والله في بعضهم يشوف انه مكسب رزق

اعرف حرمة كبيرة في السن تشتغل خطابة مقابل فلوس
وعمي الله يشفيه فيه مرض نفسي ويتعالج وهذا مب عيب لكن الخطابة ماقالت حق اهل العروس
والعروس عندها في يدها اليمين الصبع الثاني والي يقولوله بنصر مو متاكدة نصفه مقطوع
وماخبرو اهل العريس وتمت الخطبة والملجة في نفس اليوم وبما ان الاصبع شيء ظاهر شافوه اهل العريس
بس نسوا السالفه لانه مابيطلقها عشان صبع المهم دارات الايام وفي يوم عمي تعب وعرفت زوجته وطلبت الطلاق
لانهم ماصارحوا اهل العروس بانه مريض ومسكين عمي مضى على القصة اكثر عن عشر سنين والحين ماعرس
الله يرزق بالزوجه الصالحه
المهم شكلي طولت بس اختصار كلامي ما في احسن عن امك او اختك تخطبلك
لان الخطابة مايهمها مصلحتك مثل الوالدة الله يحفظها ويطول عمرها
والواحد لازم مايغطي على عيوبه لانه مابيتزوج حق يوم ولايومين بيكون العمر كله والله يوفق الجميع
تحياتي
اختكم
نبووووووووض

هذه الطريقة غير مألوفة في مجتمعي لذلك لا اعرف سلبياتها وايجابياتها ، وبصراحة افكر اشتغل هالشغلة :) لكن تطوع من دون فلوس ، رغبة في عمل الخير في التوفيق بين راغبين الزواج والراغبات خصوصا مع ارتفاع نسبة العازفين عن الزواج والناضجات ، بس اللي مخليني مترددة في هذا المشروع هو نظرة المجتمع لي ، الذي يحكم بشكل متسرع وسطحي .

الزواج عن طريق الخطابة إذا كان هدفها الكسب المادي ما ينفع ابدااا ونادر جدا جدااا ما تنجح
أما إذا كانت تعمل لوجه الله لا بأس من الزواج عن طريقها
رغم أن 65% من الزواجات اللي تتم عن طريق الخطابة تنتهي بالطلاق

أنا مع الخطابة المخلصة التي تجمع بين الاستفادة والإفادة

ويكون دورها محدود بحيث لاتعتمد عليها في كل شيء

يعني هي تكون حلقة وصل والباقي عليكم من السؤال عن الطرف الثاني البحث والشروط والعيوب وإلى آخره

واللي يقول وين أمه وأخته وعمته فيه ناس علاقتهم في المجتمع محدودة أو الذين يعرفونهم لايناسبونه