|
اختي نوران صادقه مشكله هالمدرسه يعني احد امرين اما انها تتفرغ لي وتهمل دراستها او انها تهملني وتتفرغ لدراستها والامر الثالث الي هو التوفيق بين الزوج والدراسه ممتاز بس اغلب البنات يالزوج يالدراسه وهنا المشكله مع العلم اني انا بالعكس حتى لو ماتتفرغ لي انا راح اتفرغ لها بتكميل التعليم الى ان تخلص الجامعه
تحياتي |
لم ترفضك لشخصك انما كان لديها سبب وهو اتمام دراستها
موفق |
اختي منى انا ادري لم ترفضني لشخصي وحتى ان مسأله الدراسه ماردوا علي الى الان يعني مساله وقف ولاصار رد منهم ابوها قال مشكله الدراسه انا قلت ماعندي مانع انا اعينها على الدراسه قال ارد لك بس انا خايف يرفض بعد هالتعب كله
تحياتي لك |
ممكن يستحوا يكلموك و ينتظروك تتصل لتسئل
اسئلهم بالغد أو بعد يومين و إن شاء الله لو فيها خير لك يكون فيه نصيب |
هههههه نوران اضحكتيني اضحك الله سنك (:
ماعتقد مثلا المساله مسأله حيا المسأله مصيريه يانعم يا لا وابو البنت مثل ماقلت لك انسان كبير بالسن لكنه فاهم وراعي دين ملتزم لكن انتي تعرفين الكبار يعني مستحيل ياخذ قراره بهالسرعه تحياتي |
وعليكم السلام ورحمة الله وبركاته
اهنن وسهنن ما شاء الله عليك ثاني خطبة صابك اليأس اجل وش اقول انا يالي خاطب خمس حريم وكلها تمت بالرفض من قبلهم ماعدا وحده من قبلي ومازلت ابحث فلا اعلم اين نصيبي والتوفيق من الله ويوجد لدي اثنين من الزملاء واحد من جماعتي والثاني زميل مقرب لي يعلم الله انهم لم يتزوجو الا بعد الخطبه السابعه ,والثامنه كانت هي النصيب فلا تعلم اين يذهب بك نصيبك ولا هو بشرط انك ماتاخذ الا بنت فلان بالتحديد يمكن مالك نصيب عندهم ايضا فابنات منصور مالي الصور كما يقال اخي العزيز لاتجعل هذا الامر هو العاق لك في اكمال نص دينك ولا تنسى ان المزوج هو الله سبحانه وانما ولاة الامور هم اسباب بعد الله سبحانه فانت ابحث والتوفيق من الله |
اخوي اذا ربي كاتب انها بتصير زوجتك فهم بيوافقون
واذا ربي كاتب لك وحده غيرها فبيرفضون اهم شي انت استخير والله يكتب لك الي فيه الخير ويزوجك بالزوجه الي تسعدك وتهنيك وتسعدها وتهنيها دنيا وآخره اللهم عاجلا غير آجل |
أخوي الكريم
ذكرت في أحد ردودك المدرسة، هل البنت تكمل التعليم العام ؟، أم تكمل تعليم جامعي. . .؟ أعرف واحد جلس 3 سنوات، وهو يتقدم ويرفض ،سبحان الله لم يكن نصيبه في القريبين منه وكان نصيبه عند عائلة كريمة لا يعرفها ولا تعرفه، وتعيش في مدينة بعيدة ،لكن الأن مرتاح وسعيد ومستقر من جميع الجوانب . . فأنت احسن الظن بربك وترقب فضل الله وكرمه لك وأسأل من بيده - سبحانه وتعالى - كل شيء ... وإن شاء الله قريب تبشرنا بخبر زواجك ،وتستقر وتقر..:d أخوك عزوبي:21: بس:d رجل:30: دمتم بحفظ الرحمن |
زعلان ليــــــــة , ده حتى أنت ما شوفتها كل شىء سابق لأوانه ولكل حادث حديث
لما تشوفها الاول الشوفة الشرعية ياترى هيبقى في قبول نفسي ام لا مرتاح معها ام لا متفاهم معها ام لا بعدان فكر واستخار وشوف هتقدر تتحمل اهمال زوجتك ليك واهتمامها بالدارسة الزواج عشرة عمر مش مجرد عايز تتزوج وخلاص كان الافضل تتقدم لاسر بناتها مخلصيين جامعة او حتى تعمل بوظيفة فضلا .. يرجى الابتعاد عن اللهجات المحلية قدر الإمكان المشرف / شاطئ المحبة |
أبد وأنا أخوك مالها سنع ضيقة الصدر ! والأمر اللي صار معك يصير مع 95% من الشباب انهم يتقدمون ويتم وضع حجة الدراسة او رفضهم بدون سبب ! طبيعي الامر هذا ولا يعني ابدا ان حظّك سيء أو انك ما ااحد يبيك أو من هالكلام اللي مصدره ابليس ! عادي، الأمر خيره لك ان شاء الله، يمكن اللي رفضوك المره الاولى بنتهم لو ماخذها كان كل يوم طقاق وهوشه ! يعني احمد ربك على ماقدّر لك، واستخر ثم استخر ثم استخر، وانتظر الامر يسر ان شاء الله وادع لي معك فضلا .. يرجى الابتعاد عن اللهجات المحلية قدر الإمكان المشرف / شاطئ المحبة |
| الساعة الآن 06:05 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©