|
رد: زعل زوجي بسبب سهري في بيت اهلي
لست كغيري
جملة ((ماني مجبورة ....الخ ...ودني بيت أهلي)) عادي تحذفيها من قاموسك على مثل هالمواقف اللي ما تسوى .... اللي قصدته ,,انه مو طبيعي انه يقفل على نفسه الباب ’ انه ما يجيب مقاضي للبيت الا بالطلب او يقولك ما يحتاج لكن حالة الصمت ,,تحصل ,,اغلب البيوت لو حصل خصام ,,يصمتوا ,,ناس يوم ,,ناس يومين ,, كم صار لكم بحالة الصمت؟ |
رد: زعل زوجي بسبب سهري في بيت اهلي
اقتباس:
والله العظيم ماأبي أنطق كلمة ودني لأهلي .. لو علي ماابي أنطقها .. بس ماأبي أحس إني ثقيلة عليه .. أبي أسهل له الطريق في التخلص مني دامه مايبيني .. فاهمه علي يامسز؟!!! |
رد: زعل زوجي بسبب سهري في بيت اهلي
معقول من يوم السبت؟
فاهمة عليك و عارفة انه شعور بغيض ثقيل على النفس مزعج لكن ما اعتقد حلها بكلمة ودني بيت أهلي,, شرايك تبيعيها و تقولي له ما كأنك مصختها *_* انا شسويت عشان ذا كله و اقعدي هالمرة داخل غرفتك عشان ما يقفل على نفسه |
رد: زعل زوجي بسبب سهري في بيت اهلي
انتي اعطيه وقته اغلب الرجال يزعل له اربع ايام اواسبوع وبعدين يرجع الوضع طبيعي وحتئ لوقررتي انك تتركينه لاتتخذي القرار بسرعه اصبري اقلها شهر وبعدين بكيفك
التزمئ الصمت يبنتي واشغلي نفسك |
رد: زعل زوجي بسبب سهري في بيت اهلي
لا تنامين بروحك نامي بجنبه ، أكبر غلط وقت الزعل إنك تنامين بعيد عنه ، خليك بجنبه وبيطيح الحطب بإذن الله
|
رد: زعل زوجي بسبب سهري في بيت اهلي
ما ادري ليش كلمة الطلاق هينة عندكم!
يصير الانسان في المشاكل التافهة السخيفة البايخة ينسى ان فيه طريق اسمه طلاق ؟ لو عندج عيال وتهاوشتي معاهم وكفختيهم ومردغتيهم بالارض تقدرين تقولين لهم خلاص بطلع من حياتكم ؟؟ طبعا لا لان ما لج فكيه منهم وين يعني بتقطينهم! يا اختي اعتبروا الحياة الزوجية نفس الشيء اقولها من تجربة لان زوجي سابقا كان يهددني بهالكلمة كل مشكلة تنحل لا طقج لا خانج لا .. لا .. لا طبعه عسر ؟ اي طبعه عسر سايريه! من يوم السبت الحين وهذي وضعكم!!! عشان شيء سخيف يا اختي اذا هو قلل عقله انتي كبري عقلج اما اثنينكم تنسون عقولكم وكل واحد يفكر بكرامته ؟؟!! عيل اشماله متزوجين! الاول هو غلطان و شد انتي ارخي يا اختي حتى لو ما غلطتي باجر انتي تغلطين وشديتي هو المفىوض يرخي! اما كل واحد ينام بصوب ؟ مهما كانت المشكلة لا تنامون بعيد عن فراشكم! اما خل يطلقني خل يوديني بيت اهلي لعب يهال هو ؟ وبخصوص ان تقولين مرت اخوج مرتاحة اي اخوج مريحها في اشياء وغاثها في اشياء وهي مريحته في اشياء وغاثته في اشياء لان الحياة الزوجية جذي! يعني تتوقعين تصفى حق احد ؟؟؟!!! طلقني وودني بيت اهلي ووو خو يا حبيبتي منتو داشين عذاري بارك القهر ان مشكلتكم بسيطة وهو حضرته حابس نفسه وانتي تاكلين بعمرج تلحلحي شوي روحيله تكلمي وياه طبيعي تدلعي عليه اكخفيه على جتفه سوي نفسج تمزحين نايم ؟ روحي نامي بجبده واااي يا برود اعصابكم ويا طول بالكم من يوم السبت للحين كل واحد بصوب الله يرزقني هالبرود الاعصاب! انتي طيبة بس متسرعة يختي يا حبيبتي لو مثلا تهاوشتوا غسلتوا شراع بعض الساعة 3 على اكثر تقدير اذا المشكلة مو كبيرة و سحيفة مثل هالمشكلة الساعة 6 حلاتكم رادين حبايب |
رد: زعل زوجي بسبب سهري في بيت اهلي
ياالله قد ايش كبرتي المشكله خليك اعقل منه روحي اتكلمي معااه المفروض ماتنامي آلا وانتو متراضيين ياالله لو تشوفي كيف زوجي عسر واتغير الحمدلله من اسلوبي مااحب الزعل يجلس واتغافل عن كل شي
عصب عليا قبل امس وجلس يخاصم وغلط قلت حقك عليا شويتين وبرد ليش مادققت ع كلامه وقلت انت وانت وزعلت زي زعلك لأن الدنيا ماتسوى واحنا داخلين زواج مو حرب وتحدي وعناد لازم طرف يتغاضى والمرأه دائما هيا اللي تتنازل المفروض اخذتي مخدتك ورحتي نمتي جنبه وقلتي مااعرف انام وانت مو جنبي البعد يولد الجفا وانتي كبيره مو صغيره وفاهمه وعاقله خليك اعقل منوو ادا جا من الدوام استقبليه بحضن واتغدي معاه وادا نام وصحي وراق اتناقشي معااه اوك ماتبغي تسوي كدا ادا طالع فيك ابتسمي وشوفي كيف راح يبتسم ويطيح الحطب انتي عندك قناعه في راسك انو ماراح نقدر نستمر مع بعض عقلك الاواعي يترجم دي بأفعال بقولك مثل جيتي تنامي قلتي الساعه 6 راح اصحى عقلك الاواعي يبرمجها تلاقي نفسك الساعه 6 صاحيه انتي لازم تبرمجي بداخلك انو احنا راح نستمر مع بعض دا حبيبي وزوجي ماراح اسمح لأي وحده في الدنيا تاخذه مني المشكله ماتسوى الله يهديك اتعوذي من ابليس و على فكرره انتي رجعتي المشكله عليك بتصرفك وقت قفلتي الباب بقووه قلبتي الطاوله عليك لو صارت مشكله كبيره اش راح تسوي احنا لازم نتغافل عن المشاكل ونكبر عقلنا دا زوجك حبببك حقه عليك كبير اتذكري حديث الرسول عليه الصلاة والسلام (ألا أخبركم بنسائكم من أهل الجنة؟ الودود الولود العؤود، التي إذا ظُلمت قالت: هذه يدي في يدك، لا أذوق غمضاً حتى ترضى) الله يرضى عليك ويصلحكم لبعض |
رد: زعل زوجي بسبب سهري في بيت اهلي
يعني لو رجعت كلمته وضحكت معه يعد زعله الغير مبرر وتطنيشه لي شيء عادي؟ ماراح يعزز عنده فكرة أن مهما يسوي أنا إللي راح يبادر معه؟؟؟
|
رد: زعل زوجي بسبب سهري في بيت اهلي
اقتباس:
بالعكس .. بينحرج وبيشوفج أحسن منه وأعقل وأنضج .. |
رد: زعل زوجي بسبب سهري في بيت اهلي
اقتباس:
اقتباس:
روعة ::PPP::PPP::PPP |
| الساعة الآن 07:08 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©