|
حبيبتي الناس عمرك ما حتسلمي من أسألتهم
انا مملكه وكل شويه متى تتزوجوا؟طولتوا بالخطوبه؟متى تجهزوا الشقة؟ طيب انا ايش بأيدي اعمله ظروفنا ان خطوبتنا حتطول شوي اعملي اذن من طين واذن من عجين واعليكي بالدعاء في مستهل هذا الشهر المبارك ولا تنسي تدعيلي معك وانا كمان حدعيلك |
ياارب ياا كريم
يا من تعلم ضعفنا و حاجتنا اسألك باسمك الأعظم أن تعجل لنا الفرج و أن ترزقنا أزواج صالحين تحبهم و يحبونك عاجلاً غير آجل يا جباار اجبر كسورنا يا رحمن ارحمنا يا لطيف الطف بنا يا حي يا قيوم امين امين امين |
ربي يسعدك يا نايتي نحن أخواتك هنا ... فضفضي ياقلبي وإن شاء الله معكِ حتى نزفك لبيت العريس اللي يستاهلك ويقدّرك ويفرّح قلبك تفاءلي خير بإذن الله ويارب تبشرينا قريباً جداااااا |
رزقك الله بالزوووووج الصالح ..
استفدي من هذا الشهر بالتضرع لله .. وفقك الله .. |
اختي العزيزه زوجه احمد ان شاء الله تتخرجي ووتتزوجي ربي يوفقك
اختي العزيزه كلي تفاؤل الله يبشرك بالخير جزاكي الله خيرا وجبر بخاطرك ورزقك من حيث لا تحتسبين اختي العزيزه lovepeaceangel الله يفرج همك ويارب يستجيب لنا ، الف شكر لكي غاليتي على وقفتك الدائمه معي خواتي ،انا صرت اعاني من امر لاادري ان كان طبيعي اولا اتملل من اي شي يتعلق بالزواج تجدوني هنا اكتب لكن انا قلقه على المستقبل يعني مثل اللي احس بتشبع ، احس مررت بكل المراحل من الخطبه للأولاد من كثر ماسمعت وشفت ماذا افعل اشعر ببرود وملل وقلق مثال جدا بسيط لا اجد حماسا كغيري لتخيل فستان العرس او تسميه اولادي ، اللي معي يتكلمون دون ملل بحكم انهم مرتبطين هل انا طبيعيه |
تصدقي يانايت .. كلامك صح ..
الناس مزودينها 90 % بس صدقيني إنتي يمكن حساسة من هذا الموضوع زيادة حبتين .. أنا مثلك تمام .. أنا الحمد لله عندي بنات وما عندي ولد .. ولما أحد قدامي يتكلم عن الولد أحسه متقصدني . أو فلانة أتزوج زوجها عشان يبغ ولد .. أحس كأنو اسمعي ياجارة ... أو لازم من الولد عشان يشيل أسم أبوه .. والله يكون في المجلس كثثثير حريم بس أحس أنا المقصودة .. عرفتي ... يعني أحس الناس ما همها غير الولد . خير إن شاء الله .. بس ولد ولد ولد .. خلااااااااااص .. لكن لما جلست مع نفسي حسيت إني أنا حساسة من هالموضوع حبتين .. قوي قلبك . ما أتزوجتي اليوم حتتزوجي بكرة بحول الله .. بالعكس شاركيهم الكلام .. وقوليلهم والله صراحة ودي أتكلم معاكم ونتبادل الأراء بس لما أتزوج أفيدكم أكثر عادي لا تخبي .. أنا كنت وأنا بنت أقول والله طول العريس وما جا .. كل شي جاهز بس باقي العريس .. ولما أمي حملت بأخوي الصغير .. قلت لها لا يكون حملتي عشان أنا عندك أربي أخوي .. يارب أتزوج .. راح أسوي إعلان بالجريدة وأكتب مطلوب عريس مستعجل .. وكانت تكل خالاتي وتقول لهم أميرة تبغ تدور عريس قبل لا أولد .. وسبحان الله يانايت تقولي باب السما كانت مفتوحة .. أنخطبت وأمي في التاسع ... وحضرتت ملكتي وهيا في أخر شهر .. وبعدين أجلنا الزواج عشان تولد ... وحضرت زواجي وهي نفاس .. الحمد لله |
ياستي يا قمر انتي
لو على كلام الناس ما راح تسكت ابدا الان متى بتعرسين و لما تنخطلب.. بسألوا متى بتزوجي و بعدين متى بتحملين اذا جبتي بنت بسألوك متى الولد و العكس صحيح و بعدين متى بتجيبي الثاني و الثالث و الرابع و لوجبتيهم يقولوا ياااه هذه ارنبه كل سنة بطفل و اخر شي بيقولون يووه مسكينة تعبانة و يا زوجها و عيالها لو ما اتزوجت كان احسن :) :) الناس ما تخلصي من كلامهم .. خليك اذن من طين و اذن من عجين و صدقيني لا تبيني ابد انك زعلانة لانه ماجا نصيبك للحين لانهم بيزودون فيها .. بالعكس بيني انه الموضوع عندك عااادي و لاحقة على الهم .. عشان خلاص يسكتون ولو انهم ما بيسكتون عندي وحدة من صديقاتي ماشاء الله عليها جمال و ادب و علم و عمرها 22 بس الناس هلكوها ومرة في جمعاتنا و حدة من البنات كثرتها معاها بالاسئلة عن الزاوج يالله متى .. شوفي الزواج حلو شوفي شوفي شوفي بالنهاية البنت انفجرت و قالت لها تبيني مثلك اتزوج اي حد و السلام :) لا حبيبتي انا ان شاء الله لما اقول يا زواج بدور زين ما باخذ اول واحد يتقدم طبعا البنت الاولى سكتت من ساعتها بطلت تتكلم :) تستاهل :) فلا تستحي ردي على اللي تململك بالاسئلة الناس هكدا الطيب يمسكوه و الي يعرف يرد يتجنبوه الله يرزقك و يرزق البنات الزوج الصالح عن قريب ... والله حاسة انه فرحك قريب مادري ليه |
الله يرزقك باالزوج الصالح اللي يسعدك ويهنيك
|
على بالك انه بمجرد ما تتزوجي رح ينتهي المسلسل هذا؟؟
لا حبيبتي الناس ما تترك احد بحالها .. انا كنت زيك فكرت اذا تزوجت خلاص بيتركوني العالم بحالي الا لقيتهم اكثر واكثر يتدخلو مهما حاولتي تحطي حدود او تعملي حواجز.. اذا ما تزوجتي قالو متى تتزوج اذا تزوجتي قالو متى تحمل واذا حملتي وجبتي بنت قالو يالله متى الولد واذا جبتي بنت ثانيه قالو يا حراااام متى الولد واذا جبتي بنت ثالثه ياويلك من تلسيع الكلام كانه بيدك واذا جبتي اولاد قالولك ما عندك بنت تساعدك بالمسنقبل واذا جبتي البنين والبنات تدخلو بامور ثانيه عندك شغاله ؟؟..بيتكم ملك؟؟ما تسافرو بالاجازات؟؟توظفتي؟ ويالللللللللللله السنفونيه تشتغل وما تنتهي ولا رح تخلصي هذا للاسف مجتمعنا لازم نتقبله بحسناته وسيئاته.. |
جزاكن الله خيرا اخواتي وجعل ما كتبتموه في ميزان حسناتكم
لكن ربما لم اوفق بطرح مشكلتي الحاليه ساارجع انقلها لكم خواتي ،انا صرت اعاني من امر لاادري ان كان طبيعي اولا اتملل من اي شي يتعلق بالزواج تجدوني هنا اكتب لكن انا قلقه على المستقبل يعني مثل اللي احس بتشبع ، احس مررت بكل المراحل من الخطبه للأولاد من كثر ماسمعت وشفت ماذا افعل اشعر ببرود وملل وقلق مثال جدا بسيط لا اجد حماسا كغيري لتخيل فستان العرس او تسميه اولادي ، اللي معي يتكلمون دون ملل بحكم انهم مرتبطين هل انا طبيعيه |
| الساعة الآن 05:23 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©