اختي احلام اتوقع انه طلب في غير محله لانك اذا اكثرتي عليه الطلبات صدقيني بيكون عنده شعور غريب تجاهك وهو الاسراف وكثرت الطلبات والرجال لايحبون الفتاة كثيرة الطلبات

سلام عليكم ...

لو كنت مكانك لن اطلب منه اي مبلغ .

لأني من المفترض أن اتدبر أموري ومصاريفي مهما كانت بما اعطاني من مهر ..

فمن المفترض في بداية تسلمك للمهر انك قد قمتي بتوزيع ميزانيتها بما يتناسب مع حجمها ..

وذلك باستبعاد الغير ضروري ... وتاجيل البعض الآخر .. مع الاكتفاء بالضروري ..

وترتيب الأولوليات.. الأهم اولا فالمهم .. وهكذا ...ستجدين أنه قد فاض من المبلغ بدال نقصانه ..


وعموما في مجتمعنا ... الرجل غير ملزوم بالصرف على زوجته حتى تصبح لديه في بيته ..



أما بالنسبة للمصروف ...فلا تستعجلي الطلب ...فقد يعطيك من تلقاء نفسه ... وان لم يفعل عندها يكون من حقك ان تطلبي منه دون ارهاق لميزانيته ..


دمتي في حفظ الرحمن,,,

التخطيط مهم قبل أي خطوة خاصة في أمور الزواج

لاتشترين عشوائياً ، اكتبي كل شي بنوته صغيرة معكِ وحددي ماتحتاجينه وحددي سعره قبل التسوق

المهم فالأهم وماترينه غير مهم تنازلي عنه ، ولا تتكلفين كثير بحفلة زواجك صدقيني ليلة وراح تروح

انبسطي فيها بحدود المعقول بحيث ماتقصرين على نفسك بأغراضك الأخرى

وبرأيي ولو كنت مكانك مستحيل اطلب من خطيبي أي مال بعد المهر !!

حتى ماراح اسأله بهذا الوقت عن المصروف هذي الأمور تأتي لاحقاً

مو مسألة ياخذ فكرة عنك إنك مسرفة بــ قد مايحس إنك تراعين ظروفه وخاصة إنه مُقبل على مصروفات كثيرة

وحياة قادمة عليه ادراتها مالياً ، كوني عوناً له وصدقيني راح يرضيكِ حتى لو ماطلبتي

بالتوفيق لكِ ..

انتي اختي عودتيه انج ما تاخذين منه فلوس و انه تحطين كل العبئ على ابوج و هل الشيء بالرغم من انه وايد بنات يسوونه غلط
لانه الرجال خذاج و اهوا زوجج معقود قرانكم ..يعني اهوا مسؤؤل عنج ... يقولون بالكويتي كلمه تستحي منها بدها !! يعني اختي دقي عليه و قلوليله اب منتهى الصراحه اب هل الامور اذا عودتيه و سكتي تروح عليج اختي .. قوليله انا احتاج اغراض من السوق و ما صارت كله اخذ من ابوي و بغيت هل المبلغ لو سمحت ... اذا قال ما قال قوليله مو كل ما اطلب منك شي تسوي سالفه لانك مسؤؤل عني و انا مو كل يوم اطلب ف لا تحسسني اني ثقيله عليك تره احنه اب بدايتنا .. اختي لازم يفهم هل الشيء و يقدره و ان شاء الله ما يكون بخيل بس لانه البخل عدو المرجله يا عمري .. طلبي منه ادي مو اهوا زوجج !!! لا تعودينه على هل الشيء عوديه انه مسؤؤل عنج .. و غير هذا الصور لزمي عليها اذا هذا الي تبينه و حلمج لانه العروس من حقها ذكرى ليلة العمر و ماله داعي يتدخل اب سوالف الحريم اذا ما يبي يصور اهوا حر بس انتي العروس
اختج بني

الأخت الفاضلة يرجى ترك رسالة باسمي في عالم الرسائل الخاصة
المشرف / شاطئ المحبة

اولا اشكر كل من رد على موضوعي ويسلمون والله
واحب اوضح نقطة مهمه أنا بصراحة مو انانية ابدا بالعكس والله العظيم اني اكره الانانية ورح اوضح لكم نقاط معينه:
أولا /إحنا عندنا المهر40ألف يدفعها المعرس ومايشتري لزوجته اي شي يعني الذهب والاشياء هذي أو يكون المهر20ألف ولازم على المعرس يشتري الذهب وعليه أغراضي يساعدني في اشرائها
لكــــــــــــــــــــــــــــــــــــــــــــــــ ـن أنا واخواتي :ابي من حبه لنا يقول مايبغى يكلف ازواجنا علشان مانتوهق في الديون وخصوصا إن الشباب إلحين اوضاعهم الماديه ((تمشي الحال))وكل هذا أولا وأخيرا علشاننا فأخذ ابوي من خطيبي 10آآلاف بس وخطيبي واهله تفاجأوا من موقف ابوي وقدروا هالشي وبيني وبينكم ابوي ماهو رامينا رميه بالعكس احنا مشهورين بجمالنا وأخلاقنا وتربيتنا وإحنا بنات متربين على الاصول المهم الحركة هذي زادتنا في عيون ازواجنا وانا بأكون صريحة معكم انا انقهرت شوي بس ايش اسوي ؟؟؟؟؟؟؟؟
المهم حفلة الملكة كانت في بيتنا لأن بيتنا كبير مرره وسوينا حفلة عاديه زي البنا الباقين ((وعاد تعرفون التجهيز والله مايحتاج أقول ..الطقاقات بس اخذت فرقة صغيرة...والتورته والحلويات والذبايح والفستان ..وإلخ كلفة ابوي 25ألف ليييييييية لأن كل شي مو زي اول صااار غاااااالي ))وانا مهري ماأخذت منه ولاااااااارياااااااااااااال وعن طيب خاطر لأن مهما كان من حقي على ابي اني اساعده وابوي ماهو من النوع إلي يأخذ نهائيا وبعدها اعطاني فلوس بين فترة وفترة لأنه حاس فيني المشكلة إني زي اي عروس ماأعرف وين اوطي رجلي في شراء الاغراض وكل شي غاااااااااااالي من عطورات او ملابس وكل شي مهما كان انا عروس
وهذا إلي صار معي وانا محتاااااااااااااجة بس ماني عارفه اقول أي شي لأن كل ما أنوي اقوله يقول انا الزواج ماني عارف كيف اجيب تكاليفه ومن هالكلام حتى فواتيره مايقدر يسددها ويسدد جوالي بدل جواله هو ماهو بخيل بس بالله كيف تبغوني اطلب منه وهو حاله كذا مع ان راتبه 8000لكن علشاني هو رتب الشقه من وإلى يقول مايبغى يدخلني شقق مفروشه وانا مقدرة له هالشي ((فهو حط كل الفلوس إلي كانت معه حقت الزواج في الشقه وماعاد باقي للحفلة شي ))
طيييييييييييييييييييييييب اناااااااااااااااااااااا ايش اسوي وكيف اتصرررررررررف؟؟؟؟؟؟محتاجة مره بس مستحيه اطلب منه لأني نقدرة ظروفه وما أبغى بعد الزواج تكون المادة مشكلة بيننا وخصوصا انا من النوع الخجول
اتمنى تكونوا فهمتوني !!!!!!!!!!!!!!!!!!!!!!
ايش رأيكم ...........؟؟؟؟؟؟؟؟؟

حبيبتي عادي اذا طلبتي منه هو زوجك الان ....وانت دامك بالبداية لازم تكوني قوية وما تعلمين نفسك على السكوت لانه بعدين راح يتعود عليك انك ساكتة ومستسلمة ...ابني شخصيتك من البداية وخليها واضحة امامه وهذه نصيحتي تشمل كل شي مع احترامي للي يقدر سكوت المرأة وتغاضيها عن كثير مواضيع لكن اكو اللي ما يحسون ويعتبروه ضعف ويستغلها وهو الممنون...... سووي اللي بنفسك الواحد كم مرة يعرس؟؟؟؟ هذه الليلة الي تحلمين فيها بعدين لما ما تسوين اللي بنفسك يظل بداخلك حزن كلما تشوفين عرس.... وهذه اشياء بسيطة انتي ما طالبه المستحيل انا مو قصدي احرضك على زوجك لكن حتى انتي تعرفين تتصرفين بعقلانية بحيث ترضيه ويرضيك والله يوفقك......

دام المهر ماكفى لازم حبيبتي تطلبي منه لان الحين كل شي غالي والعروس تحب تشتري الي تشوفه ويعجبها وتطلب المزيد والله انه ابوك ماقصر الله يحفظه لكم ان شاء الله واشوفه انك تطلبي من زوجك وعادي كلميه لما يكون مبسوط وقولي الي ناقصك والله يتمم فرحتك ان شاء الله واما عن المصروف بعد الزواج في اسبوع العسل قولي له ايش رايك حبيبي اذا ماكان عندك مانع تحط ليا مصروف علشان لما احتاج شي يكون عندي وباتوفيق

اختي انت ما وضحت من الاول..
ممكن تخلين امك تكلم امه ..او ابوك يكلم ابوه..ب لانهم اكيد مقدرين موقفة..

س انت لا تتدخلين خليك برا الموضوع..

أولاً كثّر الله من أمثال والدكِ.

عزيزتي .. الهدف الأساسي من تصرف والدكِ هو عدم الإثقال على زوجكِ مادياً .. وأرى أنكِ كان يجب أن تتعلمي هذا الدرس وأن تتصرفي كوالدكِ مع الرجل وهذا هو الأولى باعتبار أنكِ أنتِ زوجته ويفترض ان تكوني أنتِ الأكثر حرصاً عليه ومراعاةً لوضعه.


حفلة عادية؟؟؟

فرقة وتورتة وحلويات وذبايح وفستان .. وتقولين حفلة عادية؟؟

لا يا عزيزتي .. هذه ليست حفلة عادية .. هذه الحفلة عبارة عن (عرس مصغّر) .. وإلا ماذا تركتِ لحفلة زواجكِ؟!!!!!!



يا أختي .. أستغرب أنكِ تعرفين هذه التفاصيل المادية عن زوجكِ ورغم ذلك تبحثين عن طريقة لتطلبي منه مبلغاً يلبي احتيارجات العرس التي تريدينها!!!!!!

تقدير الظروف يا عزيزتي لا يكون بالكلام .. ولكنه يكون بالفعل .. وأنتِ يفترض أن تثبتي فعلاً لا قولاً أنكِ مقدرة بالفعل لظروف زوجكِ .. وبصراحة لا أجد من اللائق أن تطلبي منه مبالغ إضافية للعرس وأنتِ تدركين أنه لا يستطيع أحياناً ان يدفع فواتير هاتفه!!!!!!



ثم ايهما الأهم بالفعل؟ .. العرس أم الشقة؟!!!!!

نعم كلاهما مهم .. وكل عروس ترغب في أن تفعل كل ما تتمناه في عرسها .. ولكن ليس كل الرجال لهم نفس المستوى .. فهناك من يقدر وهناك من لا يقدر .. وعندما تضطرنا الظروف للاختيار فيفترض أن تختار الأهم ونتغاضى عما دون ذلك؟!!!!!

كوني عاقلة وحكيمة يا عزيزتي في تقييم الأمور .. وتغاضي عن الأمور غير الهامة وغير الضرورية والتي لن تؤثر في مجريات الأمور كما تعتقدين.

مثلاً .. البروجكتور ليس ضرورياً أبداً.

التصوير .. اختاري مصورةً معقولةً تستطيعين تحمل تكلفتها بنفسكِ .. يعني ليس ضرورياً أن يكلف الألبوم خمسة أو ستة ألاف .. وإن لم تستطيعي (فـ مش مهم) مصورة محترفة .. واكتفي بالصورة العائلية التي تلتقطها بنات العائلة أثناء الحفل .. أو يمكنكِ أن تطلبي من إحداهن أن تتفرغ بعض الوقت لالتقاط صور خاصة لكِ ولزوجكِ مقاربة لتلك التي تصورها المصورة المحترفة.

وطبعاً أنصح بأن تؤجري فستان العرس بدلاً من شرائه .. وأنتِ وزوجكِ أولى بفرق السعر ;)

سوسو
يسلمو انا عادي عندي بودي اطلبه بس كيف افتح له الموضوع؟؟؟؟؟؟
خطيبي
يعطيكي العافيه عمري لكن بصراحة مستحيل اسوي كذا لأنه صار إلحين زوجي ومسؤل عني وماأبغى أقلل من شأنه في نظر أهلي لأن قدري ومكاني من مكانه زوجي أكيد وفي مثل هالامور لازم اكابر قدام اهلي وانا عارفة والله انه مايقصر بس انا ودي اعرف كيف افتح معه هالموضوع لأني ما أعرف للف والدوران هههههههه ونفسي اتعلم هالشي وخصوصا انه بعد الزواج ابغى يعطيني مصروف لأن هذا اولا واخيرا يكون لصالحه هو وأنا
بس كيييييييييييييييييف؟؟؟؟؟؟؟؟ابدأ الحوار أو طريقته