو بس اسافر مع اني راح انجن واسافر بس هو رافض الموضوع تماما وانا اقنعت نفسي انه الافضل وعلى الطلعه الحمد لله بيكفيني اني بشوف اخواتي كل اسبوع الحمد لله ونادرمااطلع مع زوجي واذاطلعنانطلع مشاوير بسيطه او عند اهله
وخلاص لازم امشي حالي بالاسبوع يومين يوم مع اهلي ويوم مع اهله وسلامتكم

شوفي حبيبتي طبعا انتي من حقك تروحي عمره على الاقل ....بس علشان نخفف عنك بقولك شي

طبعا احنا كل سنه ما نسافر لانه امورنا الماديه على قد حالنا .....بس العام سافرنا العراق زياره لاهله كون اهلي مقيمين بدوله ثانيه ....

يعني يا اما انا اسافر لاهلي وهذي ما فيها تكاليف كلها كم هديه ....ياما نسافر لاهله هو

السنه هذه مدينون على شراء بيت ويا دوب ماشيه معانا ....قلت له هذه السنه لا سفر لانه السفر مصاريف واحنا نريد نخلص الدين اللي علينا حتى اهلي ما رحت عليهم لانه مثل ما قلت اي سفره تريد مصاريف .....تخيلي هو يريد يسافر وانا ارفض لانه ما اريد نتحمل ديون علشان وناسه

وعلى كثر مو ضايجين من الكعده بالحر على كثر ما ااصبر بنفسي انه لازم الواحد يتحمل علشان يبني مستقبله وكل شي له ثمن

الله يهديه ويوديكي عمره علشان تدعيله الله يهديه عليكم

حني عليه وحني بس مو تشدين
واربطي الحمل بالسفر
يمكن تحصلين الروحه للبحر ع الاقل

أم مجد جمعي القرش على القرش من أول السنة بدون ماتخبري زوجك
ولو تدخلي جمعيات وتطلبي تستلمي دورك في موعد الإجازة يكون أفضل.


وتفاجئي أبو مجد بما جمعتيه لما تبدأ الإجازة وتعزميه على السفر على حسابك كهدية منك



















كيف الحال ياأم مجد وكيف مجد ؟؟

هههههههه

وأن شاء الله ياخذ الدراهم ويروح يسافر فيها مع خوياه ، ويخليها تكد على ها الجمعيه طول السنه صيف وشتا.

يا بنت الحلال صدقيني خلوكم واثقين ان الرجال اذا يبي يسوي شي لأهلها بيسويه والله لو على جثته وخصوصاً على قولة المثل ما يعيب الرجال الا جيبه.

انا ما ابي اقويكم على ازواجكم ، ولكن ابيكم تعرفون حاجه وحده ، لكل شي مفتاح، اذا عندك ها المفتاح بتاخذين الي تبينه ، واذا ماعندك والله لو عندكم كنوز الدنيا ماراح تحصلين الي تبينه.

شوفي افضل طريقه تتوقعين انك تقدرين تاخذين من زوجك الي تبين ، بكاء؟؟ ابكي ،، طلبات؟؟؟ لبي،، رعايه؟؟ شيليه على ريش النعام. وانا ما اتكلم على سبيل الحصر ، بل بشكل عام.

يعني شوفي هو وش الشيء الي لما تسوينه يطير فيك، سويه، اتمنى اني وصلت لك المعلومه.

صحيح ممكن بعض الرجال يكون ناقصهم كم قرش، ولكن صدقوني لما يبي يوديهم او يبي يوفر لهم شي صدقوني يبي يسويه ولو يصير الي يصير.

اتمنى وصلت فكرتي ، ولكن حطي في بالك حاجه ضروريه ، الي هو اسلوب المقارنات ، يعني شوف فلان واهله وفلان واهله وحنا فينا وفينا ، ترى هذا اكثر ما يغيظ الرجل ويخلي راسه حجر.

الله يوفقنا ويوفقكم

المشكله مو على اني ادخر مبلغ
لكن رد تركي العالمي هو الحقيقه التي يجب ان اقتنع بها مشكورا عليه
انا قلت له اسلفك عندي مبلغ بس مو راضي
هو مو مقتنع بالسفر وبدور على الف حجه وحجه

الله يسهل عليك ويرزقك ويرزقنا ....

تصدقين انا داريه ان في ناس اسوء مني بكثير و زي في ناس هم احسن مني
بس بعد الناس قدرات
انا لو اسافر مكان قريب لا يعد سفره ارجع للبيت بنفسيه مرتاحه واعصاب هاديه اقدر امشي
ايامي حتى لو ما اطلع كثير لان غيرت جو
وكم مره قلت لها عن اثر السفر على النفسيه لكن لا حياة لمن تنادي

اصلا هذا برنامجنا يوم عند اهله وايام عند اهلي
بس لما يروحو اهلي ويسافرو وين اطق بوجهي فيه
حتى بنتي تعودت تطلع كل يوم مع انها صغيره مجرد ما البس العبايه وابوها يلبس ثوبه
تتجنن من الفرح
واليوم الا ما اطلع فيه تصير عصبيه وتبكي كثير

وفعلا انا لما كتبت الموضوع كنت ليلتها مكلمته بالسالفه فكنت بحاجه اني اتكلم ..
عموما مشكورين وماقصرتو ...

مشكوره ياعمري
بعد حنا عندنا بنيان وفعلا اكيد البيت يبغيله ماده بس شنو الي قاهرني
انه الماده ماتسمح كنت اسمعها كثير من قبل حتى قبل البنيان
عموما كلام الاخ تركي بعد فيه رد الرجال اذا صار في شيئ في باله بيسويه
سواء كانت الماده تسمح والا ما تسمح خليها على ربي احسن الله يسهل الامور ...