منتدى عالم الأسرة والمجتمع - كيف انسى اللي صار شسوي حتى ارتاح !!!!!!

منتدى عالم الأسرة والمجتمع (http://www.66n.com/forums/index.php)

- المتزوجين (http://www.66n.com/forums/forumdisplay.php?f=6)

- - كيف انسى اللي صار شسوي حتى ارتاح !!!!!! (http://www.66n.com/forums/showthread.php?t=161147)

جزاكم الله كل خير واسعدكم :)

حبيبتي انسي الراحه ابدا
الزوجه اذا طاحت على زوجها تسامحه بس يظل بقلبها الشك وما تثق فيه نفسي انا من طحت على زوجي ليما هاللحظه وانا افكر واحاتي
يعني اقولج ماكو نوم بعد اليوم والله يعينج
ولانه يدري انه غلطان وانتي كاشفته فيحس انه مكسور ومايبي يقولج كلام حلو عشان ما تحسين انه قاعد يغطي عملته
ومايقدر اصلا يحط عينه بعينج
بعدين خافي من الي ما عنده ربع ولا دواوين ولا طلعات لان يكون عنده وقت فراغ كبير فيلهى بالبنات
وبعدين هذي المتزوجه هدديها بدون لازوجج يدري خصوصا انها متزوجه
انا مره طحت على زوجي مع وحده متزوجه بس العلاقه كانت بس مسجات والله اني رحت لي بيتها ودقيت عليها التليفون وقلت لها المره الثانيه بدق على زوجج ماتت من الخرعه وزوجي بعد خاف لانها علمته وقالتله اخاف من زوجتك تفظحني
سوي جذي وخل يحس انج ماتخافين

اسمعي أختي

انتبهي تحوسين حياتك

زوجك مثل ماتقولين ثقة وحتى لو أخطا انسي الموضوعي وانتبهي تصير هالمشكلة منعطف في حياتك

شوفي الآن يقول لك نكدية!!

هذي إشارة خطيرة حطيها براسك

بالنسبة للغزل ترى فيه رجال جافة جداً وهذا طبع بس الحمد لله إذا هو مرضيك بأفعاله

الله يستر عليكم ويجمع بين قلوبكم

اقتباس:

المشاركة الأصلية كتبت بواسطة أميرات (المشاركة 1809415)

اختي اعرف ان موقفك صعب .. ما الومك ..

لكن لازم تحاولي تعدي هذه الازمه او راح تنقلب على راسك ..

اولا زوجك اعترف واعتذر .. ويحاول انه ينسيك الموقف ..

ثانيا .. هو قال لك انك نكديه ... هذا انذار لك اختي .. كأنه يقول لك تراك بديتي

تطفشيني .. وراح يكون معي حق اني ادور على راحتي خارج البيت .. اختي

انتبهي على نفسك ..

ثالثا .. ليه تبين تعرفين التفاصيل ؟؟ اذا انت الحين ميته مره .. فتأكدي انك بعد

ما تعرفي التفاصيل راح تموتي الف مره ..لا تهتمي بالتفاصيل ابد .. لانه قد تكون مؤلمه..

اختي صعب انك تنسين لكن سامحي مع الوقت راح تنسين ..

حاولي انك تشغلي وقتك بأي هوايه تلهيك وابعدي الشيطان من وسطكم او راح

تتأسفين بعد ما يطير زوجك من بين يديك .. حاولي انك تحسسيه بالثقه مره

ثانيه ..

وربي يمسح على قلبك ..

كلام 100%

لكل جواد كبوة

ما لك الا تغفري وتسامحي حتى تسير الحياة

وربي يمسح على قلبك