|
على غرار رد الأخت ( روجي فوشي)
أنا تزوجت ووزني 45 والآن 55 وجهة نظري ...صح لازم تقتنع بالشي.... لكن شيء دون شيء حيث أن مثلا الجمال والطول واللون لا يتغير أما الوزن فممكن تغييره.... حقيقة أخي الكريم الواحد الحين بالكاد يجد من تقبله ويقبلها بعدين يردها عشان الوزن!!!!!!! الله يوفقك ويسعدك .. |
من جد انت متوهق بعمرك
|
السلام عليكم ....
يجب عليك ان تكون مقتنع من داخلك ..وان اقدمت فليس لأنها ( قد ) تسمن لاحقا ... لأن هناك نوع من النساء النحيلات اللاتي لا يسمن ابدا مهما فعلن ولا بالحمل والولادة .. تطلع من النفاس ما شاء الله ولاكأنها كانت حامل .. خلاصة القول ...لا تقنع نفسك على امل التغيير ...ولكن ااقنع نفسك على حساب مواصفات جيدة اخرى بها ...او اتركها احسن لها ..ولك . دمت في حفظ الرحمن ,, |
لاحظ الكلمة اللي تستخدمتها (ولدت ليك صدمة )
هذا معناه انك مش متقبل نهااااااائيا خليني اكون صريحة معاك مو كل البنات يسمنون بعد الزواج والحمل والولادة في طبيعة أجسام بهذا الشكل وإذا انت مو متقبل (نهائياً) فلا تاخذها وانت مو مقتنع تنصدم البنت وتزعل ألحين ولاتزعل بعدين خصوصا انك في حال تزوجتها ممكن تبقى تكلمها في موضوع نحافتها وتخلي البنت ماتثق في نفسها وتجرحها انا من وجهة نظري كل إنسان عنده صفة أساسية مش ممكن يستغنى عنها في واحد أعرفه كان يدور بنت شعرها طويل تخيل بس هذا شرطه الجمالي وفعلا لقى شرطه وتغاضى عن كثير من عيوبها الجمالية وفي المقابل أنا مثلا كبنت اهم شي يهمني في شكل الرجل (طوله) ولايهنمي جمال ملامحه ولا نحافته ولا لونه وإذا مالقيت هذه الصفة ماراح اكون مقتنعة (مجربة) أسأل نفسك هذا السؤال (ماهو الشرط الجمالي اللي لايمكن اتخلى عنه) --على اعتبار إن مافي إنسان كامل فإذا كانت الإجابة (الجسم المعتدل) فلا تقدم على الزواج من البنت وهي بتلقى نصيبها وبتلقى من ينعجب فيها وانت الله يوفقك استخير .. وفكر قبل اي خطوة انا اختلف مع اللي قالوا الموضوع عادي انتو ماتبونه يكسر بخاطر البنت بس اللي مافكرتو فيه انه راح يكسر خاطرها اكثر اذا خذها وهو غير مقتنع ماتدون إيش ممكن يتبب للبنت من جرح في حال اخذها وهو غير مقتنع فيها في مواصفات صعب الواحد يستغني عنها |
اختي العزيزهأمة تسلميين على النصيحه
لكن الأخ يقول جميله واكيد ما خطبها الا اخلاقها جيده هل معقول يرفض فقط لهذا الأساس وشي في احتمال كبير يتغير الكلام لااقصد فيه الأخ متوهق شخصيا لكن كثيرا ما نسمع ونقرا انه لم يجد الفتاه الخلوقه ولما يجدها ينصرف عنها لأسباب لا ادري كيف اصفها اخي انت خطبت كثييرا ، فقارن بين ذوات الأشكال والاجسام و بين صاحبات الأخلاق على العموم نصيحه اخيره الناس يتزوجون لأنفسهم مفروض لا تعطي بالا ما ذا يريد االمجتمع المجتمع يقول مالا يفعل ولن تتزوج اذا راح تتابع المواصفات اللي يتطلبها المتجمع بالزوجه انظر للدين |
النحافة مو مشكلة انا وزني قبل الخطبه 50 الان صرت 46 واكيد بعد الزواج بنصح وهذا لدى كل النساء
بالعكس احمد ربك انها نحيفة فهذا شيء رائع والنحافة لا تؤثر على نحافة اشياء اخرى اذا كنت تظن ذلك وبالنسبه لي يجب ان تنظر لشخصيتها لما جلست معها كيف تتصرف كيف تتكلم وهذه الاشياء اهم والعقل والدين هما المقياس |
نايت ححبيبتي هو مايفكر في المجتمع ولا جاب طاري المجتمع
هو يقول هي مو عاجبته (هو شخصيا) لو كان يفكر في نظرة الناس كان بيقول لنا راي امه وخواته بعدين احنا في مجتمعات محافظة من بيشوفها غيره هو مش مقتنع فيها لازم يعطي نفسه نسبة مئوية عن رضاه عن شكلها ككل (جمسها وشعرها ولونها ووزنها) إذا كانت النسبة أقل من 70 ماأنصحه بالاستمرار بيتعقد وبيعقد البنت معاه انا ادري ان الجمال مو كل شي بس القبول مهم هو شكله مو متقبلها والله انا راحمة البنت أعرف ناس خطبوا بنت نحيفة جدا بعد ماشافوها سألوا هل هي مريضة ولا هذي طبيعة جسمها لما قالو طبيعة جسمها كذا وافقوا بس هي ماوافقت لاسباب اخرى ماكان يهمهم الوزن جمالياً بس كان يهمهم صحتها .. القبول مهم ياجماعة مهم جدااااااااااااااااااااااااااااااا هو يقول (صدمة ) الكلمة كبيرة فكر اخوي لاتظلم بنت الناس أنا الحين حاطة نفسي مكان البنت واتخيل الموقف واحد خاطبني ومو مقتنع فيني ومنزل موضوع في النت والناس تقنعه فيني ..بالغصب .. مايصير ياجماعة .. |
شوف حبيبي .. انا الحين خاطب وحده نحييييفة جدا جدا وشكلها عادي .. بس اخلاقها فووووق النخل مثل ما يقولون وكأنها الزوجة المثالية .. وانا اول مرة ك نظرة شرعية انصدمت فيها ورحت ادور على بنت ثانية وتميت سنتين وانا ادور على وحده حلوة وكلهم انصدمت فيهم واكتشفت ان احسن وحده فيهم اول وحده شفتها والحمدلله رحت خطبتها رسمي من اهلها .. بس مثل ما قالولك الخوات .. بعد الحمل والولادة البنت طبيعي تسمن كثييييييير ... اعرف كثير كثير بنات سمنو بدرجة خيالية بعد الزواج حتى مش بعد الحمل .. هالبنت الي انت انصدمت فيها صدقني راح يطلع لها خدود والجسم راح يصير رشيييق جدا بدون رجيم ولا رياضة حتى من الله ...
لكن انت اتقول انصدمت .. الصدمة معناتها انك يوم شفتها حسيت بضيق في صدرك بشكل رهيب يعني انت مش متقبل شكلها بالمرة ! من ناحيتي .. انا اخذتلي سنتين وانا ادور وحده جميلة لاني الحمدلله وسيم جدا وابغي وحده مثلي.. لكن وصلت لقناعه ان الجمال ما منه فايده اذا كانت الروح مش طيبه ... مرات اتشوف بنت حتى لو خطبتها بتشوف نفسك تنشرح لها وتبغيها الحين قبل باجر .. بس لانها جميلة وهذي فطرة فينا احنا البشر .. لكن من اتكلمها واتشوف تصرفاتها اتحسس ماتبغي تقعد معاها ولا نص دقيقة .. وتختفي ملامح الجمال الي هي تملكها من عيونك اتذكر مرة كنت في محاضرة علمية .. وكانت في بنت صراحة من اروع مايكون حتى الشباب يوم شافوها جاهم صداع .. بس يوم بدت تتكلم وصارت اتشارك معانا في المجموعة .. ماصار احد يبغيها لان تصرفاتها غير لائقة بالمرة .. اذا تبغي رايي الشخصي .. لازم تسأل عنها كثير وتحاول اتشوفها اكثر من مرة.. راقبها واهي تطلع من الدوام او المدرسة او اي مكان .. ولو كانت متغطية اطلب اتشوفها مرة ثانية .. واذا ما اقتنعت فيها .. دور غيرها .. اهم شي تقتنع ياخوي اسف على الاطالة تحياتي |
كلام الاخ الفهدي سليم جدا
على فكرة لاتخافون على نصيب البنت اعرف واحد من محارمي طلب بنت نحيفة جداااا والله الحين متزوجها ويقول لها سوي رجيم يبيها تضعف زيادة ..احنا خايفين عليها تختفي .. كل بضاعة ولها مشتري (مو قصدي البت بضاعة) بس يعني عشان أقرب الصورة |
اقتباس:
يقولك المجتمع يتطلب هذا شي من هذا القبيل وكانه سيتزوج حتى يرضى المجتمع عليه !!! اعذرني اخي لكن لا تدع مقاييس المجتمع تؤثر عليك اشكر لكي مداخلتك |
| الساعة الآن 05:25 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©