|
لم تخطئ
الراحه اهم شئ في الخطبة والله الموقف |
حزنت للخبر .. الله يعوضك خير يـــااارب
إنت تقول إنك ( ما ارتحت ) لها وهنا مربط الفرس القبول هو أساس الاختيار ومادام إنك شفتها .. وما ارتحت لها .. وحاولت ( تقنع نفسك ) فيها وما اقتنعت إذن .. البنت ماهي من نصيبك .. عسى الله يعوضك خير عنها *** ملاحظة .. ممكن النظرة الأولى ما يحصل فيها قبول لكن مع ترداد النظر يحصل القبول !! |
لم تخطيء
الامر عادي جدا ولذلك كانت النظرة الشرعية لكشف امكانية حدوث القبول ، انا نوع من الناس لا يمكن اقبل بدون انجذاب ، لكي لا اظلم نفسي واظلمه . حتى لو كانت ملكة جمال مو شرط تنجذب لها لان الجمال امر نسبي ، واحساسك تجاهها مهم ايضا واقول لاخواتي : لو الامر مسألة جمال ما كانت بقيت جميلات بدون زواج ، ولا غير الجميلات متزوجات وسعيدات فالمسألة مسألة قسمة ونصيب عليك اخي بدراسة الامر المرة القادمة قبل الشوفة وتحديد ما الذي تريده بالضبط ، مع اعطاء احتمالات لعدم تطابق ما تريده مع الواقع 100%فاقبل ببعض التنازلات ان كانت الاولويات الاساسية بالنسبة لك قد تحققت . اسـأل الله ان يعوضك خيرا |
الله يكون في عونك يا اخي الكريم ,,,
انا كمان مثلك العريس اللي اتقدم مرررة سمين شفته من بعيد ولكنه اخلاق وكل شئ ومافيه شئ يعيبه غير السمنة وانا اللي قمت بتأخير موضوعه عشان اخاف ما اقبله واظلمه معايا ففكرت كثير ولكني غالبا شكلي بارفض لانه لسه اول عريس ومن حقي اخذ فرصتي كمان شوية بالتوفيييق ان شاء الله بي يعوضك بالافضل ,, ومسكينة البنت ,, |
الله يعوضك عنها خير ويرزقها هي كدالك خير ان شاء الله
امر عادي لان القبول شىء لابد منه وما تلوم حدا مهما وصفولك اهلك الامر يتعلق بك بنفسيتك وانت صاحب قرار وشان ودا تحديد مصير الله يرزقك بزوجة الصالحة ا ن شاء الله |
لا لم تخطأ وهذاا حق مشروع لكل خاطب
وتأكد ان الفتاة ذاتهاا لاتكن لك الا كل احترام وتقدير النظره الشرعيه لم توجد عبثاا انما كان الهدف منها الارتياح فالجمال ليس شرط للقبول والزواج انماا هنااك مااهو اسمى واهم وهو من اجله ابيح للخاطب النظر لمخطوبته الا وهو الشعور بالارتياح والاطمئنان واللوم لايقع على احد فلاتلوم نفسك ولاحتى اهل بيتك وهذاا نصيب الحمد لله على كل حال واتمنى التوفيق لك |
أتفق مع الأخت البتول
ولا تنسى الإستخاره والستر على بنات الناس الله يرزقك ويرزقها في عافيه والسلام |
اهلاآ بك اخي وفعلن افتقدنا وجودك وبصراحه امر محزن
الله يعوضك خير اخوي وانت لم تخطيء أبدآ .. وان شاءالله استفد من تجربتك يعني لو حبذا لو راتها الوالده او احد من اخوتك عشان ماتصير مثل ما صار لهاالبنت ولاتتسرع في اتخاذ القرار الا بعد الاستخاره والخيره فيما اختاره الله .... واتمنى ان الله يرزقك بالزوجه الصالحه وان نرى موضوع يبشرنا عنك تحيتي |
طبعا شي طبيعي منكم ياحضرات الأعضاء مع احترامي الشديد لكم تقولون للأخ انت مااخطأت .. لأنه وبكل بساطه ماجربتوا اللي جربته البنت ومرت فيه .. واحتمال كبير مافيه عندكم اخت او بنت جاء واحد شافها واتصل يعتذر ....
يااخي ... الصراحه ... ولا تزعل .. انا اقول لك انت غلطان وستين الف غلطان ..مو لأنك تراجعت عن الخطبه .. هذا اكيد خير لها ولك .. لكن. لأنك بصراحه ماشي مع رأي اهلك وخواتك وهذا كلامك اقتباس:
وابي افهم اكثر ... ليه الرجال اول يتخبون للبنت ويشوفونها وتعجبهم وبكل بساطه يتزوجون .... وليه الشباب الحين وكثير منهم مايتزوج الا بعد مايدخل عشرين وثلاثين بيت .... اقول لكم ليه ... لأن عقول الشباب مغسوله بكلوركس << واسفه على التعبير ... مغسوله وغسيل ممتااااااز ومزيله كل الوان الطيف فيها ...وغير كذا مافيه اي شجاعه او جرأه بأتخاذ قرار مصيري مثل الزواج .. وبصراحه اكثر احسهم صايرن جبنااااااء بموضوع الزواج ومافيه قوه تدفعهم يتممون المواضيع هذي من غير تررد او حيره ... لاحظوا كثير من المواضيع هنا لشباب يقولون ... كبيره اتزوجها والا لا ؟؟؟ سمينه اتزوجها والا لا ؟؟؟ صغيره اتزوجها والا لا ؟؟؟ قصيره اتزوجها والا لا ؟؟ طويله اتزوجها والا لا ؟؟؟؟؟ ماااااهم عاااارفين ايش يبغون .... ونقطه الجمال هي المسيطره على ثلاث ارباع تفكيرهم .. وماراح نقول ان الجمال مو مطلوب .. الا هو اول طلب واخر طلب ... لكن المصيبه انهم يشوفون الخطيبه جميله ومع كذا يقولون مو حلوه ... بسبب ان العقول تبرمجت على اللي يشووووفونه في المحطات وياللأسف ... وبعدين للي يقول الغلطه غلطه اهل البنت لأنهم خلوك تشوفها اول وماشافوها قبل ( الوالده والأخوات ) هذا شكله مو في الصوره ولا يدري ان حتى الحريم يدخلن ولا خمسين بيت ولا يعجبهم ولا بنت ... ولأنه الحين القوه والسيطره بيد العنصر النسائي في مجالات كثيره من مجالات الحياة .. الناس بدؤا يرفضون رؤيه الأم والأخت للبنت لأنهم عارفين ان ذوقهم اصعب من ذوق الرجل .... وممكن اذا شاف البنت اول من غير تأثير من امه وخواته يكون فيه نصيب ويألف الله بين القلوب .... وشي اخير اخي حابه اضيفه .. انت ماتأثرت ولا زعلت من اللي صار خوفا انك جرحت البنت او غيره ... ولافيه اي شاب يهتم او يتأثر بموضوع مثل كذا .. اللي صار مجرد حرج من ابوها او اخوها ويوم يومين بالكثير وينسى ويروح للبيت اللي جنبهم يخطب ولا كأن اي شي صار .... اللي ابي اقوله يااخي اخيرا .. انت اعرف ايش تبغى انت مو والدتك وخواتك ....وتأكد انه مافي اي بنت في الوجود كامله ... وحتى اذا وجدت مافي اي شي ممكن يدوم ...والله بين يوم وليله يقلب القلوب ويغير الاحوال .... الله يوفق الجميع ويسعدهم ويفرج علىالكل الهم وييل عنهم كل غم وحزن ....خصوصا البنات اللي يشوفونهم الخطاب ويقولون حلوات بس مانبغاهم ... |
اشكر الجميع على الردود والمواساة ..
اقف هنا لـرد الاخت لولو .. اولا - اقتباس:
حقيقة ارى انك قسوتي كثيرا علينا نحن الشباب وعن توجهنا في الزواج واختيارنا بان تكون الزوجه جميله .. واننا لا نهتم في مشاعر الفتاة بعد الاعتذار .. وكيف تريديننا ان نتجرأ ونتخذ القرار المصيري للزواج بتلك السهوله التي تتوقعينها ... الزواج صعب يااختي ليس بالسهوله المتصوره ... نحن نطمح لبناء اسرة ناجحه ومتكامله وسعيده .. اختيار الزوجه ليس بالسهوله .. ومن حقي ان اطلب المواصفات التي اريدها مع امكانية التنازل طبعا .. ======= اما مســألة تجاهلـنا وعدم اهتمامنا في شعور الـفــتاة لا والله ان مااحزنني هو شعور تلك الفتاة واني سبب في كسر خاطرها .. وجرح مشاعرها... اما اخوها او ابوهـا فطبعا اخجل منهم ولكن هذا المكتوب شكرا للجميع على الردود .. |
| الساعة الآن 05:31 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©