منتدى عالم الأسرة والمجتمع - مشكلة فارق العمر

أنا مع كلام البحلة بالنفس
والله كلامها سليم 100%
انا ملك علي زوجي وعمري 15 سنه توي مخلصه الكفاءه وهو 23 سنه
بس أبويه الله يحفظه شرط عليه ما يتم الزواج إلا إذا خلصت الثانوية العامة
وتزوجت وعمري 18 سنه لكن بصراحة كان أكبر خطأ في حياتي لأني اتذكر أشياء
والله إني اللحين أستحي على نفسي
أولاً أيام الملكه ما تهنيت فيها كل همي دراسة ولعب الرجال مسكين يبغى يجي يقعد معي شوي
يبغى كلام حب وغزل وانا ولا همني بالعكس أركض أجيب كتاب عشان يحل لي مسأله ههههه
او اطلبه يجيب لي تمارين وأسأله من برى ويوم تزوجت ورحت عليه اموت في جلسات البنات
والسهر معهم تخيلوا ثالث أسبوع من زواجنا وبعد ما رجعنا من السفر هو يروح ينام بغرفتنا
وانا مع خواته نلعب بليستيشن واطلع معاهم إذا راحوا ملاهي
يعني عقل مييييح ما فيه لكن الله يسعده صبر علي صبر أيوب
واللحين صرت عال العال وياليتني تزوجت وعقلي كذا الحين كان ما أفوت لحظه حلوه
*****
سامحوني طولت عليكم لكن خلاصة الكلام إذا البنت عارفه معنى الزواج والإرتباط بشخص آخر
فليس للعمر دخل بالعكس لما يكون الزوج اكبر من زوجته بيتفهم لوضعها حتى لو غلطت أو قصرت بشي
لأنه يتذكر انها صغيره ويعذرها زي ما يقولي زوجي اللحين يقول حرام كنتي صغيره مو واعية لمعنى الزواج بحذافيره
وفق الله الجميع لما يحبه ويرضاه