استهدي بالله وروقي
ليش ماخذه الامور بهالعصبيه
هم الرجال طبيعتهم وتكوينهم غير عنا
بالتالي اهتماماته وتفكيره ماتجي عالكلام والنظرات والشغلات اللي انتي مهتمه فيها..
يمكن مستحي او مو عارف وش بتكون ردة فعلك ومايبي يطيح من عينك او يمكن مشغول باله ومضغوط نفسيا بامور الزواج والترتيبات والمسؤوليات الجديده!!
وانتي قلتيها بنفسك لو مايبيك ليش يخطبك ويملك عليك من الاساس؟؟
يعني هو جايك بكامل ارادته !!
انتي اهدي وحاولي تتكلمين معاه بلطف وحنان اكثر و خلي البدايه معاه بالجو منك انتي..
مو ضروري تبدأين باحبك على طول والا تنطين تبوسينه وتخمينه :d
لا انتي بس خذي الخيط من اوله وبعدين خليه يكمل ...يعني مهمتك بس تمسكينه خط المصارحه بالمشاعر مثلا وتريحينه انك تبين هالشي ومحتاجته فعلا,,
لانه حتى هو انسان زيك ومحتاج حنان مثلك فمو معقوله بعد ماتوضحين كل شي بيرفض او يتراجع !
.
.
.
بعدين روقي من جد ترا توه مسكين مملك بشوال يعني ما صار لكم غير شهر ونص تقريبا فتو الناس مامداه ياخذ عالوضع كله ..
شوفي اختي مملكه من اسبوعين وللحين ماشافته ولا حتى كلمها جواااااااااااال حتى مكالمه بالغلط ماكلمها مع ان اخوي معطيه رقمها بيده وامه تكلم امي كل يومين ثلاثه تسال !!
بس عاداتهم مايكثرون اخته لها 5 شهور مملكه تقول مايكلمها الا مره بالاسبوع يسال عن الدوام والاهل والجو ويقفل :29:
يعني اكيد البيئه تأثر ..والتفكير والعمر كلها لها علاقه...
:)

لاااااااااا تعليييق ..

[size="5"]انا رايي انك تجرجريه حاولي 100 مره الين ماتجيبين راسه انا رايي لا تصارحيه لاني الرجال مايحب المرأه اللي تواجهه بعيوبه اوتحسسه انه ضعيف وماقدر يسعدها صدقيني عن تجربه حاولي تغرينه الله يعينك ابدي انتي يمكن يتفعل معاك ربي يوفقك يااااااااارب[/size::22:

انا اقول يمكن هو يدري ان فترت ملكتكم طويلة ويخاف يخربها حيييييييييييييييييل معاج
وانت لانج بنت ما تبين تبادرين ويفهم قصدج غلط

شوفي في بنات الرجالهم كانو طايرين فيهم وبعد الزواج خلاص صار كل شيء ممل مسوينه من اول
هو يمكن يفكر بهذي الطريقة يأجل كل شيء بعد الزواج
ترى هذا النوع من الرجال اتمسكي فيه حييييييييييييييييييييييل لان بعضهم عندهم طوووووووولت بال بس لما يخربها يخربها

انتظري لين بعد الزواج دام هو يحبج ولا تستعجلين على رزقكج

شوفي الرجال الي يستعرض انه حركات ومادري ايش اعرفي انه ماعنده سالفه ليه لانه خلاص قدم كل العروض الي عنده اما الي يصبر فهو يصير متحمس اكثر للموضوع ويرغب فيك اكثر بعد الزواج
وبتقولوين قالو صاحباتي في المنتدى :17:
ووخليك من وسوسة الشيطان يعني لازم تحملين بفترت الملكة عشان يثبت لك بطولاته :11:
ولا يدق عليك إلا عشان اغراض جنسية بحته وقتها بتقولين احسه ما يبيني إلا عشان الجنس !!!
وبتقولين طفشانه منه خلك من وسوسة ابليس ولا تتبطرين على النعمة

تبغين يعرف الغيب أن زوجتك تحب كذا .. أنت الان بفعلك سلبية لأنك تنتظري من زوجك كل شي

حبيبتي الله يخليك لزوجك ويخليه لك

وبلاها هالافكار السودا

لاحقة على هالسوالف

تعرفين الشاب الشرقي ما يحب يبين مشاعره لأن هالشي راح يتعبه

اصبري والصبر مفتاح الفرج

بأسألج، متى الزواج؟
وكم عمرج وعمر زوجك؟
وهل هو من عائلة محافظة؟

السلام عليكم ورحمة الله وبركاته

أولا
انتبهي ونبهي صاحباتك اللي تقولين عنهم إنهم حصل بينهم هالكلام, نبيههم بهذا الحديث ولا تتكلمي معهم في هذه الأمور أبدا بل انصحيهم فإذا لم يستجيوا لك قومي واتركي مجلسهم حتى يغيروا الموضوع وعلميهم بالفتوى التالية

11 - يحرم على كل من الزوجين أن ينشر الأسرار المتعلقة بما يجري بينهما من أمور المعاشرة الزوجية ، بل هو من شر الأمور ، يقول النبي صلى الله عليه وسلم : ( إن من شر الناس منزلة عند الله يوم القيامة الرجل يفضي إلى امرأته وتفضي إليه ثم ينشر سرها ) رواه مسلم 4/157 . وعن أسماء بنت يزيد أنها كانت عند النبي صلى الله عليه وسلم والرجال والنساء قعود ، فقال : ( لعل رجلا يقول ما يفعل بأهله ، ولعل امرأة تخبر بما فعلت مع زوجها ؟! ) فأرّم القوم - أي سكتوا ولم يجيبوا - ، فقلت : إي والله يا رسول الله ! إنهن ليفعلن ، وإنهم ليفعلون . قال : ( فلا تفعلوا ، فإنما ذلك مثل شيطان لقي شيطانة في طريق فغشيها والناس ينظرون ) رواه أبوداود برقم 1/339 ، وصححه الألباني في آداب الزفاف ص143 .

ثانيا
الرجال يختلفون من ناحية الحياء والجرأة كما أن النساء يختلفن فلا تقارني أبدا

ثالثا
ففي فترة الملكة غالبا فإن الرجل لا يخرج مع زوجته , فقط يزورها في البيت كل فترة وهذه عادة العوائل التي أعرف عنها أما ما يقوله صاحباتك هو أمر خلاف الطبيعي خصوصا أن الأمور قد تتطور

رابعا
إذا كانت فترة الملكة قصيرة فالصبر جميل, وإذا كانت فترة الملكة طويلة - بالسنين - فحينها من الطبيعي أن يتغير مع الزمن و يكسر هذا الحاجز

خامسا
لا تقلقي بهذا الشأن و بارك الله لكما ، وبارك عليكما ، وجمع بينكما في خير ، وصرف عنكما كيد الشيطان

وفقك الله واجتهدي في إرضاء زوجك فإنما هو جنتك ونارك