اهم حاجة صلاة الاستخارة واذا كنت مازلت مرتاح خليك على رايك لانك انت اللي بتتزوجها وتعيش معاها مو اهلك0

اخي الفاضل
المهم انها دخلت قلبك انت احببتها..والقرار قرارك وليس قرار اهلك...فأرجو ان تتمسك برأيك وتوضح لهم ان القرار يرجع لك انت وانت شاريها..احسن من ان يختارون لك ثم لا تحبها وتحن لهذه
فأخطبها بعد الأستخارة وتوكل على الله

دامك تحبها وارتحت لها ليش تبي تغير قراركــ ... اثبت وواجه اهلك ... لكن بدون مشاكل ... انت الي راح

تتزوج مو أهم ... ياخوي لاتتخلى عنها بهالبساطه ... خليك صارم ...

الله يسعدك ويوفقك يارب ..

هموووم

اشكرك اختي هموم على هذا الرد الجميل

أهم شئ الاستخارة (( ما خاب من استخار )) ..

شاكر مرورك

انت من سؤالك باين انك متردد .. واهلك ممكن ياثروا على قرارك

ومن الان تنظر لها انها اقل جمال الثانيه


بصراحه لو كنت فعلا حاببها كنت شفتها ملكة جمال ولا سمحت لاحد يقلل منها



انا خوفي بس انك تخطبها وبعدين تتغير عليها من تاثير اهلك


واذا كنت شايف هالشي ممكن يحصل لاتظلم البنت معاك واتقي الله فيها


بس اذا كنت حاس ان حبك لها ماراح ياثر عليه اي شي وغيره اي شي وناوي تاخذها غصب عن كل اللي مو عاجبه ... فتوكل على الله


هذا قرار مصيري ولازم ماتتخذه الا عن قناااااااعه


واذا على اهلك اذا تيسرت امورك واهلك شافو حبك واحترامك لزوجتك .. وشافوا تقديرها واحترامها لهم راح يحبونها حتى لو ما كانت البنت اللي ببالهم



انا امي شافت بنت اخلاق وعسل لاخوي .. بس ماكانت تبيه يتسرع في قرار الزواج وماكانت مرتاحه لبعض تصرفات اهلها بالخطوبه .. فما كانت مره عاجبتها لما خطبها اخوي


بس بعدين لما تزوجها وشافت ذوقها واحترامها لزوجها واهله حبتها وصارت كنها وحده من بناتها


الام اكيد ماتتمنى الا تشوف ولدها مبسوط ومرتاح بحياته




بالتوفيق يارب

يا اخوي من الي يبي يعرس انت والا اهلك ؟
انت الي تبي تعرس واهلك اذا اليوم والا بكرا ما اقتنعو او معاملتهم شينة بعدها تبي تصير زينه خلاص يبي يرضون بالامر الواقع ولكن انت لو تاخذ الي ما تبي تبي تصير مشاكل ممكن تؤدي الى الطلاف لا سمح الله ولو ما وصلت لطلاق يكفي انك تعيش في دوامة تفكير ومشاكل
نصيحة وشور من شار عليك خذ البنت الي تعلق فيها قلبك وعقلك واسال مجرب ولا تسال طبيب