|
اقتباس:
زوجي محافظ عالصلاة وفيه دين الحمدالله لكن في شهر العسل طلع منه موقف هز ثقتي فيه لو مر على بنت غيري اتوقع بتتطلق لكن الحمدالله واجهت الموقف بصبر وحكمة وكل ماجاب طاري السفر اتذكر موقفه ويقشعر بدني علما بأنه حلف لي اول مرة تصير معه وانه اخطأ وانا مصدقته والدليل على طول اعترف لي بغلطته انا ماعندي مشكلة يسافر يروح مكة جدة الشرقية يروووووووووح لكن هالاماكن اللي مصدر رزقهم الفساد! لاحول ولاقوة الا بالله الله يصبرني بس شكرا اخوي |
اقتباس:
يازين كلامك والله ارتحت مرررررررررررررة ياختي احس انك نفس تفكيري الا في بعض الامور اختي تالينا الله يوفقك لاتتركيني زين؟ خلك معي حبة حبة دامك فاهمتني ومالك الا دعوات بظهر الغيب شوفي زوجي كل يوم يطلع مع اصدقائه وانا حارمني مافيه روحة لصديقاتك وقلت يله كل شي يهون ابي رضاه اربعاء وخميس يقولي وقت راحتي تخيلي حتى انا يتركني ويروح معاهم الا احيانا يحس بالذنب ويجيني الخميس بدري ونتعشى وراضية لكن احيانا اقوله انا محرومة من وقت راحتي ماجلس فيها معك وينتفخ!! كله عشان اصدقاه اااااااااف اكرههم. المهم يعني معطيته الضوء الاخضر حتى يقولي والله انبسط منك مو كل شوي داقة علي من جالس معه؟ وش كلت ومن جا ومن راح وبأي مكان يعني مخليته على راحته بشكل ماتتخيلينه واذا جا من عندهم يلاقي البيت نظيف واستقبله ونجلس مع بعض وننبسط يعني الحمدالله مريحته للاخر وانا ماعندي مانع يسافر يروح يعتمر يالله من فضلك يصلي قدام الكعبة يروح لجدة للشرقية بس بلاد الخراب والله قلبي يتقطع تراني اعرف زوجي اعرفه بيتأثر منهم والله ياتالينا وانا عروس ثالث يوم من زواجي سوا شي ماينتسوى عجزت انساه والله ابكي الحين وانا اكتب كشفته من اول ماسواه بس ماصدقت قلت حركات مسلسلات ذي ماظن تطلع من ولد حمولة ومتربي يوم قعدت شوي واراقب الا والله صدق ياربي مصيبة انا في غربة والرجال مالي الا 3 ايام معه شسوي؟ ابي اهلي؟ ابي اتوفق بزواجي وخفت منه؟ وشكيت بكل اموره لكني صمدت وواجهت الموقف بصبر ومسكت يده قلت خلنا نرجع للفندق هو على باله انا غبية قال خلينا نتمشى وصرت ابكي يقول شفيك وانا خايفة اتكلم واغلط عليه وتصير مشكلة قدام الناس عاد بغربة واللغة رايحة فيها وقلت اللي تطلع منه هالحركة لاتثقين فيه ممكن يتركك الحين ويروح وماقلت ولاكلمة الين رجعنا الفندق وسكرنا الباب بصراحة ماقدرت واصيح تخيل ابوي درى عنك؟ اهلي معطينك بنتهم امانة خاف ربك والله ماحللك والله لاوقف يوم القيامة واحاسبك اذا هذا طبعك علمني من الحين شفت نظراته المنكسرة وحلفه انه غلط وحلف وصدقته ابي استر على نفسي مابي ارجع مطلقة ماتزوجت الا متأخرة كل هالاشياء كانت في بالي لأني لسى ماتعلقت فيه لازال رجل غريب لكن كل ايامي بشهر العسل بببببببببصصصصصصصصصصل كل مافزيت وتذكرت الموقف وقف شعر جلدي وشفت احساسه بالذنب ويحاول يعوضني بكل شي انا خايفة يتكرر هالشي اذا سافر خايفة؟ زوجي طيب وابن حلال ومحافظ على الصلاة لكن قوي شخصية جدااا عصبي وبصراحة خايفة اقوله هالسالفة وعدته اني انسى الموضوع ومرة شفت في مسلسلة شي شبيه بالموقف وبكيت وزعل مني بعد له وجه يزعل المفروض يتفشل والله هالرجال ماعندهم في احد يعني الزبدة ماني واثقة فيه عرفتي؟ ولما تذكر حرصه على دينه اقول ان شاءالله واثقة وعلى سالفة حطي شموع وليالي رومانسية اذا جا؟ ماااااااااافي امل راميني عند اهلي تقل قطوة والاخ راح ينبسط واحط ليله حمرا! ولاشي خلي هو اللي يسوي كأني اشجعه لو اسوي هالحركة؟ ابي احسسه بالذنب كلامك حلو ودي اصير مثلك بس ماقدر ماقدر عجزت ياختي شسوي؟ ودي اطنشه واقول بكيفه خل يروح بس ماقدر طيب انا بسكت وهو اكيد بيروح شرايك ابي اسمع رايك؟ |
يمكن حي بتانيب الضمير لانك مو راضية على سفرته الله يهدي سركم يااارب
|
اختي انصحك بان تدعي الله يسخره لكي ويجعلكي قره عينه
شغلي سورة البقره في بيتكم ثانيا شبانا الآن كل يبغون حريه ولهو الا الزوجات الخبيثات تقدر تسيطر على زوجها وانتي الحمد لله بنت طيبه لما يسافر ارسله له مسجات حميمه على قولتهم ههههه ما عرف حقيقه بس اكيد شوي صار لك خبره جربي حالك اتصلي فيه وتدلعي واهمسي اخيرا ياليت تملحين لنا عنالحركه اللي سواها زوجك شهر العسل لأن انا احس من هالحركه انتي خايفه من سفره الله يسخره لك اختي مدام زعل من المسلسل لاتفتحين السيره له هالنوع يعاند لو واجهتيه كل شوي بالماضي ادعي الله ان يسخره لكي ادعيه كثيرا |
اقتباس:
|
|
اقتباس:
يا شيخة روحي الله يسعدك ويوفقك دنيا وآخرة.. والله ثم والله ثم والله كلامك عين العقل الله يحفظك لزوجك ولأهلك ولعيالك وإن شاء الله دوم في سعادة.. |
أنا أشوف الوضع عادي يمكن أنت حساسه كثير..ويمكن هالنظام مايعجبك..كل انسان يحب أن تكون لديه مساحه من الخصوص والحريه في حياته..
أتمنى لك هدوء النفس وراحه البال وان يسعدك الله في الدارين.. |
الله يجزاكم خير ..افتدتوني من غير ما أكتب مشكلتي ..
شوبارد ..انا وياك في الهوى سوى ..لكن المشكلة ..أنا يبغى يروح أوروبا.. لكن ما عمري بكيت قدامه مع ان ضغطي يوصل مليوووووووووووووووووووووون.. بعد ما قريت كلام تالينا الله يسعدها اقتنعت .. فالله يحفظهم ويوفقهم وين ما يروحون ويجنبهم أولاد الحرام .. إذا ودعك ..قولي له أو ارسلي مسج .. استودعتك الله الذي لا تضيع ودائعه .. وقولي ..حبيبي ..احرص ان لا يراك الله حيث نهاك ولا يفتقدك حيث أمرك.. بالتوفيق حبيبتي لي ولك .. |
بصراحة اختي شوبارد كلام الاخت تالينا عين العقل . .
جهزي له اغراضه وخليه يسافر ولاتنسي اهم شيء اكتبي له رساله وحطيها بوسط الشنطة يصير لاسافر من يوم يفتح الشنطة يشوفها ... ولاتنسي تذكريه بالله وبصلاته وأستودعيه ربي ولاتنسيه من الدعاء دايم ... |
| الساعة الآن 05:12 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©