ما فكرتو تجيبو خدامة؟؟؟

سلااااااااااااااااااام لأختي الغالية ميني ماوس

انا عندي حل والله بسيط بس مو كل وقت ينجح


يعني اولا وأخيرا الصبر ثم الصبر

وهذا الكلام من تجربتي وتجربة اختي ))))))


أولها.. اذا حسيت نفسك بدى الضغط يزيد عليها لاتفكرين او اطردي التفكير اللي يجينا احنا الحريم

ان الدنيا كلها علينا ووووووو... وفكري وقولي غصب عنك يازين بزراني ويازين شقاوتهم....

واذا كان الموضوع فعلا يتعلق باطفالك... (( اخذي نفس عميييييييييييق وحاولي تبتسمين )) والله مجربتها

لأن حسب دراسه علميه ان الابتسام له فوائد عديدة ومنها "" التخفيف من حدة الغضب "" وغير ذلك

هذا الكلام انا سمعته شخصيا من دكتور نفسي .... بعدها تفاهمي مع طفلك بهدوء مهما كان عمره


انا عني كنت أقول (( ليه يا ماما ليه ماما الله يصلحك ويهديك بس))) كنت اكررها كثير عشان شياطيني

تروح عني وما اذبح ولدي ... واصلح الشي اللي خربه... او اذا هواش انهيه والهيهم في اي شي ثاني

لانهم مهما كانوا اطفال والله لو تحرقين نفسك ما دروا عنك ولا زوجك بيفهم انت وش فيك...

ثانيا... السيارة وما أدراك ما السيارة

انا اقولك اختي ايش كانت تسوي مع عيالها

لازم قبل تخرجين حضري لعبة مثلا .. وانت تكونين العنصر الرئيسي فيها

انزلي لمستواهم ابد ماراح يمشي الحال اذا تعاملت معاهم على اساس انك امهم بس

حاولي ان ابوهم كمان يشترك معاهم ...(((( بس ان ما أعرف اعمار أولادك كم .. عشان اقدر افيدك بلعب)))

وأولا وأخيرا اكثري من التحاور معهم

يعني مثلا اذا حبسكم الأبو زي ماتقولين

لا تقعدين زعلانه وتفكين حرتك في عيالك مثل ما كنت اعمل

جلسيهم حواليك (((( يالله تعالوا نقول قصة))) المهم ادخلي فيهم

واخيرا الكلام في هذا يطول وحبيت افيدك باللي عندي ... ومالنا غير الدعاء والصبر

محبتك الطفلة>>>> ام عبد الملك<<<<<