انا لقيت الشماغ اللي عند زوجي ديسار واشتريت البسام بس مادري هو كويس والا لا يقول اخر شي نزل بس شكيت فيه لانه مو مرة غالي ومادري هو االي تقولون عليه والا لا واشتريت غترة بيضاء بس مكتوب عليها اوسكار وطرفها خيوط منسلة وش رايكم فيها

نونة الدلوعة .. هلا بك اختي وأحيي فيك هالإهتمام بزوجك وحرصك على إختيار ما يناسب ذوقه من الهدايا .. بالنسبة لشماغ البسام الي سألتي عنه يعتبر من أفضل أنواع الأشمغة وبالمناسبة يوجد منه أنواع كثيرة وأفضلهم بالتأكيد آخر مانزل من البسام وهو نوعين :
1 ـ شماغ البسام بصمة 10 وأعتقد سعره (95) ريال (( يمكن هو الي أنتي شريتيه))
2 - شماغ البسام (بلــس) وهو الأفضل وسعره (125) ريال

وبالنسبة للغترة الي سألتي عنها (اوسكار)) للأسف ما جربتها .. لكن بما انها هدية صدقيني راح ينبسط زوجك منها ولا راح يفكر هي ماركة أو لا لأن الهدية (عموماً)مو شرط تكون غالية أو ماركة معينة.. وبالعكس يكفي الواحد ان زوجته تقدم له هدية بغض النظر عن ماركتها ..

بالتوفيق ،،

أفضل شي ( جفنشي ) ... و .... البسام ( ماي فير )

اسمعي وخلي عنك الكلام
انا اخوي واااجد كشخة و يشتغل في بنك يعني دائما شيك
المهم هو دائما يلبس
شماغ البسام ميري بلس اوفير بلس حول كذا اسمه بس يجنن خفيف وحلو
ويلبس شماغ دنهل يجنن لونه مره حلو
وايضا شماغ اسمه جيفينشى مو حلو بس كشخة يصلح هدية

شماغ بروجيه

البسام ماي فير شماغ شيوخ بقوه

عن تجربة شخصية شماغ دنهل الافضل بالسوق

ريموند سعره 200 ريال بس رووووووعه تطريزه