|
يا أخوان ويا أخوات أولاً بالنسبة للي يقول إلي مدح سوريا شكله ما سافر دول ثانية اخي المبارك السعودية ما خليت مكان من الشرق للغرب ومن الشمال للجنوب خارج السعودية ما سافرت كثير بس هذه الدول أمريكا - اليونان - مصر - الأمارات - الأردن - سوريا - اليمن والأخت تسأل عن سوريا .... فقدمت النصيحة بالنسبة للبلد الذي تحب ان تزوره اختي الكريمة اي دولة في العالم راح تسافري عليها بالنسبة للمطاعم .... لا تشتري شئ من المطعم إلا عليه التسعيره واسمحولي إلي إنضحك عليه في سوريا راح ينضحك عليه في كل مكان انا سنوياً اسافر سوريا وهذا السنة بإذن الله راح اطلعها مرتين الفنادق في سوريا على حسب ما تدفعي وحسب الدرجة وفي بعض المناطق ممكن تأخذي شقة ..... يعني في مشتى الحلو ........ اخذت شقة خمسة نجوم غرفتين نوم وصالة ومطبخ وحمام وبلكونه على مطل أخضر اليوم بــــــــ 120 ريال سعودي لو كنت في الطائف ولا أبها >>>>>>> بكم بتكلف هذه الشقة ؟؟؟؟؟؟؟؟ [blink]مرحباً ألف ............... والشقة بألف[/blink] بالنسبة للمراكز التجارية فما انصحك بزيارتها لأنه جداً غالية وخاصة إنه السياح لهم سعر خاص >>>>>>>>> غالي لكن في كل مدينة من المدن السورية فيه سوق اسمه ( الحميديه ) هذه أسواق تعتبر شعبية وفيها كل شئ وسعرها رخيص مقارنة بالمراكز التجارية ولكن نصيحة لا تشتري إلا من محل حاط التسعيرات على الملابس ..... أو لما تدخلي تنتبهي لأي ابن او بنت البلد بتشتري وشوفي بكم اعطاهم .... وبعد شوي أسألأي عن نفس السلعة .... وشوفي الفرق فتعرفي مقدار الزيادة المطاعم ..... لما تدخلي مطاعم مكشوفة ...... يعني على مطل أو قمة جبل .... أو على نبع أكيد بيكون فيه ذباب ولكن لما يكون بداخل مطعم ما راح يكون فيه أي ذباب وهذا في كل بقاع الدنيا اتمنى ان اكون قد افدتكم بوركتم |
الاخ مجاهد اسمحلي اضنك متزوج سوريه وخايف تزعلها او من شده حبك للبلد ماتشوف الي فيها
ياسيدي خليك واقعي فعلا في امكان الله لايوريك تعامل فيها بشع واسلوب سئ وفعلا في مطاعم وسخه ليش ننكر اذا احد شاف شئ وبعدين الحمدلله انا سافرت للعديد من الدول ولا مره انضحك عليا في اي دوله حتى في سوريا لاني كشفت الاعيبهم وانا من النوع الحريص جدا ولله الحمد ولسنا مغفلين لكي ينضحك علينا انا قصدت ان المسأله استلطاخ بالعربي يعني دخلت ثلاث مطاعم كلها يضيفوا على الفاتوره اطباق ماطلبناها عشان يااخذوا زياده ولما نخش في عينهم يقول اي معليش غلطنا وايضا الالعاب واللع عندنا الي في محل ابو ريالين يبغى يبيعني هيا بخمس وعشرين ريال؟؟؟؟ يعني مادري اشياء ماتدخل العقل ولا الي يلحقو وراك عشان تعطيهم فلوس ولا الجوزات الي تعطلك عشان البخشيش اعلم انك من محبي سوريا لذلك لن تقتنع ولكن انضر لااغلب الاراء 00اما عن الاسعار في ابها واطايف غاليه صحيح بس عاد مو بالالف كانك زودتها حبتين وانا عندي يااسافر بلد زي الناس او اصرف فلوسي في بلدي اولى اما الاردن ولبنان ياعيني على التعامل والاخلاق والنضافه ومافي استهبال على العالم سعرك عادي مافي مبالغه في الاسعار عموما احترامي للاخوه السوريين وتبقى المسأله وجهات نظر واذواق نتمنى لكم |
انا مع الأخوات.. ما انصحك بزيارتها إذا عندك اختيارات ثانيه يعني احلى شي فيها الخضار و الطبيعه.. لكن وسط البلد لا مع احترامي للسوريين.. لكن سوء معامله و لعب في الاسعار و مافي نظافه.. و حتى الاسواق ما فيها شي مميز غير الأقطان (فنايل- بجامات- ....) بس |
يااخواني في كل مكان فيه الكويس والي مش كويس واصابعك مو سوا يعني لما تكون حريص على انه ما ينضحك عليك ماراح ينضحك عليك وبالنسبه للسياح اكيد بيعطونهم سعر غالي ومو لازم تشتري من اول محل افتر بالسوق واسأل عن نفس الي تبي تشتريه ويا اخوات لا تعممون على ان المعامله سيئه مو الكل معاملتهم مو حلوه
وفي النهايه سوي الي مقتنع فيه روح وجرب وياريت بس ترجع تتكلم عن تجربتك والف شكر لكم |
السلام عليكم ورحمه الله وبركاته
صحيح في كل مكان الصالح والطالح وسوريا فيها المحاسن والمساوى مثل اي دوله في العالم هي من جد فيها بعض العالم الى يستغلووون السعودي او الخليجي عموما ولكن فيها بعض المناطق الحلوة انا سافرت لسوريا كم مرة بس على طول بما اننا عيله نروح لاماكن طبيعيه ونبعد عن الزحمه اذا بتروحين انصحك لزبداني واسكني في فله نظيفه فيها مسبح ويكون السوق قريب مرة منك وكمان بلودان مرة حلوة وفيها مطاعم مرة كشخه فيها مطعم جنه بلودان والاطلال كمان ام الطيور مرة حلوة فيها مطعم الباشا مرة حلو وكسب جنان صحيح كلها مسيح ولكن حلوة وطبيعتها ماشاء الله بعدها لو انا منكم اطلع لتركيا لانها مابينها وبين كسب شي يمكن اقل من 10 كيلوووو تجلسون بتركيا اسبوعين اما الاسواق مانصحك تروحين لهم لانهم من جد يدبلون السعر 5 مرات يعني مرة ماعندهم ذمه بالشي هذا مو كلهم اغلبيتهم كذا الا اذا تبغين تروحين لسوق الحميديه هو صحيح يغلون الاسعار بس احسن من غيرهم |
سلام عليكم اختي انصحك ما تسافري لـــ سوريا خاصه هـ الوقت والمشاكل الي صايره ولعلمك في حاله خطف للسعوديين بذات .. ومساومات لاهاليهم في السعوديه على قيمه الفدية... وتلفيق التهم عندهم مثل شرب المويه... المخابرات السوريه ولعب تلفيق التهم للابتزاز وانا ما ذكرت الكلام كرهه لسوريا واهلها .. بالعكس نحبهم ونحترمهم ... بس قوله الحق ما تزعل ابد وكثير الي له قصص ماساويه بسوريا ... جربوو ماليزيا .. سلطنه عمان.. يعني من هـ الدول |
الأخوان والأخوات
white_moon77 استكانة شاي ندى 200 سرورالعمر crestalla المجاهد sweet2244 soo_soo كاملة الأوصاف غموض السنين أشكركم جزيل الشكر جزاكم الله ألف خير وان شاءالله باخذ بنصايحكم واذا شفنا الوضع موعجبنا بنروح الأردن ولبنان ادعولي أروح وارجع بالسلامة وان شاءالله احكي لكم عن كل شئ لأن خلاص حاجزين وان شاءالله بعد اسبوعين مسافرين. أبوالعيال مصمم يروح لأنه تقريبا المكان الوحيد الي هو ماراح لها. وشكرا |
أخوي ماجدولدنجد شكرا على النصيحة وأنامن سلطنة عمان وماليزيا زرتها الصيف الماضي.
والله من كثر ماسمعت عن سوء المعاملة فيها ماحبيت أبدا أروح لكن أبوالعيال مصمم يروح. |
اخواتي و اخواني كفايكم كلا م على سوريا انتم ما احترمتم تواجد هنا حدا سوري ومع هذا تحبون سوريا ونساء سوريا وكل هذا الكلا م غير صحيح الشعب السوري شعب طيب جدا كفاكم تخوفون الا خت تعالي ولا تخافي كلا م عزال وبس ترجعي بتمنى منك تقوليلهم شو صار معك بسورية والله يرجعك با لسلامة الى بلدك
|
اقتباس:
اختى احنا قبل كل شي قلنا المسأله وجهات نضر واذواق وقلنا مع احترامنا لكم وهذا الى حصل معانا ولو سألت عن اي مكان تاني حصل معانا فيه موقف راح نذكرها مافيها شي مافي حاجه تزعل يعني ياما كتبوا على السعودين ومش عارف ايش والمسأله نقاش والله الي كتبوا قالو مارجعنا رحنا سوريا يعني عادي الي حبوها وارتحوا لها بيرجعوا لها والى لا مابيروح اما الحريم ماحد جاب سيرتهم الله يستر عليك وان كان حصل مزاح من اخوانا في المنتدى على اهل اشام صدقيني يضل الواحد يحب بنت بلده ويراها اولى والي يروحوا هناك عشان الحريم فئه قليله ولقت مرادها الله الهادي ويعف الجميع ويستر على الجميع سلامي |
| الساعة الآن 03:30 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©