|
حبيباتي لحن السعاده .. الحب المستحيل2 .. سما دبي .. شكرا على متابعتكم واهتمامكم .. ادري ان مشكلتي مهي مشكلة مكالمات بس وان حلها عويص .. والموضوع هذا كلما تكلمنا فيه انا وخطيبي ينتهي دايما بصراخ وبكاء مني .. انا مقدر ابعد عنه بعد الزواج وبعد اربع سنوات تعيسه من الخطوبه .. ولا اقدر اجبره يرجع غصب عنه لأني اخاف مايلقى وظيفه براتب يناسبه او مايلقى بالمره ويظل يلومني اني السبب .. و ابويا لو يدخل في الموضوع راح يخير خطيبي بين الرجوع او فسخ الخطوبه .. وانا هذا اللي اخاف منه .. على العموم جزاكم الله خيرعلى ردودكم .. انا اعتبركم مثل اهلي في الغربه .. وانتوا دايما عند حسن ظني .. |
نسيت اسألكم .. هل الاتصال مره كل عشرة ايام لبلد اوروبي يثقل على خطيبي من الناحيه الماديه ??? انا بصراحه ما اعرف عن ماديات خطيبي كيفها لأني ولا مره سألته عنها .. وهو كمان مايقول لي ان الاتصالات غاليه عليه !!! |
اكيد غالية ماعليه اللي يصبر 3 سنين يصبر سنة
بس الحل الوحيد انه يرجع ويضل يدور على وظيفة هنا لان انتي مو من الممكن ابدا انك تتركي اللي عندك لانك المتضررة اكثر وبالنسبة للخطوبة حاولي تجددي فيها وتكسري الروتين واعذريه ترى البعيد عن العين بعيد عن القلب واتوقع اذا رجعتي وصرتي معاه ببلدكم مااتوقع بيتركك لانه مشتاق لك ومابيتحمل فراقك مرة ثانية انا عندي لك نصيحة عن خبرة بالمشاكل وتوقعات المستقبل طبعا لساتني مخطوبة عيشي كل لحظة بلحظتها لاتفكري بعدين وش بيصير والى متى هالحال صدقيني بكرة يفرجها ربك وتندمين انك ضيعتي احلى لحظات عمرك باشياء ماكنتي تتوقعي انها بتنحل بالتوفيق |
أعتقد أنه وضع عادي أنا مثلك تمام ويمكن أكثر ممللكة من أكثر من سنة وخطيبي بدولة ثانية واتصالاته قليلة وأحيانا معدومة ,, كنت اتضايق في البداية لأنه في بداية الخطبية كان يتصل بصفة مستمرة .. لكن ألحين لا بس أنا تعودت وتأقلمت مع الوضع .. إذا إتصل زين وإذا طنشني أطنشه .. بس بعدين أرد أتصل .. نصيحتي ,, لا تضايقيه بكثرة اللوم بل بالعكس راسليه برسائل حلوة ودعواتك له بالتوفيق ,, وامنياتك له صدقيني .. بيستانس منك وبتكبري بنظره ,, وحاولي تقدرين ظروفه خصوصا أنه بغربة والا تفكرين بالموضوع كثير واشغلي نفسك عنه يعني عيشي حياتك |
اقتباس:
أكيد يا أختي ,, وهو يمكن ما يبغى يتكلم عشان ما تفكرين أنه مادي أو شي آخر وحاولي لا تحسسيه أنه مقصر بحقك ,, هو سيفهم من نفسه |
هلا اختي مشاعر مرهفه
وييييييييييينك؟؟ والله لك وحشه زين طمنتيني عليك................المهم الله يعينك دام خطيبك طبعه كذا لازم تتحملين.......................أنا خطيبي نفس برود خطيبك أحمدي ربك انه يتصل بعد عشرين يوم أنا اخذ لي شهر وعليها ويتصل وكالعاده يقول!!!!!!!!!!!!!!![blink]معليش حبيبتي[/blink] بس ظروووف المهم تبين ترتاحين والله العظيم اتكلم معاك عن تجربه طنشي طنشي وعيشي حياتك وان شاءالله هو يحبك بس طبعه مايخليه يتصل كثير وإذا تزوجتوا بإذن الله تعوضونها.................. تحياتي لك |
اقتباس:
صدقيني لما تظهرين له دعمك و محبتك له وانتم لسسا ما تزوجتوا بيتعلق فيك وينبسط اكثر فاظهري له هالشي والله يوفقك اختي |
أخواتي في الله .. نور الغدير 2006 .. أم اليمان .. الأميره الهادئه .. أم تاالا .. اولا اسفه لأني تأخرت عليكم في الرد .. ما قدرت ادخل المنتدى في اليومين اللي فاتوا .. وثانيا شكرا على اهتمامكم وردودكم .. جزاكم الله عني كل الخير .. وثالثا .. ودي اقول لكم اني قبل ما اطرح موضوعي عليكم كان خطيبي اتصل عليا ثلاث مرات .. وفي كل مره كان يحاول يصالحني وانا طول المكالمات اقول له .. معلش ممكن تسكر .. انا مالي نفس اتكلم معاك .. افففففففف كلامك يضايقني .. ومن هالكلام .. والمسكين مومصدق ان هالكلام يطلع مني .. انا اللي دايما اطير من الفرح يوم اسمع صوته .. لكن بعد قرأتي لردودكم ونصايحكم راجعت نفسي وحسيت ان تصرفاتي كانت سخيفه معاه .. واني لازم اسمع كلامكم واكبر عقلي .. واشيل هاجس قلة مكالماته من راسي .. وارضى بالقليل مراعاة لظروفه .. لأن من لايرحم لايُرحم .. ولازم مثلما قلتوا اصبر واطنش .. وابطل عتاب ونكد ولوم .. على فكره هو وقت ماكان يصالحني وانا اسمعه وزعلانه بنفجر .. لكني من داخلي ودي اضحك عليه لأن طريقته في المصالحه تضحك .. من جد انه مايعرف يصالح ابدا .. ولايمتص غضب احد .. ومن جهه ثانيه قلبي يعورني عليه لأني اول مره احسه ضايع ويلخبط في الكلام ومو عارف ايش يقول عشان ارضى عليه .. الأميره الهادئه .. كيفك انتي ياعسوله ? انا كمان اشتقت لك ولأخبارك .. ودايما ادخل المنتدى وادور لو كان في موضوع باسمك عسى اني اعرف لو صار جديد بموضوعك لكني ما القى .. وارجع اقول لنفسي دامها ماتكتب فأكيد ان الاحوال ساكنه .. لكني مع ذلك متابعه مشاركاتك في مواضيع الاعضاء الباقيين .. شكرا على سؤالك حبيبتي .. واسأل الله تعالى انه يشفي خطيبك ويسخره لك .. ويبعد عنكم كل مكروه ويجمعكم على خير عاجلا غير اجل .. اللهم امين .. انا فعلا شاكره لكل خواتي وحبايبي اللي ردوا عليا .. واقول لكم إن نصايحكم وكلمات التصبير اللي قلتوها ساعدتني كثيييييير .. كأني كنت محتاجتها اكثر بكثير من حاجتي لزيادة عدد المكالمات بيني وبين خطيبي .. وصدق من قال ماخاب من استشار .. |
لإن الخطبه طويله فلو كلمك بشكل يومي اوشبه يومي
راح يكون هناك ملل ومشاكل |
| الساعة الآن 10:42 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©