|
الوان .. ربي يجعل حياتك كلها الوان زهرية و فرحة
قبل ايام اتصل زوجي .. قلت له تعبااااانه .. سكت و فتح موضوع ثاني>>قمت اصارخ .. ها تذكر ايام الملكة لو فيني شكة دبوس .. سلامتك حبيبتي و انا و لا انتي و ما توقف اتصالات و تقعد فوق راسي .. و الحين بعد سنتين زواج بس اقولك تعبانه تسكت .. عيل بعد 3 سنين ايش بتسوي ... بقولك تعبانه ..بتقولي بالطقاق :) قعد يعتذر و يتاسف ومو قصدي .. لا اراديا رجعت افكر زي تفكري الحين اعتقد والله اعلم انه كل متزوجة تمر بنفس الاحساس .. شخصيا لما اشوف ثوب زفافي اقول يووو ياريت الزمن يرجع للورا ... كنت بسوي و بسوي .... طبعا حياتنا زمان عند اهالينا احلى لا مسؤليات و لا تحكومات ازواج و لا هم بيت و اطفال .. كنا عايشين لانفسنا و لنا .. طلعات و صديقات الخ الخ .. و اول ايام الزواج ما تتعوض .. لهفة الزوج و شوقه و حتى لهفتنا نحن و شوقنا لهم غييييييييييييير مهما كان الحب و التفاهم و الانجسام بعد الزواج الا ان ايام الزواج الاولى و ايام المكلة ما تتعوض كفاية مسكة اليد كانت تسوي كهرباء بالجسم كله :).. الحين الكهربا قطعت :) ... غير الجسم وتغيراته بعد الولاده يووووه شكلي ماعاد بسكت :) كل ما تجي لك هذه الافكار فكري زيي ... لما اروح عرس او شي .. طبعا اكون فرحانه لهم بس بيني و بين نفسي اشتاق لايام زواجي .. ارجع و اقول .. على الاقل انا الحين لي فترة عايشة مع زوجي عارفاه و عافني و الحمدلله طلع و نعم الزوج .. لكن هذولا عرسان جدد لسه بيتعرفواا على بعض و الله اعلم يمكن ينسجمو و يمكن لا .. ربي يسعد كل اثنين طبعا بس هذه الاحتمالية موجودة و بنسبة كبيرة.. صح ايام الملكة رووعة و مافي زيها .. بس الان انتو عايشين سوا.. صرتو روح بجسدين .. تفهمي عليه و يفهم عليك اكثر من ايام الملكة ... زاد الحب لكن بشكل ثاني .. و زادت المودة ... خف الشوق بس باقي مكونات الزواج الناجح موجوده و الحمدلله .. اول اذا احتجتيه صعب تلاقيه جنبك دايم .. لكن الحين وقت ماتحبي تفضفضي,, او تكوني تعبانه بس حطي راسك على كتفه و طلعي اللي بقلبك .. |
قولى الحمدلله على كل حااااااااااااااال
الله يهينك بحياتك وعيشي حياتك احسن بدل ماتفكرى في اشياء عدت وعيشتها |
اعتقد انه شعور طبيعي في ناس تخاف من تقدم السن
انا في بعض الاوقات اقول ياريت الزمن يرجع للورى و ترجع ايام زواجي الاولى لانها احلي ايام الزواج و لكل مرحله من حياة النسان حلاوتها و مرارتها لكن الانسان يستغل الوقت ليجعل منه وقت جميل و مفيد اختي استمتعي بايامك مع زوجك و الله يجعل ايامك مع زوجك عسل و شهد |
حبيبتى colors والله كأنك تتكلمى عنى حاسة كل كلمة بتقوليها حتى الخوف من العمر بالرغم انى اعتقد انك ايضا مثلى صغيرة او لان امى دائما لما اقول لها مثل شكوت تقول لى انتى لسه صغيرة ليش تفكرى كدا شوفى انا ببداية 24لسه ماكملتهم
لكن لما اشوف صديقاتى لسه ماتزورتجوا ويروحوا ويجوا وينبسطوا اقول حاسة نفسى كبرت الحمد لله على نعمة الزواج والانجاب لكن والله باخاف يمر العمر وانا مااستمتعت بشبابى يعنى اذا سافرنا وجات لنا طلعة لازم اولادى معنا ما نقدر ننبسط مظبوط بها غير ان فيه اشياء كنت اسويها فى بداية الزواج عيب دا حين اسويها خلاص عندى اطفال والله اتمنى ارجع عروس مررررررررررة ثانية |
حبيبتي الوان .. انت و كل من يخاف من تقدم العمر .. فانا اقول لكنّ اني الان اعيش احلى مرحله في عمري (40) قمة النضج الفكري و النضج العاطفي و النضج الاجتماعي .. في هذه المرحله تقربت الي الله اكثر من اي مرحله من حياتي و تذوقت العشق الالهي .. ربي لك الحمد والشكر .. اهم شي انك تحافظي على صحتك و تهتمي بنفسك و تطوير ذاتك .. استمتعي بكل مرحله من مراحل حياتك بما يرضي الله .. كوني لك صداقات .. استمتعي بزوجك و بابناءك و لا تديري بال لهذه الوساوس .. الحياه حلوه بس نفهمها صح .. ابتسمي تبتسم لك الحياه ..:) |
اقتباس:
خالة أميرات أنتِ في عمر الماما اللي يحفظها لهذا أحس بأنك كثيرا ما تفكرين مثلها وحتى كلامك قريب من كلامها كثيرا... والمعذرة من كلرز.. |
اقتباس:
يا بعد قلبي يا دلوعه انت و كل الصبايا الحلوين في المنتدى .. ربي يخلي لك امك و يعطيها الصحه و العافيه و طووولة العمر و تشوفك عروسه و تفرح فيك و يفرّح كل ام باولادها قولوا آآآمين .. |
عزيزتي أميرات
أنا عديت منتصف العشرين ****************************** حرم المعلم تصدقين عاد دايما أقول إنها راحت علي في كل شيء لدرجة حتى في السوق إذا جيت أشتري ثياب أحس هذه مو لايقه لوحدة متزوجة وبعدين أقول صديقاتي اللي بعمري وما تزوجوا يلبسون كذا أقول بشتري وبألبس ألوان وحركات وأرجع أقول ايش بيقولون تزوجت واستخفت وعني ما تزوجت مرة بدري يعني على 23 تقريبا شكرا لمداخلتك ****************************** دلوعة حسين ما شاء الله توك على الشعور بهذا الاحساس يعني يمكن لين 25 ما كانت تجيني هذه الحالة تحسين نفسك صغيرة وعادي تكبرين كم سنة لكن بعدين يبدأ العكس ودك لو تثبتين عند عمر معين وتعيشين وتسوين الأشياء اللي كنتي تسوينها أول وصحيح دوام الحال من المحال بس الواحد يحس بأحسايس مزعجة شكرا لكِ ****************************** أم سيمووووو الله يشفي زوجك ويصلح حالك ويكتب لك الخير ولجميع المسلمين ****************************** ماريا 13 صحيح إحنا وجدنا لنعبد الله والسعادة التامة هي بلقائه ودخول الجنة بإذنه لكن الشعور بالكبر مو حلو صحيح لسه ما عجزت بس الأيام تركض أنا ما أذكر متى وصلت لهذا العمر وبهذه السرعة إحنا ما ودنا نستمتع بالحرام وأكيد اللذة في العبادة لكن مرحلة عمرية ميزة معينة لكن حاليا ما أحس فيها و ماودي أستمر أكبر وأنا مكاني ما سويت شيء ما تخيلت نفسي آخذ البكالوريوس وأجلس في البيت بدون وظيفة ولا دراسة ثانية ولاشيء كنت أحس الوضع عادي لكن الحين بديت أتدارك العمر يمضي الحين أنا أم وبغمضة عين إن ربي عطاني عمر وبنتي بصير جدة يعني ممكن يكون السبب انه لازم أجتهد في النوافل والطاعات أكثر شكرا لكِ ****************************** حرم المعلم حياك الله مرة ثانية والله مادري هل هو خوف من الثلاثينات ولا أشياء ثانية أحس لسه أتذكر وأنا متخرجة ما صار زمان الاحساس قريب لكن فعليا مر وقت زمني ليس بالقليل على التخرج وقيسي على كذا أشياء كثيرة تمر السنين وأنا ما أحس ****************************** lovepeaceangel اقتباس:
اقتباس:
اقتباس:
فهي تأخذ مننا وقتنا أصبحنا نسعد لسعادتها ونفرح برؤية ضحكاتها الصغيرة لذا فنحن لسنا لنا تغيرنا اقتباس:
أولا سأشعر بالخجل نحن نذهب للاستمتاع ونتركها عند أهلي هم سيفرحون بها ويحبونها لكن أكيد هي ستفتقدنا وليست كبيرة لدرجة تعتمد على نفسها الاعتماد الكلي ولن تكون إجازتنا سعيدة ونحن نفتقدها ونفتقد ضحكاتها وربما حتى بكائها وإزعاجها صحيح نود الراحة لعدة ساعات لكن لعدة أيام أجدها بالنسبة لي صعبة وأن أتصل للاطمئنات عليها بين الحين والآخر ذهب أغلب وقت الإجازة بالسؤال عنها اقتباس:
اقتباس:
والحب يزداد وتتغير طبيعته مع العشرة ربما يميل للاستقرار أكثر لكن لا توجد تلك المتعة ذاتها واللهفة ذاتها وحتى ربما الاهتمام ذاته فكل طرف عند الآخر وربما اعتاد على وجودة اقتباس:
والله يرزقك الزوج الصالح والذرية الطيبة شكرا لتعقيبك بارك الله فيك****************************** زوجة رائعة 1 أعلم أن في كل عمر شيء حلو وشي مو حلو لكن حاليا لا أشعر بذاك الحلو ربما الشيطان مثل ما قلتِ الله أعلم شكرا لكِ |
اختي noora
على قولك شوفي أيام الملكة كيف والحين كيف يعني هم ما بطلوا يحبونا لكن خلاص أول يدلون وما عاش اللي يزعلكم وإذا فيك شيء سلامتك وما تشوفين شر الحين عادي حتى لو قال ما تشوفين شر عادي يكمل شغله إذا عندك صداع خذي بنادول اكسترا وانتهينا أول ما تزوجنا يرجع البيت بالتمام على وقت انتهاء الدواء ما عنده صبر يرجع البيت الحين عادي يتأخر ربع ساعة نص ساعة ولا ساعة عادي عنده شغل بيخلصه وعلى طاري ثوب العرس اللي أشوفه أتحسر ما يدخل فيني الحين ولا صورت إلا كم صورة بس يوم العرس الحين شبيلبسني عروسة وكيف بصير عروسه راحت علي وضحكتيني على طاري الكهرباء أقول لزوجي أيام الملكة بس تمسك ايدي اتكهرب كلي الحين ما في توصيل يمكن حتى لو ضم مو دائما تنتقل الشحنات وصحيح إحنا نتمنى للعرسان الجددد يتوفقون وينبسطون لكن نتذكر أيامنا ونتحسر على أيام زواجنا وليتنا وليتنا مع إن لو تفتح عمل الشيطان وزي ما قلتي إحنا عايشين وهم ما ندري ظروفهم كيف بتصير الله يوفقهم اقتباس:
وشكرا لمداخلتك الحلوة *************************** بنت مكة الحمد لله على كل حال وجزاك الله خير *************************** burberry ربما الخوف من التقدم بالسن وإن الواحد يبدأ يفقد قدراته تدريجيا وكل شيء جسمي ولا معنوي وصحيح لكل مرحلة حلاوتها وإن شاء الله نعيش كل شيء بوقته ونستمتع فيه شكرا لك ولك مثل دعواتك الطيبة *************************** عزيزتي تيررا هذا هو ما أدري نحس الوقت يمضي وما انبسطنا أو إننا معقدين شوي محنا قادرين ننبسط بالشكل الكافي بوضعنا الحالي ما أدري هل المسؤلية أكبر من إننا نتحملها أو نحس إنها شيبت بنا بدري شكرا لك *************************** ما شاء الله عليك اختي أميرات الله يطول عمرك وعمرنا وجميع المسلمين بصالح الأعمال ربما لأنك تذوقت حلاوة الايمان الحقة وتقربتي من الله أكثر حلو الواحد يهتم بنفسه ويطور نفسه بس إذا ما كان عنده الدافع مشكلة وتكوين الصداقات صعب بالنسبة لي ليس لأني لا أستطيع لكني لا أطيق أي صداقة فالحمد لله على ما قال لي الكثير إن لي قبول بشكل عام لكني أفضل علاقات سطحية عادية وأتريث مليون مره قبل لا أخليها تتعمق أكثر لأن كل وحده ودها تقوي العلاقة ومع الأيام بتعرف عنك أمور كثيرة ما لها داعي ولا تتدخل في أمور ما ودك فيها وأنا يهمني جدا التوافق الفكري ومو دايما أصادف بنات كذا شكرا لمداخلتك والله يعننا على أنفسنا *************************** دلوعة حسين حياك الله واخذي راحتك :) |
المعذرة منك أختي "colors'' ماشاء الله فتحتوا نفسنا على الزواج :26: ماهذه "الدرر" التي تخبرونا بها نحن العزابية ... وأنتن صاحبات الخبرة خلاص أقرا الردود وأنا :eek: خوفتونا :21: الله يستر بس :25: لكن برضه نريد نتزوج :d الله يسعد قلبك أختي "نورا" والله كلامك عسل ربي يوفقكم كلكم أخواتي ويسعدكم وين ماكنتم اللهم آمين |
| الساعة الآن 11:12 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©