بين لاهلك

بين لهم ان احنا اوادم مو جوز حمام
تحطهم في كرتون ويتوالفون مع الوقت

بين لاهلك انك تعرف ماذى يعني الزواج وان زواجك من قريبتك ما راح يرجع لا عليك ولا عليها بالفائدة
اسالهم اذا كان يرضيهم تتزوجها وبعد 6 شهور او سنه تطلقها وتتفكك العائلتين بسبب الطلاق

بين لاهلك ان الزواج اكبر بكثير من رغبات الاقارب
هذي حياتي انا واللي بيعيش السعادة او الشقاء في النهاية انا

الله يوفقك ويسهل امورك

خلك واضح شوي في كلامك ولا تتردد
وبين لهم انك مصرّ على رأيك في قريبتك وانها مثل اختك وما تشعر بانجذاب لها

طبعا ومن غير تردد اختار البنت اللي انت قلبك مرتاحلها
وحاسس ان ممكن تكمل معاها حياتك

ابدا لاترضخ لرغبة اهلك وتجبر نفسك لان بعدين انت الخسران الوحيد حتكون

وهذا زواج مو اي شيء تاني لازم تكون مقتنع 100% ولا بلاش

أظفر بذات الدين تربت يداك
لا تنسى الإستخارة .. والله يحفظك ويرعاك
موفق

لا تتزوج بنت ما اقتنعت فيها لانه ممكن ماينجح الزواج ووضح هذا لامك

مشكله بعد تتزوج وحده مايبونها اهلك لانكم راح تتعبون وخصوصا هي

ياليت تحاول تجمع بين الاثنين باقناع اهلك بالثانية او تبحث لك عن وحده ثالثه تحبها ويحبونها اهلك

بالتوفيق

اشكركم من كل قلبي والله لقد نورتوني في هذا الموضوع
وشلوا عني هم كبير


والشكر موصول الى

Abdullah6
سلامات يا قلبي ( ام وليد )
ام الوراعين
مغروره بأمي

عليك بالاستخارة والله يكتب لك الي فيه الخير ...

أخي الكريم ، كما نصحك الأعضاء .. أولاً عليك بالاستخارة

ثانياً : حاول تقرب ما بين البنت اللي انت اخترتها و ما بين أهلك

ثالثاً : بدون ما تجرح أهلك لكن حاول توصل لهم إنها حياتك و إنت أدرى بالللي يسعدك فيها

ربنا يوفقك لطريق الخير و يصلح لك الحال إن شاء الله