|
تزوج الثانيه واضرب الحديد وهو حامي
وبعدها ان تعدلت كويس واذا عافتك قلها من عافنا عفناه ومن باعنا بعناه صحيح شي يقهر |
يا اخوي هدي اعصابك .. أنت الرجال وانت العاقل ..
وانتوا يا أخوان شنو فيكم على الرجال .. ما اختلفنا كلمتها غلط وتصرفاتها بعد فيها أخطاء بس مو تصبون الزيت على النار وهذي غلطة الكبار .. غلطة أبوها .. المفروض يقول لها احنا اخوان ونتهاوش مو يقعد يتضايق ويرمي كلام يمين وشمال ويخليها تشب المسألة بس انها مضغوطه من ابوها .. وانتوا عارفين المرأة عاطفيه يعني وش تتخيل أكيد ابوها قاعد يتحلطم ومنقهر من تصرف اخوانه وتشوفه تعبان ومنقهر وقاعد يقول كلام يحرق الدم .. " انا مالي قيمه عندهم .. وش ذا الأخوان .. وهذا ما يستحي .. ومو بعيد قال انهم منافقين عاد اهي جات لك وقالت كلمة ابوها " منافق " وانت عارف الانسان مهما كبر يبقى ابوه اهو القدوة لها .. ومدام ابوها قال هالكلمة شافتها سهله و قالتها و اهي من حبها له تبي تبيع الدنيا عشان ترضيه على بالها أن هذا الشي يرضيه اهي عاطفيه و رمت هالكلمة وهي تشوف ابوها منقهر من ابوك وعمامك اتركها كم يوم وهي تهدى من نفسها إذا شافت ابوها هدئت أعصابه ونسى تصرف ابوك راح وحس ان كلمتها غلط وتصرفها معك غلط .. ويمكن ما تحس وتعدي هالسالفه وتتصالحون بس انت لازم تحسسها عشان ما تتكرر هالمشكلة كلما تهاوشوا ابائكم مشكلتكم أنكم بعاد عن بعض وهي للحين تحس بانتمائها لأهلها أكثر من تعلقها فيك عموماً بس ينصلح الحال قولها أن مالكم دخل بخلافات أهلكم لو ايش يصير حتى لو تنطبق السماء على الأرض انتوا مالكم دخل .. وأن طلاقكم ما يرضي ابوها ولا أبوك واهم اول من يوقف ضد هالفكرة فهمها وقول لها أن ابوك واوبها وعمامك أخوان ومهما صار بينهم خلافات يبقون اخوان قلبهم على بعض ومالهم غنى عن بعض وأن الظفر ما يطلع من اللحم يعني لو صار لواحد من عمامك شي أو ابوك اول واحد يركض له ابوها والعكس صحيح وهذي خلافات تصير بين كل أخوان كبروا والا صغروا اهي بس تفهم كذا وأن هذي خلافات عاديه ومستحيل تأدي للقطيعه وحتى لو أدت راح يكون حبكم وحياتكم أكبر عندها من أي خلافات وبعدين الفت نظرها أن كلمتها الي قالتها على أبوك خطأ حتى لو كان غلطان صحيح لأن مثل ماهي ما ترضى على ابوها أنت بعد هذا ابوك الي رباك والي له فضل عليك ما ترضى عليه وإذا المفروض أنك تسكت على الكلام السيء والسب الي ينقال على أبوك المفروض حتى أنت لو قلت كلمة على ابوها تسكت ولا تقول شي بالنسبة لحقوقك الثانية .. إذا رفضها مأثر عليك ومضايقك ضروري تشوف حل وتتفاهمون عليه أجل انت ليش متزوج وإذا مو مأثر تصرف مثل ما تحب براحتك هذي حياتكم الخاصة |
بعدها عنك جعل غيرك يسيطر عليها حاول انك تجمعا بك بنقلهاعندك اونقلك عندها
وبعدين امور كثيرة تجهلها مثل حق الجاع الشرعي ومتى ماطلبه الزوج راجعوا معا الحقوق الزوجية وسوف تتعدل حياتكم اعانكم الله واسعدكم وجمع بينكما على خير |
اقتباس:
يعطيك الف عافيه وجزاك الله خير |
[quote=باريسا;2195300]
أنا من رأي باريسا .. بس ما تستعجل وهديء الموقف وعشان تحس بغلطتها وتراجع نفسها ما تسأل عنها ولا تنزل لها . وطمنا عنك |
اقتباس:
قالتي من زمان تبغى تتزوج تزوج بس وديني بيت اهلي مثل ما اخذتني انا وولدي وروح تزوج وولدك ما راح تشوفه قلبي ما يطاوعني اتزوج عليها |
يا اخي لا تصير زي الاسنفنجه و تمتص كل كلام زوجتك اللي ما له معنى الا انها تتجرأ عليك لانها شايفتك ملهووووف عليها بزيااااده .. طنشها لحد ما هي تتصل عليك ... واذا رحت لها هذه المره لا تاخذ لها هدايا عشان تحس انها غلطت في حقك و لازم تتحمل نتيجة كلامها و تصرفااااتها .. |
اقتباس:
اختي باريسا اشكرك من قلبي على هالاكلام اللي يريح البال ابوها لو يدري باللي صار كان خاصمها لانه يحترمني ويقدرني فوق ما تتصور ومثل ما قلتي مستعده تبيع كل الناس واولهم انا بـــــــــــــس ترضي ابوها |
اقتباس:
الكرة الآن في ملعبك أنت لم تغلط و ليس هناك تصرف عليك أن تفعله لتعرف سبب ما قالته بل هي عليها أن تتصل و تتأسف و تبرر و تعدك ألا تكررها فمهما كانت لديها انتقاد على تصرف والدك يبقى عمها و المفروض تحترمه و لاتتلفظ عليه و إذا كانت تحبك فعلا صدقني ستندم و تكون غلطة ستنسى مع الأيام إن شاء الله الله يوفق بينكم تحياتي أم فاطمة |
من قرائتى لمشكلتك تبينت لى عدة اشيا ء
1 ان زوجتك صغيرة فى السن وفيها نسبة غرور 2 انك مدلعها كثيرا جدا وهى اصلا كانت مدلعة فى بيت اهلها 3 انها فيها نسبة عناد وحب فرض الراى نجى للعلاج فى مثل عجبنى كثير يقول ودوايها بالتى كانت هى الداء يعنى الحريم ماينفع معهم غير التطنيش والتاديب صدقنى لو جافيتها طبعا بغرض التاديب راح تتعدل واذا هى عاندت زيد عاندها لانك لو مررت هذا الموقف بسهولة ما راح تنحل بسهولة وصدقنى اكيد زوجتك ماتقصد الله يسهل اموركم |
| الساعة الآن 08:32 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©