الله يسعدك ياقلبي أميرات

أنا لما شفت اسمك في آخر تعقيب على الموضوع قلت لاااازم أدخل واستنير بكلام أختي أميرات لانه كلامك دايماً ماشاء الله تبارك الله في الصميم

الله يبارك لك في زوجك وأولادك ويسعدك في حياتك يارب

وأخي العراب العاشق ننتظر ردك :)

موفق يارب

المشكله هي بس الذنوب راجع نفسك و تب الى الله و استر على نفسك ايش الي خلاك تقولها

و بعدين بعد التوبه والدعاء رائي انك تحاول ان تبحث عن ثانية بس كذا يعني شوفيني ادور على و حده ثانية و خل الخبر يوصلها بشكل طبيعي دون تدخلك انت يعني ابحث بشكل علني و وص الناس تبحث لك و الخبر راح يوصلها


لا احد يفهمني غلط انا قصدي تثير غيرتها و تحسسها انها راح تفقد زوجها وبيتها وان هناك من سيشاركها زوجها يعني دور بس كذا مو صدق و تتوهق .

و العين يا خوي تراها حق لانك قلت الناس كلهم يعرفون قصة حبكم و هذي مشكلة لان فيه ناس عايشة بجحيم مع بعضهم و يتمنون حياتكم هذي ارق نفسك و ارق زوجتك و اولادك و الله يشفيكم و يحفظكم و يصل احوالكم

شكرا لكل الي علقوا وخاصة الأخت الكريمة تاليااا
بس المشكلة الحالية انها صارت باردة وما يهمها اي شي يخصني خاصة واننا منفصلين يعني كل واحد فينا في بيت ان جيتي للحق نفسي اريح نفسي وانساها بس المشكلة في القلب الي مو راضي انها تغيب عن باله دقيقة .. المشكلة اني مو قادر ارتب حل للمشكلة عشان اساسا موقادر افهم مرتي بسبب مزاجيتها يعني ممكن تكون طيبة نهارا و عصبية ولا تطاق ليلا
تحياتي

يا اخي العراب العاشق .. انت الرجل .. وانت اللي بيدك الخيط و المخيط .. انت اللي بادر بالصلح ..

اتصل عليها وقل لها يا ام فلان انا اليوم جاي عندك ابغى نتفاهم على كل شي ..

اجلس معها و اسمعها وخلها تسمعك .. كل واحد يقول وش له ووش عليه .. حاولوا تتفقون ..

حط في بالك اخي ان كلمتك لازم تصير مسموعه لديها .. ولازم تحترمك ..ولازم تحترم قدسية الحياه الزوجيه ..

يعني ايش تكون طيبه نهارا و عصبيه لا تطاق ليلا ؟

يا اخي اذا شفت انها عصبيه زياده عن اللزوم في مراكز خاصه تدرب على السيطره على العصبيه والغضب .. خذها الي

احد هذه المراكز وان شاء الله انها تستفيد .. ولازم تكون هي مستعده انها تتغير وتتخلص من هذه المزاجيه والعصبيه

هذا اذا كانت باقيه على حبك وخايفه على بيتها من الهدم ..

عارف ليش صارت باردة وما همها اي شي يخصك ؟

لانها ضامنتك خلاص متأكدة انه العراب العاشق في جيبها يحبها ويموت فيها ومستحيل يستغنى عنها ومهما بعد مصيره بيرجع

فالحل يا اخي الكريم المصارحة اول شي زي ماقالت أختي الحبيبة أميرات وشوف ايش تقولك ورد علينا

ثاني حاجة انت لازم تتغير ، معاملتك معاها لازم تتغير ، لازم تحكمها ، ولازم تحسسها بالخطر وامكانية فقدانك لو هي استمرت على نفس النهج في تعاملها معاك

ابدأ معاها بالعاطفة قولها انا محتاجك محتاج حبيبتي محتاج فتاة أحلامي اللي رسمت صورتها في بالي من وانا صغير ولما كبرت اتجسدت هده الصورة فيكِ ، محتاج زوجة بمعنى كلمة زوجة تكون مصدر راحتي مصدر سعادتي تكون السكن والاستقرار اللي انا احتاجه

قولها ابغى زوجتي تكون .......... وتكون .......... وتكون اسرد لها كل اللي تتمناه في زوجتك شريكة حياتك

ولاتذمها او تذكرها بمشاكل سابقة راحت في حال سبيلها خلاص افتحوا صفحة جديدة وقولها كل اللي تتمناه وعاتبها عتاب خفيف

يا اخي الكريم زوجتك ماهي عارفة ولا هي حاسة باللي هي قاعدة تسويه زوجتك شافتك ساكت عن تصرفاتها وسكوتك هذا معناه رضاك عن تصرفاتها

زوجتك شايفة انه انت الغلطان انت الخاين انت اللي ماتقدر مشاعرها

لازم تغير الفكرة هذه من بالها وتفتح لها قلبك وتصارحها بكل حاجة وتفهمها حاجتك الحقيقية كرجل لزوجة صالحة تسعدك مو تتعبك

والله يوفقكم يارب ويسعدكم

الله يعينك

انا مع الاخت تالينا في ان المراة تحب الرجل القوي

بس عندك مشكله اساسيه لازم تحلها مساله تفشي اسرار البيت هذا اكبر غلط انت قارن حالتك قبل وبعد اقصد الماديه

كنت بخير وشفت وين صرت انا عارفه ان هذا مكتوب لك

بس مهما كان العين مذكورة بالقرآن

هذي كلها اسرار مفروض ماتطلع لا لصديق ولا لقريب وهذا غلط زوجتك وغلطتك انك ماتنبها

وتلاقيها لما تغير حالكم تغيرت مصاريفها وقلت وهذا مأثر عليها وغير كذا

الكل يعرف بسالفه حبكم اقصد الاهل وهالشي يفتح العيون عليكم

ناس بخير ويموتون في بعض واللي يصير عندهم تعرفه الناس اش تتوقع بيقولوا الله يوفقهم اساسا بتشتغل النفوس المريضه

بالحسد ومناظر الناس

انا تكلمت لك عن جانب من جوانب المشكله

ومشكلتك متشعبه يبيلك تحلها جانب جانب

والله يوفقك

شكرا:)

اولا: احب اشكر اخواتي في الله الي بيحاولوا يساعدوني
ثانيا: ترا كل الطرق الي بتقولو عليهاا سويتها لسة امس راسلها انتي ليش بتسوي كدة ماردت وقبل شوية راسلتلي على الماسانجر انها ماعاد تحبني يمكن تفكروني بأبالغ بس اقسم بالله بأنقلكم الصورة الحقيقية.. انا اساسا خلاص بدأت امل من تصرفاتها صحيح اني كل قطعة في تعشقها وتموت فيها بس خلاص تصرفاتها وقسوتها بدأت تخليني اراجع نفسي مليون مرة قبل مااسوي معها اي شي .. بس يمكن فاقد الأمل فيها بس موفاقد الأمل بالله هو القادر على تغير كل شي بين لحظة وضحاها