|
انصحك تستاجري خدامه فترة سفرك وتخليهم عند امك وخليه تنتبه لهم
اذا عجزتي اولادك اولى تذكري كسرت نفوسهم وفزعهم في النوم وبكاهم صدقيني بياثر عليهم سفركم وراح يحسون انكم ما تبونهم اقنعي زوجك يمكن يغير كلامه ولا تنسين الاستخاره واستودعيهم الله الذي لا تضيع ودائعه |
اقسم بالله وضعي نفسك وضعك زوجي واعدني وكنت اتمنى هالسفره من كم سنه ولما تيسرت خلاص رفضت واجلتها لما يكبرون عيالي واقدر آخذهم بس عيالي صغار مره سنه والثاني سبعه شهور وحولتها لعمره يومين وارجع وبرضو شايله هم هاليومين الافضل تاجلينها او تاخذينهم لانك رح تكوني على اعصابك
|
الله يكون بعونك حبيبتي
انا كنت بنفس حالتك لكن سفري كان لكم يوم وقررت اني اخد الكبيره وخليت ولدي الصغير لانه ما يفهم كتير وحيتعبني والحمدلله اتسهلت الله يكون في عونك ويسهلها عليكي حاولي مع زوجك انك تاخذيهم حتى لو اتبهدلتو المهم عيونك شايفاهم كمان قلب الام ما يرتاح الله لا يحرمك منهم يارب |
انصحك تاخذي عيالك و ما تسيبيهم لانك ماراح تتهني هناك لوحدك
انتي لسه ما رحتي و جاكي القولون اجل لو رحتي و تركتيهم اش ح يصير فيكي من التفكير ؟؟ اما انك تاخذيهم معاكي او تلغي السفر و الله يحفظ عيالك و يختار لك الخير |
ينقل إلى عالم التربية والحوار الأسري ... مكانه الأنسب إن شاء الله ...
========== اقتراح الأخت فيافي نجد ممتاز ... عشرة أيام كافية إنك تنبسي إنتي وزوجك ... وفي نفس الوقت هي ليست بالمدة الطويلة كثيراً في البعد عن أولادك ... وإنِ استعطتِ أن تقنعي زوجك بأخذ الأولاد معكم .. فهذا الأولى والأفضل والأحسن ... وما في مرمطة ولا شيء إن شاء الله ... الله عز وجل هو المعين ... موفقين إن شاء الله . |
الحمد لله ودعي اولادك لله الذي لاتضيع ودائعه وانبسطي
والحمد لله تراهم بايدي امينه عند اميمتكم الله لايخليكي منها عيشي حياتك بالطول والعرض وبالنسبه للقولون كثري من عصير البرتقال الطازج ومشروب البابونج والنعناع فرصتك تعيدي ايام شهر العسل مع زوجك اسال الله لك التوفيق |
حبيبتي
سبب تأجيل سفري هالصيف هم عيالي ناطره اهلي يردون عشان اسافر باذن الله بعد رمضان حبيبتي فعلا مايتحمل عيالج إلا امج وخواتج غير هذول انسي حبيبتي لوعندج خدامه اسهل شوي بس عادي امج وخواتج كفو باذن الله حبيبتي سافري واستانسي واكسري الروتين وتعوذي من ابليس هو اللي يجيبلج الافكار السودا هاذي _ ادعي الله ييسر امرج ويشرح صدرج _ على طول اذكري الله حبيبتي اسالي نفسج لو يحصل لج فرصة حج السنه هاذي بتقولين لأ ما أبي_ عيالي اولى لأ طبعا بعدين يعني انتي عندج قلب وزوجج لأ! اقنعي نفسج بهالافكار وبتتسهل ان شاءالله @سفره سعيده وتحياتي لج |
السلام عليكم
و الله مشكورين مررررررررررة على تفاعلكم معي .... بس تخيلو اني زدت حيرة .... بالنسبة لامي مهاها اخواتي 2 و يموتون بعيالي موووت بس الكبيرة تشتغل و الصغيرة مهي حقت مسؤلية .... اما الاستخارة فللة الحمد انا مستخيرة و الله يسر لي كل اموري و كنت متحمسة و ادعي ربي ييسر لنا و لما تيسرت صار اللي صار و الله اني احاول اختلق المشاكل عشان يبطل زوجي من السفرة و اقولة منك انت اللي بطلت مش انا .... هو متحمس يا عمري علية عشان كذا ما و دي انا اللي اقولة ببطل اخاف يقولي بروح مع اصدقاي و هذا اللي ما نبية ... و اصلا سفرتي كلها على بعضها 11 يوم ... وساوس ببالي اتمنى منكم تدعوووووووولي بجد انها تروح و الله يحفظ لي عيالي و يحفظنا انا و زوجي ... |
الله يعينك على فراق عيالك ,بس قوي قلبك واتكلي على الله وانبسطي خصوصا وان السفره قريبه,ومايمديك تتراجعين عنها لان اكيد التذاكر اندفع حقها والفيزا وحجوزات بعض الفنادق,جربي السفر بدون ارتباط واستمتعي بالتجربه
|
ياختي انا مثلك سافرت العام وخليت عيالي اثنين صحيح ضاق صدري بس شسوي الحجز وصار والفيز طلعت ولما وصلنا المطار خلاص بنسافر اقعدت ابكي غصبا عني ماقدرت امسك دموعي قدام اخوي وزوجي وزوجي يقولي ها خلاص نرجع انا عارفه انه يمزحه قعد يقنع فيني اني راح استانس هناك ولما وصلنا كانوا دايم على بالي واقعد ابكي في الليل لما اتذكرهم وهم نايمين واقعد اقرى عليهم ولما يشوفني زوجي ابكي كان يقولي نكلمهم علشان نطمن عليهم ولما اسمع صوتهم ارتاح مره يابنت الحلال روحي واستودعيهم الله واشتريله اشياء يحبونها من هناك وانبسطي مع زوجك انا صحيح كانوا دايم على بالي بس الحمدالله انبسطنا هناك يعني انشاء الله راح تنبسطين هناك والمرة الثانية خوذيهم معك يصيرون كبروا شوي لانهم بهذا السن راح تتبهذلين معاهم وهم ماراح يرتاحون توكلي على الله وروحي00000 |
| الساعة الآن 07:28 PM. |
Powered by vBulletin® Version 3.8.12 by vBS
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©