|
عذووووب .. مرحبا فيك اختي وابدن مازدتي همي .. بالعكس انا يكن محتاجه احد يسمعني او افكر بصوووت وطبعا ماستغنى عن نصايحكم وكلماتكم اللي تشجعني :)
الله يووفقك ويسعدك يارب :) كريستين .. صح الرجال تلقينهم كويسين من ناحيه ومقرصرين من نواحي ثانيه .. بس اذا لا سفره توسع الصدر معاه .. ولا يد تعطي بجزل .. ولا نفس حلوه وكلام حلوو ... الشي اللي يخليني متحملته اني اثق فيه ان شااء الله وشي ثاني انه ابدن مو حكرر اطلع واروح واجي مايقولي شي .. بلعكس وصلت مرحله ودي يسالني وين بتروحين علشان بس يتكلم معاي .. ويصير حوار خخخخخخخ بس شكله يفرح علشان انشغل وماقوله سولف معي !!! الله يوفقك ويسعدك يارب :) |
الله يكون في عونك وعون كل الي تعاني مثلك
وأنا مشكلتي مع زوجي نفس قصتك كأنك جالسه تحكين عن زوجي والله صدقت الاخت عذوب في كلامها وبعدين الى متى نصبر والى متى كل شي ينحط في راس المره والا عشان مسكينه ومافي يدها شي وش اخر الصبر القهر والمرض والموت أنا بنت خالي ماتت لأنها صبرت على قهر زوجها لها وانا الصراحه صبرت 8سنوات وعندي ولدين وبعدين خلاص ماقدرت اتحمل هجيت رحت لأهلي وبعد شهر جا وحط كل شي براسي انا بس ابوي الله يخليه لي كان عارف انه يكذب وبعدين لي الحين شهرين واكثر بس ارسلت له ايميل من يومين وقلت له كل الي يدور في نفسي ومضايقني وحطيت له شروط انه يحترمني ويحاول يخفف من عصبيته الي مالها داعي والا كل واحد في طريق تدرون كأنه اخذني من بيت أهلي عشان يعذبني وبس. واخيرا اسفه ماقدرت اعطيك حل لاني أعاني وماعرفت وش اسوي اما اني اطنش فما أقدر انا انسانه من لحم ودم وشكرا |
الوتس .. ياحبيبتي انتي الله يفرج عني وعنك وعن كل مسلم .. واله يسخرهم لنا يااااااارب
طيب سؤال .. يوم قلتي بترجعين لاهلك وش كانت ردة فعله لاني افكر بهالخطوه ؟ بس جدااا متردده خاصه اني مابي اتطلق خاصه كل ماشفت بنتي .. اترااجع وبقووووه :( الله يوفقك ويسعدك يارب :) |
تحياتي اخيتي ..
وجهة نظري بسيطة في طرحها صعبة في تنفيذها .. اسمعيني زييين وركزي ... اذا صارت الساعه 1 بالليل او 2 قومي وتوضي وصلي الوتر وادعي ربك خلي دعائك من قلب اطلبي ربك بإنه يحنن قلب زوجك عليك واستمري على هذا المنوال .. والله والله يا اختي انا اقول لك الكلام وانا مجربه جربت ان زوجي مايبيني وجربت كيف اني ادعي واطلب ربي وكاان الفرق لكن بعد فتره من الزمن والمداومة على الطلب .. الله يعينك ويحنن قلب زوجك .. هذا مالدي من وجهة نظر فإن أصبت فمن الله وإن أخطأت فمن نفسي .. تحياتي .. |
والله يالغاليه قلت لواحد من اخواني لان ماتتصورين كيف تدهورت صحتي وصرت نحيييييفه بشكل يخوف وطلبت من اخويه يشوفلي حل المهم سافرت لقضاء الاجازه والتقيت بأهلي ورحت عندهم ولما اخوي بيكلمه عصب وقل ادبه على اخوي وطلع زعلان مره طبعا رحت لشقتنا واخذت ملابسي انا وعيالي ورحت عندهم وبعدين خلاني دون اتصال تقريبا شهر بعدين انحرج من ابوي وجا وكلمه وبس.
شوفي والله مدري وش بيصير في موضوعي وتوه اليوم رد على الايميل وقال انه مسافر للعمل برى السعوديه واذا رجع راح يتصل والله يكتب الي فيه الخير وطالبه منكم الدعاء. |
قمر الزمان حبيبتى اقولك كلامي من سبيل اننا نترك بعض الاشياء الحلوه ونتازل عنها في هالدنيا الفانيه في سبيل اننا امامنا الجنه ان شاء الله ونترك شي لبعدين مولازم كل شي حلو في هالدنياء نخذه للمعلوميه انا ماطبقت هالفكره بس من باب تخفيف الالم عليكي طبيعتنا نبغي كل شي كامل وهذه الحياه دار ابتلاء واختبار الله يفرج همي وهمك وهم اختنا لوتس والمسلمين اجمعين امين
|
أخواتي الغاليـات ..
ألم تلاحظ إحداكن تكرار هذه الشكوى ؟ ما رأيكن بأن نُعمل العقل قليـلاً .. ونتفكـر .. ترى مالسبب ؟ عزيزاتـي .. عندما تذهب إحداكن إلى سهرة مع مجموعة من الصديقـات .. فأي من شخصياتنا يكون لها نصيب الأسد في تلكم الجلسـة ؟ هل ستظلين ( صامتة ) أم متحدثة لبقـة .. تنثر شذى مرحها بين الحاضرات ؟ حسنٌ .. فإن عادت الواحدة منا لمنزلها .. وأرادت أن تختلي بنفسها فهل يعقل أن تظل برداء المرح .. أم أنها سترتدي رداء آخر يناسب تواجدها في منزلها ؟ رداء السكينة .. الهدوء .. التأمل .. الاطمئنان فما رأيك أختاه إن أخبـرتك أن تلكم الشخصية الهادئة .. الحالمة .. لا تظهر إلا حين خلوتنا بأنفسنا .. فمن غير المعقول أن نظل في حالة ( المجاملة ) بمنازلنا وخارجها !!! ومارأيك إن أخبرتك أن تلكم الحالة الانفراديـة .. والتي ترفض النفس البشرية بطبيعتها أن تشارك فيها شخوص البشر .. تلكم الحالة .. يظهرها الرجل في منزله .. ويااااااااالحسن حظك أيتها الزوجة .. فها هو زوجك يشاركك بها ! حبيبتي .. هل تجازي زوجك الحبيب والذي كشف النقاب عن خفايا نفسه .. وبواطن سريرته .. بموال من النكد .. تترنمين به ليل نهار ؟ أم تجازينه بفراق يهدم معاول المحبة بينكما ؟ عزيزتي .. عوض ذاك .. قدمي لزوجك مايستحقـه نظيـر ذلك .. إن كان زوجك على طبيعته معك .. لا يصطنع مرحاً .. ولا يضطر لحديث .. ولايستنزف جهداً للحفاظ على رونق شخصية قد تروق لك ولغيرك .. ولكنها لا روق لنفسه .. ولا يرتاح بها .. هذا هو زوجك .. وهذه هي طبيعتـه .. فمادورك .. وماهي ردة فعلك حيال ذلك ؟ عزيزتي .. زوجك أهداك هدية عظيمة .. قد شاركك خصوصيته .. فالمحتم عليك أن تشاركيه .. لا أن تتنحي جانباً وتتخلي عنه ! غوصي في أعماقه .. شاركيه هواياته .. كوني مرآته .. دعيه يراك كما يرى نفسه .. دعيه يرتاح معك كما يرتاح مع ذاته .. كوني نسخته الصادقة العفوية التي لا تتقن كذباً .. ولا تحسن نفاقاً ! عزيزتـي .. أنتِ بنعمة عظيمة .. فأحسني الحفاظ عليها .. هذا هو زوجك .. صندوقك .. كنزك الثمين .. وهبك مفاتيحه .. وماعليك سوى استخدامهـا ! وفقكن الله ورعاكن |
فلسفة الحياة .. جزاك الله خير والله يعيينا على طاعته وعبادته ياارب .. مشكووره وماتقصرين اختي
الله يوفقك ويسعدك يااارب :) الوتس .. الله يعيينك يارب ويفرج همك .. بس تدرين انا ابدن ماقد جبت سيره لاهلي بالعكس زوجي قدام اهلي ولا احسن منه ابدن ماتعودت اشكي لهم .. ولا احب اشكي بصراحه .. اللحين ناويه اتكلممعاه بهدوء واقوله وافهمه اني متضايقه من هالطريقه .... انا ماطلب منه انه يجاملني او يدلعني زياده .. انا ابي منه انا مايعملني زيي زي الكنبه او الجدار .. ماكاني وجوده .. بقوله اني بعطيه فرصه 6 شهور ان حسيت انه تعدل ولا بشوف لي حل ثاني .. والله يستر الله يفرج همك ويسخر لك زوجك ويسعدك يااارب :) احب ريون .. عزيزتي .. اشكر لك نصيحتك وتخفيفك ويالله حظ الاخره يارب والله يوفقك ويسعدك ياااااااااارب :) عبير الاحلام .. الا لاحظنا التكرار ..وانا معاك بكلامك . لكن ياعزيزتي ابدن والله مابيه يجاملني.. بالعكس احب الصراحه ولو انها مره احيانن .. لكن مو لدرجة يتعامل معاي ولا كاني موجوده .. انا اقولك سبب تكرار هذي الشكوى ... ان معظم الرجال انانيين .. يبيك تحترمينه بس مايحترمك ..ولا عنده احساس بالمسؤليه تجاه مشاعر هالانسانه اللي متزوجها .. لايتعب نفسه ويجاملني لاا .. بس مو معناته انه مو قادر لو ربع ساعه يوميا نسولف سوا او نتناقش باي موضووع .. حتى لو هو معصب .. نتنااقش .. نتكلم .. علاقل اذا تكلمت عليه يررررد .. علاقل يحط عينه بعيني .. انا ماحب انوهه نفسي ولا احب بنفس الوقت الوم نفسي حتى على اغلاطه .. يمكن تحسبيني ابالغ لو اقولك مافيه اسلب كويس ماسويته .. بس السبب الرئيسي ان الرجل اللي من هالنوع .. مايفكر يطور نفسه ويفكر بطريقه سلبيه .. حتى لاحظي دايما النصائح الزوجيه مقدمه للمراءه نادر مانلاقي نصائح مقدمه للرجل بخصوص الحياة الزوجيه .. هذا اذا فيه رجل راح يقراها ..الا البعض منهم ,, وللاسف اليد الواحد ماتصفق يعني اذا الزوجه عملت كل اللي عليها وتعبت والزوج ولا يحاول انه يتعب نفسه اصلاا .. ماراح يتغير شي :( اشكر لك نصائحك عزيزتي ..:) والله يوفقك ويسعدك يارب :) |
اقتباس:
على كيانها .. بمافيهم والد الأبناء .. أي الزوج ! صحيح أن اليد الواحدة لا تصفق .. ولكن ليس معنى ذلك يا أختاه أن نقنط .. ونيأس .. ونفقد الأمل .. أتعلمين لمَ ؟ لأن أول من سيتضرر حينها هو أنت ِ .. عوض اليأس ياحبيبة .. لم لا تعملي جاهدة لاستدعاء اليد الأخرى .. وتحفيزها .. لتصفق مع أختها ؟ اقتباس:
الرجل ليس أنانـي .. غير أنه يفضل دوماً الحفاظ على هواياته .. اهتماماته .. صداقاته ...الخ أما المرأة إن تزوجت .. فإنها تتنازل عن كل ماسبق .. وتطالب الزوج بالتنازل أيضاً .. وإلا اتهمته بالأنانية !! حسنٌ .. لم لا يحافظ كل منهما على عاداته القديمة قبل زواجه .. وإضافة على ذلك .. يشارك الآخر هواياته ؟ مثال .. زوجك يهوى مطالعة التلفاز .. ولنفرض أنه يشاهد فيلماً الآن .. لم لا تقومي فتصنعي لكما دلة من القهوة .. وشيئاً من الحلويات .. وتطفئي الأنوار .. وتمارسي معه سحرك الأنثوي .. فتدللين عليه .. وبحضنه تجلسين ؟ *** مثال آخر .. زوجك يهوى تصفح الانترنت .. لم لا تحضري كرسياً وتجلسي بجواره .. تعلقي على مايتصفح .. تبدي رأيك .. تعلقي بضحكة .. ترسمي البسمة على محياكما ؟ *** عزيزتي .. لا تتخاذلي .. إن كان زوجك قد بنى عالماً خاصاً له .. فاسعي كي تشاركيه فيه .. لا أن تنأي عنه .. وتبني لنفسك عالماً خاصاً آخر ..! *** عزيزتي .. من الخطأ أن تقولي لزوجك .. فلان اترك ما بيدك و ( سولف معي ) !!! بهذه الطريقة سترسلين قناعات إلى عقله الباطن بأن ( السوالف ) مع الزوجة مَهمة وواجب ينبغي أداءه !! عزيزتي .. ماموقفك من الواجب المدرسي ؟ هل تؤدينه بحماس ؟ أم تتثاقلين .. ولربما أجلتِ وأجلتِ وأجلتِ حتى حانت ساعة الصفر فقمت به راغمة ؟ عزيزتي .. تعلمي فنون الغوص بأعماق زوجك .. أسبري أغواره .. اجعليه يحادثك ويتعايش معك .. ولكن .. بدهاء الأنثى! *** موفقة |
ممكن يكون عنده عارض نفسي اما من العمل او من البيت او من بيت اهله وانتي مو حاسه فيه مو معنى كذا انك مقصره لا بس انتي ماقدرتي توصلي للي مزعله ومغير نفسيته ومسألة انه مايحط عينه بعينك اثناء العلاقه الخاصه هذي لها معاني كثيره وفي الاغلب انه عارف انه ماقدر يرضيك جنسيا ويمكن هذا اللي تاعبه وقالب خياته فوف تحت قربي منه اكثر اعزميه على العشاء في يوم تشوفي ان اعصابه رايقه وسوي له الاصناف اللي يحبها وغيري في البيت شوي مو شرط بتكاليف حتى لو غيرتي في الاماكن يعني طاوله التلفزيون غيري مكانها مع الكنبه مع شوية حركات بنات حلوه وباين عليك شاطره في هالامور لانه واضح من كلامك انك رومنسية وبتقدري تخلقي جو حلو في البيت وحاولي تناقشيه من بعيد لبعيد عن اللي مزعله واللي منرفزه
|
| الساعة الآن 07:42 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©