|
اقتباس:
الله يصبرنا بس و الله آكلة هم بعد الولادة قد جبل مو عارفة كيف احمي اختو منو لأني بلاحظ لما يجينا ضيف و معهم طفل صغير ابني بتعامل معه و كأنه لعبة او كأنه بعمره طبعا متبعة الحرمان و هو اكتر شي بريحني بس بالنسبة للأمور الأخرى متل الغسالة و مآخذ الكهربا و الله مجنني كل مرة بشوفه حاطط شي بالكهربا كتير بحب يحط فيها المفاتيح و كل شي له راس دقيق الله المستعان |
اقتباس:
اهلا اختي اسبريسو انا ما قصدي عقاب يعني اني ألمو او شي انا فقط اريد أخوفه انا محتاجة شي يخوفه لأنه بحرجني من الناس لما نروح لعندهم و هو يبدأ يشيل و يحط بالاغراض هدا إذا ما كسر لهم أغراضهم و حصلت مرة معي و الله ما عرفت كيف اعتذر و حملت حالي و مشيت من عندهم من كتر الاحراج كسر لهم ابني إطار صورة كان على طاولة منخفضة جداً هدا عدا انه بخاف عليه من المخاطر اللي بحط حالو فيها بحب الكهربا و مآخذها عندي كلها منخفضة على مستواه :24: تخيلي انا خايفة يوم من الايام يغيب عن نظري هوحاليا دائما أمامي لكن لما تجي أخته حيكون الوضع صعععععب |
اقتباس:
لكن ما حسيت انها كتير نفعت يمكن لأنه لسا صغير الله يحميهم و يخليهم يا رب شكرا لمرورك اللطيف اختي |
اقتباس:
كل ما شافها لازم يبقى عم بجرها و يلعب فيها و يكنس من الصبح لليل ماااااااااااااااااااااااااا بمل و لا بزهق منها لو شووووووووووو المشكلة انه لما خلص استكشف البيت كله لازم لما نروح عند حدا يبدأ المهمة من اول و جديد و شوفي الاحراج أمام الناس لما بكونوا مو حاسبين حساب وجود طفل و اغراضهم كلها على طاولات منخفضة آخر مرة كسر لصيدقتي فريم صور و انا وقتها حملت حالي و مشيت و قلتلا وعد ما عاد اجي عندك الا لما يكون ابني مسجل بحضانة فعلا احرجت و خجلت أبوه متل ما قلتي معترض على قصة الفلفل و انا كنت مترددةلكن بعد ما شفت رأي زوجي تراجعت عن الموضوع كله الله يحميهم و يصبرنا عليهم يا رب |
اقتباس:
المشكلة مو بس البيت لما تكوني عند حدا و تكوني مشغولة بالكلام و الضيافة و هو وجد بيت جديد يستكشفه من اول و جديد و الله احراااااااااااج شكلي رح اقعد بالبيت هالفترة حتى يركز شوي لأني مجنني بالزيارات |
اقتباس:
اذا ابنك أقل من سنة و نص رح يتحسن شوي لاحظت انه ابني قبل السنة و نص كان كتير استيعابه أسوأ للأوامر و العقاب لكن تحسن تحسن ملحوظ بعد ما صار 18 شهر الله يخليهم و يحميهم و يصبرنا عليهم آمين |
اقتباس:
و الله مشكلة بدنا نبقى عم نراقب و نقلل طلعاتنا و زياراتنا حتى يمشي الحال و الله لما شوف صديقاتي بودوا ولادهم المدارس و بعملوا أعمالهم و أشغالهم بحس المدرسة من الجنة فعلا حل رائع |
اختي ماريا
مافي اهم من اولادك بهلدنيا لا تعاقبي ولا شي بعده صغير و الله يعطيكي الصحه والعافيه وتربي وتدللي يعني عشتي فتره من حياتك و انت ماخذه راحتك و جيبه الاولاد ليست للتسليه فقط لانهم مسؤليه و محاسبين امام الله ااذافي ضروره للزيارات اذهبي فقط لمن عندهم اطفال بعمراولادك منعا للحرج اما الباقين فا اتركيه مع زوجك لفتره محدوده تاديه واجب فقط او اعملي زياراتك مثل الاجانب في المقاهي او mother and toddler groups او انت وصاحباتك حددو يوم تروحو للاكن المخصصه للاطفال http://files.mothhelah.com/img/GSu62619.jpg http://files.mothhelah.com/img/qee62817.jpg http://files.mothhelah.com/img/cPN62817.jpg اشربو شاي وقهوه و همه يلعبو و بجه الاولاد انتوكمان تلعبو معهم تلاقيه عند ملل من قعده البيت و مل من نفس المناظر بلبيوت الي ما فيها شي ينشال وينرمي من غير ما يصرخو عليه:29: |
اختي الغربة مرة
شكرا كتير لردك و مرورك الكريمين انا يا ستي صديقاتي المقربات هنا 3 2 منهم أطفالهم تحت السنة و التالتة أطفالها أكبر شوي يعني ماشي الحال أكتر لكن لما نروح بيت صديقاتي التانيات هون الجنون و طبعا الزيارات قصيرة كتير زوجي معظم الاحيان مشغول إما بعمله او دراسة يعني اذا كتير ساعدني بقعد مع ابني وقت درس السواقة غير هيك و لا مرة ما قعد معه بالنسبة لmother and toddler groupsاللي قلتي عنها صدقيني كل فترة شهر او شهرين برتب طلعة مع صديقاتي و منطلع منلعب الاطفال فعلا راحة لكن كمان بلزمه مراقبة وسط العجأة صعب اتركه وحده ما بعرف ليش بخاف اذا ما كانت طاولتي جنب مكان اللعب ما بقدر اتركه يلعب لحالو لسا صغير على اني اتركه مرة قويت قلبي و تركته و رحت اشرب القهوة بعيد شوي بعد خمس دقايق شفته مع وحدة حاملته و هو عم ببكي و بتسأل الناس مين أمه و من وقتها ما عدت تركته صار لعبة كله معتمد علي شو بدنا نعمل انا خوفي بس على اختو لما تجي شو ممكن يعمل فيها لأني مع ابنة صديقتي اللي عمرها 9 شهور صار معنا عدة مواقف دائما بتعامل معها كأنها بعمره هدا عدا عن أنانيته في ألعابه اللي ما ممكن يسمح لأي أحد ياخدها انا بعرف كل هالشي طبيعي و موجود عند كل الاطفال بس لااااااااااااازم خفف منو الله يعين |
بسم الله عليهم هذا السن يبدأون يكتشفون كل شيء وما في شيء يسلم منهم وإذا قلنا لهم الشيء بصيغة أمر جاء الرد بالنفي أو عالأقل بنتي وفعلا ما تخاف ولا كأني أكلمها تكمل اللي هي تسوية وحتى الشيء مرات تدري انه هو خطأ وترجع تسويه وبيت الناس مره إحراج أنا بعيدة عن أهلي وأصدقائي في مدينة ثانية صحيح تعرفت على ناس لكن زياراتي قليلة جدا جدا سن إبنك يمكن أصعب شوي بس يكبر بيظل العناد لكن ممكن يبطل يكسر أشياء وكذا أو ربما يصير تحكمه أفضل في عضلات يده فيصير يمسك الأشياء ويرجعها من غير ما تنكسر بإذن الله الضرب ما ينفع استخدمته كم مره غصبا عني مع بنتي صارت تضرب ونفس الشيء رفع الصوت صارت ترفع صوتها مع ا ن رفع الصوت مازال مستمر إلى الآن في بعض المواقف على إني قارية مسبقا انه الواحد ما يستخدم الصوت العالي إلا في الحالات الخطره عشان الطفل يوقف أما إذا تعود عليها ماراح تنفع وما أظن فكرة الفلفل حلوه حرام يمكن يصير يكره الأكل ولا يرجع على نفس الشء ويعاند أظن انه لو نقدر نمسك أعصابنا ونجلسهم في مكان على ما سمعت دقيقة لكل سنة عمرية بدون انفعالات أفضل أصلا الضرب بهذا السن ما يفيدشيء ولا يفهموه حتى التوبيخ على كل شيء يضرهم وما ينفعهم لكني للأسف أنسى نفسي وما أطبق :( أما في حالة ابنك الله يحفظه وخصوصا وقت ما تصيرون عند أحد مافي حل الله يعينك تصيرين وراه وممكن إذا ينفع تغيرين انتباهه وتلفتينه لشيء ثاني مرات كانت تنفع مع بنتي أما إذا ناديتها ولفتها لشيء ما هو بجاذبية الشيء اللي معاها ما ينفع الله يعين الجميع |
| الساعة الآن 02:47 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©