|
حرام عليك ست شهور ماتقول كلام حلووو ؟؟
اجل ليش ملكتوا الحين ؟؟ مسكينة تلاقيها مو حاسة نفسها انها عروسة مثل كل البنات ولا هي حاسة بهالفرحة وكل ماشافت رقمك يتصل قالت اكيد الحين بيقول لي شيء .. اول شيء لازم تبدا بالكلام الحلو بالرسايل لين تحسون انكم اخذتوا على بعض واذا كلمتها علق على الرسايل وش رايك برسالتي وواذا هي ارسلت علق على مسجاتها وهكذا لين تاخذون على الكلام الحلو الي بالرسايل بعدين شوي شوي تكلموا عادي اول ماتكلمها اسمها ماتناديها فيه دلعها بدلع ماعمرها سمعته من احد ثاني لازم تشبع هالجانب عندها لأن الوحيد الي يقدر يشبع هالجانب عند المرأة هو الزوج ,,, بخصوص خوفها طبيعي مسكينة لأنه ماتشوفك كثير ,, بعدين المكالمات شبه معدومة واذا صارت موجودة فهي رسمية لأبعد حد ماكأنكم زوجين ,, حاول تقرب منها وتزورها على الاقل بالشهر مرة ,, والله يوفقكم ويسخركم لبعض ,, |
....... ذكرتوني ببنت عمي ... هذا حالها لما يتصل زوجها (بعد الملكة) كأنها بتسوي شئ غلط وتروح تكلمه في الحديقة بعيد عنا وترد لنا بعد 3 ساعات تقريبا والضحكة شاقه الحلق ......... فديتهم عصافير الحب ... أول ما ابتدت تكلمه كانت بس كلمتين وبعدين تتحجج بالمذاكرة أو أمها تناديها وتدور أي حجة علشان تسكر عنه بسبب المستحى ... بس هالحين الجرأة نشوفها فعيونها وابتسامتها ...........
يعني كل شئ بالتدرج يصير ونصيحتي لنفسي أولا ولكم أخواني وخواتي ثانيا أن تكونوا على طبيعتكم وخلوا في بالكم إنكم تكلموا شخص عزيز وغالي وشريك حياتكم حطوا تحت كلمة شريك الحياة مليون خط!!!!! يعني تشاركوا في كل صغيرة وكبيرة مع بعض!!!! وصدقوني السوالف ماراح تخلص!!! أسأل مجرب ولا تسأل خبير!!!! |
شكــــــــــــــــرا
شـــــــــكرا شــــــــكرا طبعت كلامكم وبذاكره لين يصير ذا الشي عادة ونتعود من نصايحكم كل شوي علشان نتحمس ودعواتكم |
احراج وانت الراجل....
اذا انت انحرجت من ان تغازلها فماذا عساها هى ان تفعل ؟؟؟!! حاول يا أخى حتى تقرب مابينكم ،،،مش كفاية البعد كمان مافيش كلام أسأل حد من اصدقائك خذ منهم رسائل غرامية وراسلها شوف ايه يجذبها أكثر او تهتم به وأشركها انت ايضا فى اهتماماتك... |
أخواني انا اواجة نفس المشكلة
ماعندي سوالف |
والله ياخوي اني اخس منك سوالفنا كلها بالدراسه :29: |
الف مبروك
و لا تقلق الكلام الحلو يطلع منك تلقائيا ترا البنت تحب الكلام الحلو |
السلام عليكم ورحمة الله وبركاته
بالمبارك يالعرسان:) اخواني واخواتي الموضوع جدا بسيط 1_ اطرح مشكله معينه وخليها \خليه ان تشارك في حل هذي المشكله وبكذا يكون في نقاش وعرض اراء وافكار وحلول وبكذا تعرف \تعرفي ان هل شريك \شريكة حياتكم قادر على حل المشكلات المستقبليه تشوف طريقتها او طريقته في حل المشكله خذوا مشكله هنا في المنتدى وحاولوا تحلو المشكله وتتشاركوا 2_ ممكن تشتروا كتاب ( الرجال من المريخ والنساء من الزهره) كل واحد نسخه وتتفقوا انكم بعد كل فصل تتناقشوا في هذا الفصل وتحددوا اساسياتكم يعني احد الفصول تتكلم عن شخصية الرجل وطباعه وسبب دخوله بحالة الصمت ممكن هنا انت ياعريس تقولها ايوه انا في المواقف اللي زي كذا مااحب احد يكلمني ، ابغا كذا وكذا توضح لها انتِ ممكن تسأليه صحيح يافلان كذا وكذا طيب انا كيف اتعامل معاك بموقف مثل كذا وهكذا والله الفصل الواحد او حتى صفحتين تقرأها قبل الأتصال تفتح معاك مواضبع كثيره وان شاء الله اكون افدتكم وربي يسعدكم وييسر أمر زواجكم جميعا ويريح بالكم ويسخرلكم |
اذا الرجل ما بدأ بالمبادرة مشكلة!!!!!!!!!
الله يعينها >>>>> لاتزعل |
أول كلمة تقولها بعد السلام صباح او مساء الخير ياعسل , يا حلوه , يادلوعتي, يا اجمل البنات, يا عيوني , ياقمر , ياهمر هذا الكلام معروف ومايبغى له تذكير :d وعبر عن شعورك اتجاهها انك تفتقدها وأمنيتك تكون ألحين معك وتشوفها وتشوفك ومن هالكلام :28: والبنات يحبون الرومنسيه لازم تكون رومنسي (أستعين بأحد المتزوجين إللي تعرفهم) وانت دائماً لازم تبدأ وهي زوجتك يعني كلامك يطلع من القلب للقلب وإذا تكلمتوا في موضوع خليها هي تتكلم اكثر من منك وباسلوبك رد عليها يعني أنت تطرح السؤال وهي تجاوب والرسائل ياحبذا انت تكتبها بنفسك صحيح بيكون فيها اخطاء لاكن فيه فرق بينها وبين الرسائل العادية وإذا تبغى تنتهي من المكالمه قولها أحبك وأموت فيك وألف ألف ألف مبروك مقدماً |
| الساعة الآن 12:37 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©