نصيحة خليك طبيعي ولا تتصنع أو تقلد أحد ..

كل انسان له طبعه ...قل بسم الله .............

ادخل صافحها وبس كما قالت الاخت ( العفو نسيت اسمها) اما البوس قدام الناس

احراج بالذات قدام البنات اللي مو متزوجات .

واذا ضروري تبوسها .......بوسها في جبهتها ( على راسها )

بالنسبة لي احتقر العريس اللي يكثر من البوس قدام المعازيم

او قدام الناس .............

وأحسن حاجة انك تتصل بعروستك وتتناقشوا وتسألها ايش تسوي ..

انه اقول تسوي الشي اللي يريحك وانه بعد ما آأيد الزوج اللي يبوس زوجته جدام الناس ،اول ما تدخل عطها ذيك الابتسامه الحلوه وسلم عليها واقعد يمها وبعدين لين رحتو بروحكم خذو راحتكم

انا بقولك احلى خطه مجربه اطرد المصوره برا مدام انك زيي بدوي ولاتحب الزحمه لان المصوره بتسوي لكم حركات مايعلم فيها الا الله ومدام انك ماشفتها يعني هي تستخي منك وانت نفس الشي المشكله قدام الموجودات


الخطه

1- طرد المصوره

2- اذا كان ولابد التصور صور في غرفه في قصر الافراح وانتم رازين خششكم قدام العالم يعني بتكون صور طياريه وسريعه

3- لاتسلم ولا تلمسها ولا تقرب لها سلم على الموجودين بكلمه السلام عليكم

4- الاتفاق مع احد الخالات او العمات اتفاق سري يكون بمقتضاه طرد خالاتها وعماتها وخالتك وعماتك بعد بكلمه خلو المعاريس على راحتهم شف القف وحده من الخالات او العمات جريئه يعني هي اللي تقوم بالمهمه

5- لاتحسب حريمك بيجن معك مهن فاضيات لك بيكونون بالصاله يعني الاتفاق مع وحدة ضروري جدا ولاتروح للشقه الا وهي معك عشان اهلها مايستفردون فيك



ربنا يوفقك لما يحب ويرضى

هناك حركة رومانسية تؤثر كثيرا في قلب المرأة ، ولكن لست ادري ان كانت مألوفة او مقبولة في مجتمعكم .
عندما تصافحها وأثناء وجود يدك في يدها ارفع يدها الى مستوى فمك وقبل يدها بينما تنظر في عينيها نظرة حب ( لا تنظر الى يدها بل الى عينيها اثناء ذلك ، دع نظراتكما تتعانق ) .

لا لا ..
هالحركة الخليجيين مايحبونها ..:21:
القبلة على الراس ارقى عندنا..;)
أو إذا إنت من النوع الخجول :o وللي بسرعة ينحرج أكتفي بالمصافحة ..:22:
وبالتوفيق..:14:

يعني يقعدون ياكلونك بعيونهم يبردون وجهك بسوالفهم او يتوشوشون عليك وجالسين على قلبك ولا يقومون فانصحك بأن يكون معك سند لطردهم يعني خاله عم اخت كبيره ام تقول خلوا المعاريس على راحتهم وعلمها تقول كذا عشان ينقلعون عنك وربي ماعندهم مشكله يجلسون للفجر ولو عندك شيشه يشيشون :)


وبعدين لاتصافحها حط براسك انها مستحيه ولا راح ترفع عينها بعينك تخيل ياخي مامدت يدها والله لتقوم تمسّح عرقك ببشتك ولا يكفي وتصير ملطشه لكل اللي شافوك انا احط الاحتمال الاسوء عشان ماتطيح فيه


ردد كله لو مامدت يدها وشلون بيكون شكلي ولو جيت تبوس راس ولا جبهه ووخرت عنك فالمصيبه اكبر خلك زي ماقلت لك سلم وانت واقف واقعد واشتغل بالتصريف المخفي يعني شغل حريمك يصرفون ويصرفون نفسهم بعد التصريفه الكبرى


ربي يهنيك ياشيخ دنت لسا قديد <<< على قولت اخوانا المصريين

بهاذي والله انك صادق:22:

ياخي هاذي سوالف حريم ما يخلونها خرابيط وتصوير

مالها داعي

والله مشكله اذا جابولي مصوره

ما اقول الا الله يعين بس ههههههههه

مشكورر اخوي uhhh على الرد الله يوفقك

uhhh

حلوه السند علشان تصريفهم
البعض منا يغفل عن هالعلوم هذه .. تخبر عزوبيه اذا دخلنا مانشوف ننعمي ...

لكن بالنسبه لي ماعندي اي تحركات حتى الابتسامه الى بعد انسحاب جميع الاطراف من ارض المعركه :d

شاكرا لك تنبيهك

هههههههههههههه:d :d

حلوه يشيشووون ذي تجي عليهم

تصدق على قولتك اني مفكر اني ما اصافحها اخاف تكسحني ههههههههههههه

وامسح عرقي ببشتي ههههههههه:d

خلاص بسلم واجلس احسن شي

لا يصير مريت بنفس الموقف بس:14: :14: :14:

يالله لك الحمد رحم الله امرء عرف قدر نفسه يعني قبل مايصير شي احسب حساب الفشله

وبعدين ياخوي حنا مانتورط دام حنا بالمنتدى ولك من الناصحين ان شاء الله واي سؤال استفسار حاضرين

واذا تسألني عن الموقف اني متزوج انا متزوج ولله الحمد الحين مكمل سنتين ونص

شف يالغالي احسب بالتقويم من يوم عرسك لمدة اسبوع وانت تتعرف عليها يمكن تستحي منك لكن عادي شف التقويم متى كان عرسك احسب من بعد الاسبوع وكمل ثلاث شهور ممكن تصير مشاكل وممكن بعض المشاكل تفكر فيها بالطلاق .......... ممكن طول المده من ثلاث شهور الى سته يعني تتراضون اسبوع تهاوشون اسبوع لكن بعد المده المتوقعه راح تكون سلطان زمانك وراح تقول معقوله كنت بطلقها