|
يا اخوي طيبتك حلوه انا اشوف فيها حناااااااااان وتعاطف كبير منك مو اي واحد يسوي كذا وتصرفك سليم ما الومك انك بطلت تسافر علشانها بالعكس هذا تقدير منك لها وقاعد تشتري رضاها مين يحصل لها زوج يعاملها كذا يعني زعلت انك بتروح وبتسافر وتخليها مع انه يوم واحد وراحت بيت اهلها تهددك ياتسافر والا بقعد ببيت اهلي وتطلقني من جد انسانه غريبه ومتناقضه لابعد الحدود احس ان زوجتك مافيها الوعي الكافي شكلها صغيره او ماعندها اسلوب تعامل سليم بما انها كل كلمه والثانيه تزعل و تقولك طلقني طلقني مفكرين اذا قالوا طلقني ان الزوج مايقدر يطلق ترى الكلمه قويه كأنها تقول للرجال تراني بايعتك واعرف واحد قريبي من كثر ماتقوله زوجته على اقل هوشه طلقني طلقني اخر شيء طلقها شوي وكانت تحب رجوله علشان يرجع لها وبعد واسطات الاهل رجعوا لبعض وقال لها انا طلقتك علشان تحطين في بالك اني اقدر اطلق وماتستهينين في قدري ورجولتي وتبطلي هالكلمه اصلا هذا الشيء منهي عنه اخوي انا ما اقولك كذا علشان احرشك او ازيد غيظك عليها لا والله ابد اقولك هالكلام بس ابي اوضح لك ان زوجتك تجهل هالشيء وأنت لازم تقدر هالوضع انها تجهل حقيقه تصرفاتها وتنبهها لكلامها هذا ولو كانت تعرف قد ايش هالكلمه تأثر وتدمر والله والله ماكان قالتها ابد لازم احد يوعيها ويفهمها ترى احنا البنات احيانا يعمى على قلوبنا ومانوعى الا في اخر لحظه يعني اذا فات الفوت بس لو توضح لها العكس انك تقدر تستغني عنها مثل ماهي تستغني يمكن تعيد حساباتها ومسألة انك تبادر وتكلمها انا عن نفسي شخصيا ما اشوف انك غلطت في شيء وغريبه مادقت عليك تسأل اذا سافرت والا لا لو هي على قولها بتقعد ببيت اهلها علشان تسافر وترجع كان دقت تطمن انك وصلت بالسلامه عالاقل غريبه ماخافت عليك بس بقولك خليها شوي ولاتدق عليها الحين لكن اذا طولت السالفه وزاد الامر عن حده معليش تنازل وروح بس هالمره مو معقوله تشدون انتم الاثنين بس لازم توعيها وتفهمها غلطها وان تصرفاتها هذي مو معقوله او تخلي احد تثق فيه ينصحها علشان ماتحس انك تملي عليها شروط او اوامر والله يوفقك ويسخر زوجتك لك ويهديها ويصلح بالها يارب |
نقرا رد اخونا رادع
|
الحين انت لازم تشد معاها علشان تحترمك و تحترم قراراتك
انت مو غلطان و اهي مو حاسه بالنعمه اللي هي فيها يعني ابي اعرف هي و ش تبي مو قالت لك لا تسافر ؟ وانت الغيت السفره ! اجل ليش سوت مشكله و راحت بيت اهلها و قالت لك سافر ؟ غريبه ما احد اتصل لك من اسبوع من بيت اهلها على يصلح بينكم ؟ من رايي انك تكلم احد من اهلها و تشرح له و شصار و تقول له قول لها تتسنع الله يهديها بس بنتكم صغيره لا تصير فيها حاله نفسيه والا تتأثر من هالحياة |
الله يصلحها ويهديها تصرفها يدل على دلعها الله يعينك ويهديك للصواب.. |
حسب كلالامك انت لم تخطئ طنشهااا لحد ماتتصل واذا لم تتصل كلم اخوانها او ابوها اذا موجود بالي قاعد يحصل بينكم
|
طنشها لحد ماتتصل هي
|
يا اخي الفاضل عندي نفس المشكله دايم تزعل بدون سبب بس اهلها في مدينه اخرى بس اعتقد والله اعلم اننا طيبين زايده عن اللزوم .سراحه من كثر طلبها للطلاق فكرت فيه بجدولكن لدي اطفال وانا احبهم بالمره وكذلك هم يحبوني سراحه يا اخي ودي احل مشكلتك لاني احس اننا في نفس الموضوع بس تدري ليش ما تسوي اشاعه انك بتتزوج الثانيه بس حاول ان يكون مصدر الإشاعه بعيد عنك حيث سويتها المره هذي وكان لها مردود ايجابي بس بعد ان اكدت لها ان سبب الإشاعه هو كثرة جلوسها عند اهلها فالناس بدأت تشك بس خلك حنين وحازم والله الطيبه مالها فايده هالزمن يوكل عشاك من بين ايديك الله يسعدك وعلى فكره انا ارتحتلك ويالي نكون خويا
|
خيركم خيركم لاهله وانا خيركم لاهلي
هذا كلام سيد البشريه عليه السلام .. لا تظن اخوي ان طيبتك هذي غلط بالعكس انت رجل حنون وتحب زوجتك وبيتك وهذي ميزه عظيمه الله يتمم عليكم بالود والتفاهم .. يمكن زوجتك في بالها شئ مخليها متضايقه وعشان كذا تتصرف بشكل غريب .. يمكن قبل الدوره الشهريه ترى الزوجه بهذي الفتره تصير مزاجيه وعصبيه .. هي ضلع اعوج ولازم تتقبلها بعوجها عشان تستمتع فيها .. ارسل لها مسج اذا تبغى ترجع انك مستعد تجي تاخذها .. وهي اكيد الحين اشتاقت لك وودها ترجع بس تنتظر البادره منك .. الله يهدي سركم ويوفقكم .. |
حرام عليكم لا تخربون على الرجال بيته
اساسا ما فيه مشكله .. اخوي لا تسمع كلام احد يخليك تكبر الموضوع ولا تدخل بينكم احد ابدددددددددددددد انتم كبار مو صغار تبون الناس يحلون مشكالكم هذي طبائع في زوجتك انت حاول تروضها مو تختلق مشاكل الله يوفقكم .. اهم شي خلك حليييييييييييييييييييم ومتفاهم |
يا هلا ...
اخوي .. الطيبه الزايده احيانا ما تنفع مع الزوجه خاصه اذا كانت مثل زوجتك ... زوجتك دلوووعه و مو لاقيه حد يوقفها عند حدها .. طيب وين اهلها عنها ... ليه موافقين على اللي عاملته فيك ؟؟!! و كيف تستأذنها في اشياء تخص عملك ؟؟ مو من حقها توافق او ترفض اشياء تخصك انت و عملك .. باين انك طيب حيل معها و في يدها الخيط و المخيط مثل ما يقولون .. اسمح لي في هذه الكلمه .. اذا الزوجه ما لقت لها رجال في البيت .. صارت هي الرجال .. وزوجتك كل مره تهددك ببيت اهلها ... طنشها و اتركها في بيت اهلها لحد ما تعرف واجباتها تجاهك فهي واضح انها جاهله في امور الحياة الزوجيه و حقوق الزوج .. طنشها و لا تسأل فيها ... و كلم انت اهلها بشكل جدي وقول لامها تسنعها او في زوجه ثانيه جايه بالطريق ... اعرف ان كلامي قاسي لكن في بعض الحريم ما تجي الا بالعين الحمرا ..هذا اذا كنت حريص على بيتك و اسرتك .. اختك أميرات .. |
| الساعة الآن 12:15 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©