|
اقتباس:
أختي ....بدت الناس تتكلم .....وأنا يصير ما يصير ولا تتكلم الناس |
اسمع اخوووي لا تتعب روحك بالنااس
اكيد زوجتك لها حول الشهر ببيت اهلها اكيد راح يتكلموون بس انت طنش والي يسألك لاترد عليه قلهم اي شي سكتهم يعني هذي خصوصياتك صدقني اريح لك انهم مايعرفون شي اما زوجتك اذا صارت البنت معك من الممكن انك تلمح لسالفة العرس بس مو لها لانها الان واضح انها معصبه وتبي نقاش وهواش لا تعطيها هالشي اذا قعدت البنت معك فتره وكذا تقدر تسووي تمثيليه على الجمييع بمعنى تكلم امك تدور لك عروس !! طبعا خلك جاد وهي راح يوصلها الكلام بس اهم شي مو الان اصبر وقت و لاتقولها انك بتعررس لان اللي يتكلم مايفعل هذا الي بتفكر فيه لكن لو سمعت انك من جد تدور على عرووس راح تليين بس مو الان كل شي بوقته حلو الشي الجميل عن هالتمثيليه انها لو مانفعت مع زوجتك تقدر تخليها واقع لانك ماقلت لاحد انك بتخووف زوجتك يعني انت رجل رميت بنتك بوجهك مرتين و زوجتك طردتك من بيت اهلها والله مايصير لهم وجه يكلمونك اطلب من امك انها تدور لك عرووس وذا قالت امك شي قلها الله يخليك يايمه هذا موضوع انا منتهي منه اذا مادورتي لي انتي بنت ناس وطيبه وحبوبه ترا بساافر واتزوج من برا :17: ومثل ماقلت لو مانفع فيها كمل طريقك راح تلقى امك بنت الحلال الي تسترك وتحترمك وعش حياتك والحين خذ بنتك والان فرصتك انك تتسلى فيها و تسافر فيها من دون ماتدري امها :26: صدقني وضعك كووويس بس تذكر سلاحــك الان الصبــر اصبر ياخووووووووي وان شاللــه ربي بيحللهــا |
اقتباس:
أخوووي ..ماعندي أحد يمسك بنتي ....أمي عندها ظروف تمنعها من مسك الأطفال ....وعندي أخت بس متزوجه وعندها 3 أطفال ....واختي هذي لو أطلبها عيونها تعطيني اياها وتحب بنتي وتمسكها عااادي وزوجها هم يحترمني ولا عنده أي مانع وبالعكس يحب بنتي >> بس أنا أستحي لان عندها 3 أطفال .. وثانيا: الناس بتقعد تسألها ليش بنت افلان عندك ...... أنا اقتلني ولا تخلي واحد جاهل أو نشرة أخبار او متطفل يسأل عن شؤوني الخاصة ...يجن جنوني هالشيء .. نعم لو كان السائل عاقل ويسسأل بهدف الإصلاح وتقديم المشورة وهو حافظ لأسرار الناس حتى لأقرب الناس له .. أفتح له قلبي واحب رأسه كمان ... بس هل هاللي يسألوا عقلاء ؟؟؟ |
اقتباس:
كلامك جميل زوجتك عاشت معاك سنين وتعرف هذا الشي فييك وبتحاول انها تستفزك عشان ترجعها هي تفكر ببالها انا ارسلت له رسايل وحاولت استفزه ومانفع طبعا هي بتخلي الاعتذار اخر حلولها لانها مثل ماتقول فاهمه الكرامه غلط اكيد فكرت بالحل هذا لانها تعرف انك ماتحب ان الناس يتكلمون عن بيتك فتحاول انها تلوي ذراعك انت خلك اذكى منها وخذ البنت بصدر رحب وكأن في راسك اشياء ثانيه يعني لاتقول لاخوها ليه ولا ترسل لها رساله هي تبي تشووف ردة فعلك بمعنى اوضح تبيك تتورط فيها وتحرجك قدام الناس عشان تضطر انك ترجعها وهذا من اسوء الاشياء الي تستخدمها الزوجه ضد زوجها والاغلب ان خواتها او احد نصحها قال خليه يتورط فيها عشان يعرف قيمتك وكذا تعرف تفكير الحريم اما مسألة وين تحط البنت هذا يبيلها تفكير من عندك اذا لقيت حل مناسب صدقني راح تلوي ذراعها وتحرجها بشكل كبيير انت شووف اذا فيه شغاله ببيت اهلك انقل انت و بنتك هنااك هالموضوع ماعندي خبره فييه انت ادرى مني بس لازم تلاقي حل لا ترد بنتك خلها معك افضل لك عشان سالفة العررس تضبط عشان يصير عندك اكثر من سبب انك تسووي التمثيليه الي تكلمنها عنها:d |
اخي الكريم بعض الضروف تحتم علينا ان نكون شديدين... يعني انت انسان طيب ومسالم لذلك الناس تقدر تتعدى حودها معاك وتتجرأ وتسأل لو انك شديد وحازم الناس ما تقدر تكلمك بخصوصياتك ..تدري ليش لانها تخاف من ردت فعلك الناس عارفة شنو ردت فعلك ...انت طيب ... خلك حازم ...ادري صعب عليك ...بس لازم .... ان الله لا يغير ما في قوم حتى يغيروا ما في انفسهم .... لا بد من التغير ..التغير الجذري ... الحزم..الشدة في بعض الامور ... خل بنتك عند اختك اطلب لاختك شغالة تساعدها ...اصبر راح يتغير الحال الى الاحسن ان شاء الله ...... |
اقتباس:
أول ما طردتني رمت بنتي ....بعد 10 أيام جاها أخوها قال لها البنت تكون عندك ..فاتصل فيني قال جيب البنت ..وديتها ...ألحين صار على المشكلة 25 يوم تقريباً ...أرسلت لي رسالة تقول فيها : " أخذ بنتك بأغراضها وإذا بغيت أشوفها قلت لأخوي يجيبها " أخوي OnlyHuman9 والأخوة والأخوات اللي متابعيين المشكلة : ما رأيكم أقلب الطاولة عليها وأرسل لها هالرسالة : " قولي لأخوك اللي جابها لك " ؟؟؟؟؟؟؟؟؟ |
عندي لك رأي أتمنى يكون مناسب لك ولمشكلتك
اتفق مع أحد أخوانها اللي ترتاح له ويسعى للإصلاح وقل له أنا أريد أن أجتمع مع عمتي (والدة زوجتك) وحاول أن الإجتماع يكون مفاجئ ومايكون له استعداد من جهتم حتى لاتشحن الصدور والعقول وإذا جلست مع والدة زوجتك فهمها المشكلة من وجهة نظرك وليست من وجهة نظر زوجتك ولك الخيار في توصيل المشكلة هل تكون حازم او هادئ هل تريد توصيل رسائل مبطنة او رسائل صريحة على سبيل المثال قل لها للصبر حدود ولن ينفعها الندم إذا تزوجت عليها أو حملت لقب مطلقة ودع الباقي على والدتها الأم مهما كانت لاتتمنى خراب بيت ابنتها زوجتك حالتها صعبة 1- عنيدة 2- كبرياء سلبي 3- دلع العائلة أفسدها بدليل اتصالها على أهلها في كل كبيرة وصغيرة 4- تتعمد استفزازك 6- لاتحترمك ومسألة ارسال الرسائل لك أتوقع انها تريد استفزازك حتى تعرف مايدور في رأسك لانك مطنشها وفي نفس الوقت هي تفكر فيك |
اقتباس:
ولكن التواصل هو الشي الي تتمناه تبي منك اي شي حتى لو ترسل لها تسب تبي منك فقط ردة فعل توضح انك زعلان فرحان متضايق ردت فعل توضح انك مازلت تحبها وتبيها انا من رأيي انك تاخذ البنت لان هذي فرصه جتك على طبق من ذهب استغلها ولكن لا تجي انت تاخذ البنت ارسل اخوك يجيبها خل زوجتك ماتدري عنك شي ولا كأنك موجود بالدنيا اخوي انا قلت هذا الحل وادري انه صعب ومتعب ولكن صدقني الحلول الصعبه والطويله تعطيك النتايج الافضل انت قلت انك تقدر تجيب زوجتك لبيتها اليوم بس ودك انك تغيرها وتخليها تحترمك اذا هذا طلبك فاستقبل بنتك واشغل روحك بالشهر الكريم وبعده سو التمثيليه الرمضانيه :17: |
أخوي OnlyHuman9 :
ما شاء الله عليك كلامك جميل .....ولكن ما أبي بنتي تتعب وياي ...بنتي ما تقدر تفارق أمها ...إذا بتجلس معاي دايم تقول ماما ... لو برد عليها بهالرسالة " قولي لأخوك اللي جابها لك " يحتمل أمرين .. 1- إذا كانت هي صادقة أنها تبيني آخذ بنتي ...فراح تكلم أخوها ....وأخوها مستحيل بيقبل لها بهالشيء وراح يوقف ضدها ... وهذا موقف عملي واضح منها يثبت لأخوها تصرفاتها ....فيقطع علي مشوار طويل...وبكسب أخوها أكثر وأكثر وهذا اللي أبي .طبعا كسب أخوها هدف تكتيكي .. 2- إذا كان تكتيك منها ومناورة ....فقد ألجمتها ...لأنها مستحيل راح تكلم أخوها ..( ويمكرون ويمكر الله و الله خير الماكرين ) >>>> وبكذا بتعرف أنها ما تقدر تلوي ذراعي ...اللي ما قدرت تلويه إلى الآن ...ومعصي عليها تلوي ذراعي ...الحر يبقى حر . والله ما راح ترجع البيت الا بتهشيم كبريائها الكاذب ...ونعيش أنا وياها بحب وسلام اللى ما راح يصير في ظل وجود ذلك الكبرياء الكاذب.. |
طيب لو تطلع أشاعة انك خاطب !!!
. |
| الساعة الآن 06:32 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©