كل ام بالدنيا تفرح بزواج ولدها اليوم قبل بكره
لكن امك اتوقع والله العالم اما :
1- اذا انت محدد لها البنت وهي تعرفها يمكن ماتبيها او ماتبي اهلها وتماطل بك لعل و عسى تتزوج غيرك لان ببساطه مااحد درا بالي بقلبك .

2- انها حاطه ببالها بنت ثانيه زوجه لك وتنتظر الوقت المناسب لذلك .

3- الامرين مع بعض فعندما تتزوج فتاتك انت بتتضايق نفسيا وهنا بتكون فتاتها هي البديل امامك بمباركه الوالده


اخوي انت حط هالاحتمالات ببالك وناقشها بهدوء وبشكل جدي وانت لابس ومتكشخ وقول لها ان الحين رايح بخطبها ولن اتزوج غيرها واذا عندك كلام او اعتراض قوليه الحين واسمع منها
واذا ماقالت شي روح اخوي اخطبها لوحدك اقلها تبين للبنت انك شاريها ومهتم بالامر وجدي

لكن لاتنسى الاستخاره قبل مناقشه امك وقبل الذهاب لاهل البنت


الله يوفقك وييسر امورك وتبشرنا بالاخبار الحلوه
وامك بترضى بالامر ويمكن بعد

رضا الوالدين ودعواتهم مهم

الاخوات الي يقولون رضا امك
مااحد قال له زعل امك
والاخ بلسانه يقول راضيه عن البنت بس امه جالسه تاجل وتماطل وهذا الي مستغربينه!!!!!!!!!!!
يمكن مستحيه او ماتعرف تتكلم مع ام البنت او بينهن شي وجالسه تدور لها مدخل
الله العالم

هي لازم تبين لولدها سبب تصرفها واذا ماتبي البنت تقول ماابيها بسبب كذا مو تماطل فيه كانه طفل صغير

الله يوفقه ويسهل اموره والجميع

اعطي نفسك فرصه وشوف البنت اللي تتمناها لك

أخي الكريم

ذكرتني بشخص قريب لي ، عمره أكبر من عمرك تقريبا 27 ، ودائما كان يردد أمي السبب ، امي السبب

حتى أكتشف الجميع أن أمه علمت من خلال معرفتها بشخصية وطباع وضروف أبنها ، بأنه مايزال صغيرا على تحمل مسؤلية ، وخشيت أن يواجه المشاكل ، وتتمنى أن ينضج عقله قبل أن تطاوعه وتختار له الفتاة المناسبة ،

بأن أن شخصية ذلك الأبن وأنا اعرفه متذبذب وكل دقيقة برأي ، ومجرد أن رأى فلان متزوج ومجرد أن يرى موجة الزواجات والإحتفالات قال زوجوني فقط لمجرد أن يفرح ليلة ، ولكنه في الواقع مازال يحتاج لأمور كثيرة تصقل شخصيته حتى يفكر في فتح بيت .

ربما هذه احد الاسباب التي تجعل الام وهي احرص الناس على تزويج ابنائها تتهاون في الموضوع

فحاول ان تكسب ثقة والدتك وترى منك جدية تجعلها تقدم على تزويجك وهي واثقة من نجاح حياتك الاسرية .


وفق الله الجميع

مهما لو صار لا تخطب بروحك لان اصلن وش بيقولون اهل العروس عنك ؟ بيقولون وين اهلك ؟ بتقولهم اهلي موافقين بس يماطلون .. بيقولون طيب ايش السبب مايصير نوافق اله بحضور الاهل ... دام انهم يعرفون امك ويعرفون اهلك مستحيل راح يوافقون بتصير بدل ماتكحلها تعميها .. طيب انت الحين شو وضعك المادي ؟ مستعد مش مستعد ؟ هي حاسة فيك انك مب كامل من الناحية المادية مثلا وخايفة اتقولك كلام وتنجرح فيه .. وله انت عصبي او هي شايفة انك مب قادر على الزواج في الوقت الراهن لاي سبب من الاسباب .. لازم يكون في شي حاول تكتشفه بالكلام اللين .. تكلم مع امك باللييين واسحب منها الكلام الي تبغيه .. بس نصييييييييحة لوجه الله مهما لو صار ياخوي لا تخطب واهلك مش معاك ..

تحياتي والله يسهل عليك

كلامك صحيح الف بالمية ... هذا قريبي عمره وصل 29 بس تصرفاته مثل التصرفات الي ذكرتها .. وامي دايمن تقولي انا ماني عارفة شو راح سوي لو جاني يوم من الايام وقالي بتزوج ...