منتدى عالم الأسرة والمجتمع - ما رأيكم بهذا الرجل؟؟؟؟؟؟؟

كانت هناك مشاكل من ايام الخطوبة بين اهل الزوجة والولد طبعا امو شراني تتدخل بكل شي حتى تبغ هي الي تتفق مع الرجال والده الله يرحمة كان رجل طيب ودائما يوصي على البنت البنت ياولدي امانة عندك المهم كانت البنت تعاني مع اهلها وخطيبها المكالمات كان الاهل يحددوها للبنت بس البنت كانت دبر نفسها حتى تهدى الامور وتكلم الولد المهم كانت تعاني ممن الطرفين وكانت تدرس وحملت مواد ومن كثر ما سمعت من اهلها تاجيل صار هم البنت تبغى تخفف التوتر ما قالت لاهلها انو عنده اخر سنة مادة وتم الزواج وكل شي مشي تمام وبعد وفاة ابو زوجها تغيرت الحياة وقدرت ذللك وصبرت على الي جاهامن كلام .....وبعد مرور سنة قامت الزوجة بالكشف عند الطبيبة عشان الانجاب وكانت النتيجة هرمون الحليب مرتفع وسكتت وكانت مصرة على العلاج وطبعا وحدة من خالات الولد سمعت بالخبر وانشر ماخلت احد الى قالتلوا وتكون الزوجة جالسة بمجلس تروح تسالها ايش الدوا الي تاخدي والزوجة ماتحب احد يكلمها بالموضوع لانو يعتبر حساس المهم البت قاطعة الخالة لانها حتى لما تجي تزورها ايش ماصار حتى لوتافه انشر ومرت السنة وغيرت الزوجة كذا دكتورة وقالوا لازم الزوج يسوي تحليل لان الزوجة كان الارتفاع بسيط ونزل على طول المهم عرف الزوج بهذا الطلب ويالطيف والزوجة تقوله ماحد يدري شي خاص فينا ولكن ......ز جات الام بزيارة وقالها الولد وقامت الام بانفعال معندنا رجال يسو تحليل سكتت البنت وبعد ما خرجت قالتلوا شي خاص بين اثنين وقلنا ماحد يدري ولكن اهل البنت ما يدروا بالموضوع وراحت 3 سنين وهم بنفس الموضوع وصارت مشاكل كثيرة والبنت تتعب وينادي الام تفزع وتقلها البنت مايبغى يخليني ام تقول كيف شوف الكلام ....المهم مرتين سافروا وكانت الام معاهم الواحد يسافر لتغيير جو ولكن يروحوا رحلة من الصباح الواحد يرجع في الليل تعبان يحب يرتاح يقلها هيا غيري ننزل تحت نخططلبكرة اصلا هي تقلهم سوا الي تبغوا واحنا معاكم المهم ننبسط تقولوا ابغى ارتاح اخد شور وعشان اكون نشيطة بكرة يزعل ...........ويقول لها انتي نكدية ...يرجعوا البلد تكون الامور تمام جالسين في بتهم مبسوطين هيا نروح بيت الوالدة ويجلس اسبوع فشهر ..........واذا المسكينة قالت نرجع بيتنا قالها في احد مضايقك لا مافي احد بس وحشني بيتي ويطنش .....احد يجي من طرف البنت ليش انا مافي استقبل احد ....... وهي لما يجي احد ترحب يقلها غصب عنك ....... المهم على كل شي يسوي لها مشكلة ودارت الايام وسوى الزوج التحاليل والحمدالله انجبت الزوجة وماحد بارك من اهل الزوج ولا احد جا زارها وتجي الام تعاتب الزوجة وتقلها اصول وواجب لازم دقي على فلان وتزوري فلان عشان بنات الناس اصلا مايعرفوا الاصول والواجب .......... تتكلم مع زوجها نفسها تغير وتجيب اشياء للبيت يروح يشتكي للام .......تمزح مع زوجها تقولوا تبغى تجيب الثاني يشتكي للام الام تمسك البنت وتقلها لازم تاخدي مانع هي ماتدري انو هادي خاصة بين اثنين حياتهم مالها شغل والزوجة تتكلم مع زوجها انا ماعندي احد يدخل بحياتنا المفروض حتى انت هادا مو احد هادي امي ..........بس هادي ماحد يحددها غير انا وانت ولكن ولا حيات لمن تنادي مسكينة البنت تبغى تجمل عشان ملكة اختها قلها انتي انزلي انا مابغى اشوف احد والمشكلة كانت الامور تمامقبل ما تجي الام وتقول لولدها حماتك تتكلم فيك انك تتضرب بنتها وما تبغى الخلفة والبنت عارفة امها ماتتكلم لانو اصلا ما تحكي امها وقال الحرمو حلفت الم انها ما تقول اسمها قال عشان كانت في الحج شافتها طيبة قالت لازم اقلك والام قوية تبغى كل شي على هواها وتقول انا مالي شغل فيكم وترجع وتدخل وتسحب من ولدها الكلام وهو يديها حتى يوم شكت الزوجة انو بقول للام هي ايش لابس اليلة ..........المهم حبت الزوجة تعرف مين الادمية والام فتحت فمها وهي محروقة عشان ابو البنت على اخر مشكلة كلم العم ما كلمها تبغى تسوي نفسها عن 100 رجال المهم انفتحت الام ايش يقفلها والبنت ردة عليها وكان طفلها الصغير بحضنها يبكي جا الزوج يدف الزوجة يبغى الطفل وهي تقولوا خليها معاي ولكن جاها كف قدام اخوانوا ودافعوا عنها والام تتكلم وردت عليها الزوجة كسر يد الي ضربت وخرجت من الغرفة وفي صباح اليوم التاني تعبت الزوجة وطاحت دق على اهلوا جو نقلوها المستشفى والمهم الدكتور يقول البنت في شي مرة مزعلها لان صار عندها تنميل بالاطراف حرارة وجفاف بالجسم البنت مرة عصبية وتشنج بالفك...... المهم هي ردت وقالت للدكتور سوء تفاهم بين الام وبنتها فما رايكم هادي هي الحكاية واسف طولنا عليكم