منتدى عالم الأسرة والمجتمع - محتاجه استشارتكم..الحائــــرة

منتدى عالم الأسرة والمجتمع (http://www.66n.com/forums/index.php)

- العلاقات الأسرية والإجتماعية (http://www.66n.com/forums/forumdisplay.php?f=91)

- - محتاجه استشارتكم..الحائــــرة (http://www.66n.com/forums/showthread.php?t=172700)

الصراحة الله يعينكم فالفطور في رمضان له جلسة روحانية للذكر والدعاء وليس الاستفبال الضيوف كل يوم

ارسألوا الفطور لهم في بيتهم

بصرااااااااحه قلت حياء الله يعينك

رجال ماعنده شيمه وعزة نفس وزوجة إتكالية ...

حمد لله ع العافية

والله يعينك

اقتباس:

المشاركة الأصلية كتبت بواسطة (غير مسجل) (المشاركة 1965519)

رائي اختي الفاضلة ان الرجال مكانة المجلس وبسسسس

وموووو كل رمضان الفطور عندكم
مرة بـ بيتكم ومرة بـ بيت اختك

هلا اخي
والله انا رأي من رأيك ان الرجال مكانهم بالمجلس بس اهو يجي بوقت الاذان ويصلي وخلاص يفطر بالصاله ولا يتحرك..
ايه والله كل يوم والوضع متعب للغايه...
شكرا

اقتباس:

المشاركة الأصلية كتبت بواسطة أهــ(1)ــم (المشاركة 1966073)

السلام عليكم ورحمة الله وبركاته,,

شبه يوميا محبوسين لمدة خمس ساعات تقريبا:16:

اعذريني لاقلت ان زوج اختك (مايستحي) واللي (مايستحي) لاتخجلوا منه
اخبري أختك إنه إلى هنا كفاية وماقصرتوا,,
يخرج لصلاة العشاء والتراويح أفضل من جلوسه على قلب غيره وسجنهم بغرفة,
إذا لم تجدي إستجابة من اختك الوسائل كثيرة منها (كمثال) تخبريها بإنك سترسلين رسالة إلى جوال زوجها
ليفهم الأمر , حاولي أن تقولي لها والإبتسامه على شفاتك لكي لايكون الأمر جديا ويصل
إلى مرحلة الزعل,
مهم جدا كيفية إيصال ماتريدينه بطريقة مقبولة لكي يتقبلها الطرف الآخر ,

نصيحة

غاليتكم الوالدة أخرجوها من الموضوع,,

لك كل التقدير

وعليكم السلام ورحمة الله وبركاته..
هلا اخي
والله يااخي الوالده كلمتها قالت لها ترى الوضع متعب لأخواتك وامي تكلمت معاها لان شافتنا محبوسين واحنا متعودين نجلس مع الوالد الله يخليه خاصه بعد الفطور ..
انا ماعمري رسلت مسج لجوال زوج اختي ..
اما انا اسلوبي بالكلام هادئ بس اختي عصبيه وتحل الامور بصريخ وزعل...
علشان كذا حبيت اخذ رأيكم علشان اعرف اتصرف..
مشكور

صراحه وجهه قوي

الشرهه مب على اختك الشرهه عليه

اقتباس:

المشاركة الأصلية كتبت بواسطة سكر الاسره (المشاركة 1966110)

:22::22:
:22::22:

شكرا

اقتباس:

المشاركة الأصلية كتبت بواسطة jeans (المشاركة 1966333)

والله زوج اختك انسان غريب

المفروض يستحي على دمه ولايفكر يجي

فعلشان كذا قولي لاختك مافيها شئ زوجها وعلى العين والراس بس مو كل يوم يجي ويطول

منتو مجبورين تنحرمون من الحركه علشان خاطره

هلا اختي
قبل رمضان بيوم والله اختي جات وقالت لنا كل يوم بفطر عندكم..
انا قلت لها وزوجك بعد؟؟؟قالت طبعا زوجي معاي عجل يفطر بروحه كل يوم ويتملل..
واهي كل يوم تجلس من 4 العصر وتجي لنا..على الجاهز..والله الوضع متعب يعني لو حبينا نروح اي مكان لازم نتغطى..
مشكورة

اقتباس:

المشاركة الأصلية كتبت بواسطة يا قلبي لا تحزن (المشاركة 1966380)

انا ابي افهم اختك وزوجها ما عندهم بيت يالكلون عندكم كل يوم لا حيا ولا مستحا من البخل وحب التوفير والا وش قصتهم واختك ما تفهم كان زوجها ثور اسمحيلي في ها الكلمه اختك وش تصير بعدين اذا يسحب بطنه عندكم كل يوم يجلس في المجلس ما هو الصاله البيت فيه حريم يتغطون عنه فهمي اختك بكل صاحه واذا بتزعل احسن والله ارتفع ضغطي من تصرفاتهم

هلا..
والله عندهم شقه خاصه فيهم وزوجها مو بخيل ابدا..
انا بأخذ ارائكم علشان اقرر شنو اقول لها بالضبط..
شكرا

اقتباس:

المشاركة الأصلية كتبت بواسطة سهم المنايا (المشاركة 1966470)

[align=center]هنا المشكلة في زوج اختك وليس في اختك كيف يرضى انه كل يوم يتطفل عليكم حتى لو كان زوج اختك البيوت لها حرمات مادام البيت فيه بنات لازم يعرف على نفسه
لكن وش تقولين بعض الناس ماعندهم احساس انا اعاني من نفس المشكلة مع اخواني كل يوم يجون ويجيبون حريمهم معاهم من الفطور الى السحور
وكنا نتضايق ومناخذ رحتنا وهم شخصياتهم ضعيفه والواحد تلعبه مرته لعب حتى ترتاح من الطبخ والنفخ[/align]

هلا
والله كل يوم يجون وكلنا نتغطى عنه..
والله اختي مرتاحه من الطبخ والشغل تجي على الجاهز كل يوم وانا وامي من الظهر بالمطبخ..
شكرا

اقتباس:

المشاركة الأصلية كتبت بواسطة شيها نة (المشاركة 1966473)

(((انا قلت بكلمها بس قلت خلني اخذ رأيكم....)))

الموضوع واضح ..حبيبتي ..ما يبيله...

هذي إختك حبيبة قلبك...مو معقول تشوفينها تتصرف بهذي الطريقة السيئة..

وتتركينها....قولي لها ....وإذا ما خاب ظني انها ماراح تستجيب بسرعة....لأنها واضحة شخصيتها...إنهاما(تحس)

لذلك راح تحتاجين ..مستقبلا....إنك (تكثرين عليها الكلام)...

يا إختي...

أنا في هذا الشهر ( زوج إختي ما جاء يسلم على أهلي) مع إنها مو عادته!!!! ....

ما خليتها ...مسكتها وقلت لها عسى ماشر؟؟

والله من بكرة والموضوع ( محلول) لا تخلين شي في نفسك ...

طبعا هذا الكلام كله إذا ما عند إختك أسباب يمكن احنا ما نعرفها مثل فقر أو غيره...

الله يعينك...

هلا اختي
اختي عصبيه بشكل رهيب ودائما عندها ثقه عمياء انها هي الصح والكل خطأ
انا كل مره اكلمها تقلب الموضوع وتعصب ودائما تقول انا الصح بس انا مااتنازل واستمر اكلمها بهدوء..
بس هالمره لمحت لها كثير واهي فاهمه بس مطنشه وامي كلمتها..
اختي الحمدلله زوجها مو فقير وراتبه ممتاز وموناقصنها شي..
مشكورة