المشاركة الأصلية كتبت بواسطة اوهو

انا الحين بعد مخطوبه مثل حالتك وكان خطيبي ما يكلمني بالتلفون باختصار مثل القصه بالضبط وكنت اتضايق شوي
بس الحين صار يكلمني وتحسن الوضع
انت كلمها باحترام ولا تخاف ان بقل احترامها لك

المشاركة الأصلية كتبت بواسطة أحلى بيبي وبابا

يمكن رأيي يكون غلط ويمكن يكون صح

بالنسبة لي. انا انخطبت ونملكت على طول فزوجي استئذن من أبوي علشان يتصل فيني بالتلفون ونتفاهم على التفاصيل مثل الأثاث ومنطقة السكن وأشياء وايد

بصراحة هالشغلة قربتنا وايد من بعض ورفعت شوي من رهبة ليلة العرس... خصوصا ان زواجي زواج تقليدي وزوجي غريب ما يقربلي.

وعسى الله يوفقك.

المشاركة الأصلية كتبت بواسطة whitemoon

اخي صلب الاراده
فتره الخطوبه فتره جميله جدا
هي من اجمل فترات الحياه
تقترب فيها من شريكه حياتك
هي فتره للتعارف سواء من ناحيتك او ناحيتها
وبالنسبه للمخطوبه تكون متلهفه لرؤيتك وسماع صوتك
وذلك بلاطمئنان عليها , هناك امور بسيطه يمكن للخطيب عملها اتجاه خطيبته
تشعرها بالسعاده والقرب من زوج المستقبل
هذا رأي....
اسأل مجرب ولا تسأل حكيم

المشاركة الأصلية كتبت بواسطة زوجتي وأنا

إذا تم العقد الشرعي كلمها وشاورها في ما تريد . .
وبين لها سبب عدم أتصالك بها . .
وبين لها أهتمامك بها فسوف تغير نظرتها لك أن كانت هناك نظرة سلبية تجاهك . .
بالتوفيق إن شاء الله . .

المشاركة الأصلية كتبت بواسطة ضايعه فالدنيا

بالعكس المفروض ما اتكلمها وانت ما ملكت عليها..

واللي انته سويته هو الصح..

انطر لين عقد القران وبعدين كلمها واتفاهمو على كل شي..



الله يوفقك..