|
رد: طليقتي تزوجت
قرأت ردودكم .. ورحم الله والديكم
وردودكم محل اهتمام وتقدير .. رغم الاختلاف في بعض وجهات النظر فأشكركم على مروركم العطر وتأكدو وصدقوني اذا قررت عالزواج بعطيكم خبر . واللي تشوفوه مناسب يصير . لكن خلو اموري تزين اكثر بعد سنه ان شاء الله . وراح اتزوج .. وأما الحين فمرتاح وتقدرون تقولون بنسبة ٨٥ في الميه لأن اللي انقهرت منه بأنها تزوجت وعندي منها اطفال . تمنيت رجعت لي رغم اني نادم على اخطائي . لكن الله اراد بي وبها الخير وهذا مقدر ومكتوب ولا اقول . الا الحمدلله على كل حال . والله يعوضني بأحسن منها ..والله يسهل الأمور |
رد: طليقتي تزوجت
اقتباس:
اللي مضى مضى والله يستر عليها وبالمناسبه .. ترى مو انتي فقط اللي تقولين هالكلام من ناحية راح تتطلق ويمكن ترجعلك كثير من الناس اللي قالو مثلك اولاً/ هي اقدار ولانعلم الغيب . ولايعلم الغيب الا الله سبحانه ثانياً/ لو افترضنا زي ماقلتي وقال لي الكثير من حولي .. يمكن تتطلق ويمكن تبغى ترجعلك .. وأنا اقول لو فعلاً تطلقت وتبغى ترجعلي سواء انا تزوجت او لا .. اقسم بالله لو انها مدهونه بالمسك والعنبر والكادي .. ماترجعلي ولو على موتي .. تقلب وجهها .. انسانه نزلت من عيني ومعاد لها قيمه .. كيف تبوني ارجعها .. انسانه باعتني وانا كنت شاريها .. وأنا طيحت من كرامتي لعيون اولادي .. خجلت من نفسي .. والله ثم والله ان قلبي مثل الحجر مايلين الا لله سبحانه ولكن هذيك الايام ضعفت وهذي هي الحقيقه.. ليه اعذب نفسي في انسانه ماتستاهل .. انا من الناس الكتوم وجميع اهلي مااقول لهم اللي بصدري .. هالحين انا اقولها لكم لانكم مثل اخواني جميع .. اقسم بالله اني لعشت هموم واحزان ونحفت ومعاد لي نفس في الاكل كثير .. كنت اتظاهر امام الناس اني مرتاح .. يعلم الله زملائي بالعمل مافيه ولا واحد اشتكيت له ولا احد يدري عن موضوعي حتى هذي اللحظه .. ماهو انا اللي اكون ضعيف قدام الناس .. انتم فقط اللي اذكر لكم مافي صدري .. يعلم الله ورغم انكم خلف الشاشات الا انكم مثل اخواني.. . مستحيل اعطي خبر لزملائي او اشتكي لهم .. ماني ضعيف ..هذا انا تربيت على كذا .. عشت هموم وأحزان لأجل اطفالي .. تمنيت انا رجعت لي طليقتي .. يعلم الله اني نادم على كل شي .. وهي بالغت وبالغت وبالغت في زعلها ولكن هذي اقدار الله اللي كاتبها . فلا حول لنا ولا قوه .. ليه عشت هذاك الهم والحزن ونحفت .. ليه سوت فيني كذا .. هي ماتستاهل .. ياناس قدرو الظرف اللي كنت امر فيه ... اقسم بالله اني الحين مرتاااااااااااااااح وأحس انشراح بصدري .. ولاعاد افكر فيها ابد .. الا في بعض الأحيان لما امر مكان وسبق رحنا له انا وطليقتي .. هذا المكان يذكرني بها .. ولااخفيكم تظل الذكريات موجعه ..ومستحيل انسى اجمل وأحلى الذكريات اللي كانت بيننا .. كان بيننا ١٠سنوات وهي عِشرَة عُمَر .. كيف انساها ومستحيل ..رغم اني كرهتها .. لكن مستحيل انساها حتى لو تزوجت .. وابشركم الحين أرتحت اكثر واكثر . وكل من حولي يناديني عالزواج .. يعلم الله اعرف رِجال كفو بما تعنيه الكلمه ونادوني عالزواج اللي قريبته معلمه واللي اداريه واللي واللي . لكن الحين قلبي صار قفل . ماابغى الزواج الا بعد سنه . وترجيت جميع اهلي لا احد يجيب لي سيرة الزواج الا بعد سنه . ابغى ارتاح .. والله ماانسى هذيك الايام .. حسافتي وحسرتي وندامتي لأطفالي .. تمنيت ان طليقتي رجعت لي عشان اطفالي .. لكن يمكن خيره ... والمؤمن لايعترض على اقدار الله .. والله يختار لنا الاصلح .. ولا اقول الا الحمدلله على كل حال ... ويمكن خيره .. والله يعوضني بأحسن منها |
رد: طليقتي تزوجت
لا تزيد المواجع خلني قد نسيت
لا تقلب بقلبي صفحة الذكريات انتهى الحب وانت من حياتي انتهيت كل منا تخير له طريق الحياة ما اريد اتذكر ماضي به شكيت منيتي بس انسى ما تعدى وفات لا ذكرتك حبيبي من فؤادي بكيت وامطر الدمع الاحمر وجنتي والشفات ليتني ما عرفتك ليتني ما هويت لا رسمتك في عيني اجمل الامنيات لا جعلت القصيده تبكي بكل بيت لا كتبت المشاعر من فؤاد وزاد اعتبرني محباً في غرامك وفيت ابـعـدتـه الليـالــي عن عيونك ومــات او مجرد خيالاً غاب عنك وسليت مر بالنوم واصبح في نهار الشتات بعد ما انته بغيري يا حبيبي رضيت ابتعد عن حياتي ما تفيد الاعذار اطلب الله بقربه يسعدك ما حييت واطلب الله لقلبي عنك صبر وسلاة الحمدلله على كل حال مرتااااااااااااااااااااااااح والله يعوضني بأحسن منها |
رد: طليقتي تزوجت
اقتباس:
انا توني مطلق زوجتي رابع أيام عيد الاضحى صارت بيننا مشكله وكبرت اكثر واكثر وفقدت اعصابي وكل واحد فينا يحس انه تحمل الثاني فوق طاقته وانفصلنا. قبلها بأسبوع كنا نقول احبك واموت فيك هههههههه نفسيا ما تأثرت يمكن لأني ماشعرت بالاستقرار ومع كثرة طلبها للطلاق توقعت حدوثه فعادي عندي وهي ماتأثرت ابدا كانها ماصدقت على الله حصل الطلاق وافتكت مني هههههه فيه مشكله بيننا وحلقة ضايعه عندي الآن بعض الخيارات للزواج مرة اخرى وهذي المرة ماراح انتظر سنة مثل أول لا بالكثير 3 شهور متملك و 3 شهور متزوج ان شاء الله اذا صلحت لي الانسانه اللي برتبط فيها حاليا مشغول يومي كله ماعندي وقت أفكر فيها او باللي صار اودي العيال للمدارس واروح للشغل اطلع من الشغل للبيت اذاكر للعيال ونخلص مذاكرة اكلم 2 من الشباب نروح للنادي النادي اقضيها تمارين وحديد وسباحه ارجع للبيت 9 ونص نتعشى وانوم العيال وانام انتهى اشغل وقتك وعيش ياعزيزي |
رد: طليقتي تزوجت
اقتباس:
|
رد: طليقتي تزوجت
لازم يعني يسحب عياله من امهم
وهو غير مستعد لهم |
رد: طليقتي تزوجت
لي عن طليقتي ٨ شهور ماشفتها ابد . ولا لي تواصل معاها .. ولا ابغى اتواصل معاها ومن يوم اخوها جاب زميله وتزوج طليقتي
معاد شفتها ابد . وخلاص بعد ان هي تزوجت طاحت من عيني وقلبي . وأرتحت نفسياً وكل من حولي قال هي اقدار والله يدبر الأمر . وارضى بما قسمه لك امس وأنا ماشي بسيارتي العصريه ورايح المكتبه وتعدتني سياره وطالعت في اليمين وأتضح ان طليقتي راكبه بالخلف وأنا تجاهلت الموضوع وأنا واصلت المشي ورايح للمكتبه ووقفت عند المكتبه وجاء أخوها ووقف بالسياره عند المكتبه وماانتبهو لي . وهي نزلت من السياره وماانتبهت لي . وشفتها ... اقسم بالذي رفع السماء وبسط الأرض اني بكيت .. بكيت من العِشرَه وهي ١١ سنه عِشرَة عُمَر اللي كانت بيننا حب وإحترام . بكيت من الفراق اللي حصل بيننا بكيت وتذكرت احلى ايامي معاها بكيت لاني حبيتها بصدق بكيت وقلت في نفسي يمكن خيره .. انا تركت المكتبه ومشيت .. وأقول في نفسي يمكن خيره .. صحيح كرهتها كره العمى .. ولكن مانسيت احلى وأجمل ايام عمرنا قضيناها بالخير والشر .. موقف صعب يوصف .. الشاهد الله ان قلبي مثل الحجر مايلين الا بذكرالله . ولاني ضعيف .. لكن بكيت وأقول في نفسي الحمدلله يارب .راضي بما قسمته لي . وهي اقدار والله كاتبها .. والله يعوضني بأحسن منها . فمانعلم وين الخير . الله يعلم وأحكم وهو يعدل بين عباده . فالحمدلله . وأبشركم بأني قررت للزواج بشهر ٧ السنه الجايه عام ١٤٤٠ إن شاء الله . ولقيت عروسه معلمه تسوى الدنيا ومافيها وذات دين وحسب ونسب وجمال وأخلاق ومن بيت معروف والجميع يشهدلهم بالصلاح والخير والكرم والأخلاق . وهي متواصله مع اخواتي وتبغاني العروسه . انسانه طيبه.. وراضيه بأني راح آخذ اولادي ويعيشو معانا بالوقت اللي راح اخذ فيه اولادي ووافقت .. وأنا من فضل الله ومو مدح لنفسي . وسيم وشباب ووظيفه معروفه ورسميه . ومحافظ عالصلاه ولا ادخن ولاني حق خراب والحمدلله سمعتي طيبه . فرحم الله والدي اللي رباني على الطيب . اسأل الله سبحانه التوفيق والسداد .. والخيره فيما يختاره الله . ماتمنيت نفترق انا وطليقتي .. ولكن الحمدلله على كل حال . والله يسامحها ويسعدها .. ويوفق كل من في طريقه والشاهد الله انه مقدر ومكتوب |
رد: طليقتي تزوجت
اقتباس:
علق قلبك بالله فقط فهو الرجاء الذي لا ينقطع سبحانه اما غيره فالى زوال اكثر من قراءة البقرة و قيام الليل وستصير امورك الى مايرام اول ماتطري على بالك اذكر الله و استغفره واقطع حبل الذكريات مباشرة لا تسترسل اطلاقا |
رد: طليقتي تزوجت
الله يجبر خاطرك ببنت حلال تملأ عينك وقلبك أنت رجل طيب وصادق ولا ألومك أن تبكي وقد فقدت بيتك وأطفالك ومن كانت زوجتك باسباب كان بالامكان تجاوزها ولكن قدر الله ماض وشاء وقدر وكان ما أراد وكل ما اختاره لنا له الله خير وأعلم معلومة هامة أن الشيطان يدخل عليك من هذا الجانب ليحزنك فالشيطان يفرح بحزن المسلم فاحذر من مدخل الشيطان عليك وعلى قلبك وبادر بالخطبة إن استطعت لعلك تسلى
دعواتي لك بالتوفيق والسعادة والعوض الصالح |
رد: طليقتي تزوجت
السلام عليكم
اخوي ساري الليل الله يعوضك بأحسن منها وينسيك هيا اتمنيت طليقي يتمسك فيني زي ما اتمسكت بأم اولادك لكن للأسف باعني وماهمه لا بيته ولا أولاده لأسباب كان ممكن حلها وطلبت يعطيني فرصه لكن رفض بسبب امه مو راضيه يا خسارة العشره والايام الحلوه ما ألومك لما تحن وتتذكر العشره اللي بينكم وباين انك إنسان طيب وربي بيعوضك.. |
| الساعة الآن 05:24 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©