|
بدري عليك بدري ... بس احسن من الان عوديه على طبعك لاتصيري مثلي تسكتي وتنتظري يقولك شي ...انا كمان اشكي مثلك بس انا لي 4 سنين ...بس فعلا زي ما قالو لو شفت مصيبة غيرك تهون عليك مصيبتك... وانا لما قريت مشاكل الاخوات رغم صعوبة مشكلتي هانت عليا ...بس متاكدة انك بعد فترة حتضحكي من كلامك هذا وربنا يسخر ليكي زوجك ويهديهه اليكي ويحبك اكثر ويرزقكم الذرية الصالحة
|
أغلب الرجال كذا ...
والحمدلله حبيبتي دام أنه رجل مستقيم ويصلي ... مشكلتك عاديه وماتحتاج كل هالتوتر ..أنتي بانيه أحلامك على واحد يدخل يتغزل ويطلع يمدح ... لكن الواقع غير .. وسعي صدرك وشوفي مشاكل غيرك .. أنا حاسه فيك لاني مارة بنفس تجربتك ... وبعدين تخيلي لو تطلقتي وانتي مالك الا شهر .. وش بيقولون الناس وخصوصاً الرجال عن كلامك مافيه عيب .. حتى لو أشتكيتي لاحد بيقولون تفاهة ..وهذا سبب غير مقنع .. بس أنتي مصدومه... أصبري عليه .. وان شاء الله يتغير .. أنا عندي واحد مايعلق نهائياً لا على زين ولاشين ... وآخر شيء أكتشفت أنه أصلاً ماينتبه ... مثلاً ... أشتري لبس والبسه بعدين أتركه كم شهر وارجع البسه مرة ثانيه وأقوله وش رأيك حلو ... أقوله أني أشتريته أمس .. بعدين أسئله أقوله سبق وشفته علي والا لا .. يقول والله ماادري .. أخاف أقول ايه تصيرين فعلاً شاريته أمس .. أخاف أقول لا .. تقولين لابسته مليون مرة ولا انتبهت .. أنا ماأدقق بالبس لانه مايهمني... عموماً دائماً أسوي فيه هالمقالب لانه يقهرني ... صرت أشتري ألوان ملفته للانتباه وعادي الوضع .. عرفت أن هذا طبعه ... صمت طول الوقت .. هدوء قاتل ... وأنا مع الاسف أجتماعيه أحب السواليف وهو العكس ... حبيبتي تأقلمي ... واذا لبستي شيء قولي له وش رأيك .. أسأليه حلو عطري .. حلو مكياجي ... يمكن كثر الدق يفك اللحام ويصير ينطق ... دائماً أقول لزوجي أنقهر لانك دائماً على الصامت ...ويقول أن شاء الله أبحول على الهزاز ..يتريق |
يا اختي لا تظلمين نفسك ولا تتمنين الموت لأحد عشان الله يوفقك ويسهل أمورك
ترى الدعاوي ماهي زينه .. وبعدين حطي له أعذار .. هذا زوجك شريك حياتك يمكن ما كان بينكم فترة ملكة عشان تتعرفون على بعض ممكن يستحي منك .. يستحي يعبر عن مشاعره مو متعود .. يمكن تربيته متحفظة زيادة يمكن من بيئة تقليدية .. ما عمره قرأ عن المرأة ولا يدري عنها يا أختي معظم الرجال عندنا ما يعرفون عن المرأة شي أبد .. لا كيف تفكر ولا كيف تحس ما يعرفون عن احاسيسها ومشاعرها شي حطي له أعذار وانتي بادري بنفسك حسسيه بالي تبينه ... بعد هو انسان وش عرفه بالي تبينه إذا ما أحد علمه وكان من النوع الخجول أو الي ما يدري أن في شي يبي له يتعلمه سأليه .. شو رايك في لبسي ؟؟ شنو رايك بالعطر عجبك أو لا ؟؟ خذي رايه .. في كل شي .. صحيح راح تتعبين إذا طلع من النوعية الي ما تدري عن شي بس راح يتحسن شوي .. وهذا مع كل شي زواج مو لعبة وإذا الرجال مستقيم وما عنده خرابيط كل شي مع الصبر يصير أستهدي بالله واتعوذي من ابليس يا عروس تو الناس ولا تدعين على أحد عشان تتوفقين المسكين تلاقينه ما يدري عن الي داخلك وانتي تحترقين يالله روحي له وخلك بجد عروس |
اسم الله عليك من الصدمه يا قلبي .. انا اللي انصدمت يوم قريت كلامك .. شفت العنوان قلت اكيد بتقول ان زوجها هاجرها و يضربها و يسئ معاملتها و اهله كارفينها مثل الخدامه كبري عقلك يا بنتي .. زعلانه عشان ما قل لك فستانك حلو .. او ريحة عطرك ما علق عليها ؟؟ بسيطه يا قلبي .. كبريها تكبر و صغيرها تصغر .. كل ما في الموضوع ان زوجك مو متعود انه يقول مثل هذا الكلام .. يمكن ما يعرف يعبر .. يمكن تربى في بيت ما احد يتكلم و لا احد يعبر عن رأيه في مثل هذه الامور .. لا تخلي مثل هذه الشغلات البسيطه تكدر حياتك و تنعكس على تصرفاتك مع زوجك حتى ما يقول عنك نكديه .. العمر امامك اهم شي ان زوجك يحبك و يحترمك و مو مقصر عليك في شي .. وربي يسعدك .. |
والله ضحكتيني ... انا زوجي ست سنوات ومايمدحني ابد ... اسمع من اهله انه يمدحني بس احسهم يبون يفرحوني وبس...
يحبني ويموت فيني ... عرفت هالشي مع الايام خوفه علي وزعله عشاني اللي مايبينه طبعا بس صرت افهمه مع العشرة واعرفه اذا زعل اوفرح اوتضايق .. اول كنت اعتقد انه ماعنده احسااس اومغصوب علي او ... او... افكار كثير تجيني صرت اللحين ان لبست اساله وش رايك ... ان قال حلو ... اقوله بس حلو ... اقوله لاقول يجنن قول موطبيعي قول يهبل... يقول ايه بس شوفيني شفته وتوني عاقل مانجنيت ..:d:d كل مارحت مناسبه اقوله قالوا لي وقالوا لي ومدحوني وانت ساكت ولاقلت شي ... يقول المدح قدام صاحبه مذله :23::23: فخلاص تعودت ااخذ حقي بيدي ...:30::30:من البس غصب طيب لازم يقوللي رايه ولازم يمدحني بعد وله ازعل واطنقر:(:( طبعا مزح ... مااقولك اني موزعلانه ولاموماثر فيني ... بس خلاص تعودت مع الوقت ويكفيني طيبة قلبه الله يخليه لي ولعيالنا .... |
لما شفت عنوان الموضوع ما انصدمت عرفت :) لاني انصدمت قبلك ...
بس الوحدة تتعود يا عمري .... ادري كنتي تفكري انه الزواج شي غييييير .. حب و رومانسية و طلعات و عزايم زوزج طالع نازل يحب فيك و يتغزل .... مزاح و فرفشة ... سهرات سوا ... الواقععع غيييير ... غييير غييييير ... للاسف اغلب الرجال زي زوجك ... عندهم الحب فعل ... الضحك و المزح مو من شيم الرجال ... الكلام الكثير مع الزوجة مش كويس لكن عند الاصحاب تعالي اسمعي الضحكة توصل لاخر الشارع :) اهتمامات الزوجة تفاهه .. و اهتمامتهم هم حاجة لا يعلو عليها .... عااد يا قلبي اتعودي ... حتى لو طلقتي لا قدر الله .. بتززوجي مرة الثانية و الثاني بيكون نفس الشي :) اتعوذي من ابليس ... احمدي ربك انه طيب و يعاملك بالحسنى لا يضربك و لا يهينيك و لا يسهر و يسيبك و لا يسكر ولا ولا و لا ..... حاولي تتقربي انتي منه ... عوديه انتي انه يعبر عن ارائه ... اذا ما قالك يالله نطلع .. انتي قولي له ... ملانه خلينا نروح لمطعم و لا لاي مكان و استغلي اي لحضه يكون قاعد لحاله و روحي جنبه احضنيه .... عوديه على وجودك بقربه و معاه على طول ... عبري عن مشاعرك تجااه ... لما يلبس و يتعطر امدحي عطره و لبسه ... عوديه على الكلام الحلو ... علميه ... تصدقي مرة شريت له عطر .. عجبه بس ما علق ... والله هريييتوه :) على الرايحة و الجاية اقوله الله على عطري اممم هذه اللي حاطه عطري :) .. لا والله عندي ذووق... صدق صدق عطري روووعه ... شفت ها من دوني ماكنت شريت هالعطر ....لغاية ما طفش و قالي خلااص ما راح استخدمه وهو معصب و يضحك بنفس الوقت .. بعدين قلت له لو كان من البداية قلت لي حلو ماكنت مللتك و الحين اي شي اجيبه يمدح فيه ساعه :) علميه حبيبتي مرة بالمزح و مرة بالتعليق و ان شاء الله بعد 4 اسابيع ثانيه تجي تقولي زوجي ملللني من المدح :) الله يوفقك حبيبتي |
الله يهديك بس :)
ويوفقك ويسعدك خذيلك لفة على مشاكل الناس في هالمنتدى وقولي اللهم لك الحمد والشكر على نعمتك الله يسخره لك يا حبيبتي ومبرووك يا عروسه |
ارقي نفسك وغرفتك ادعي بصلاتك استغفري كثيير
شغلي سوره البقره بغرفتكم وان شاءالله تتيسر الامور :> |
على طووووووووووووووول فراق
والله بنات اخر زمن الصبر في وادي سحيق ياحلوة ترى ماشفتي من الجمل غير اذنه |
سلامة قلبج من الصدمات
|
| الساعة الآن 07:23 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©